❤️✨️ശാലിനിസിദ്ധാർത്ഥം12✨️❤️ [??????? ????????] 379

“എടാ എനിക്ക്, ചപ്പാത്തിയുണ്ടെങ്കിൽ അത് ഓർഡർ ചെയ്താൽ മതിയെടാ… ചോറ് വേണ്ട.” സിദ്ധാർഥ് അർജുനോട് പറഞ്ഞു.

“ശെരി അങ്ങനെയെങ്കിൽ ചപ്പാത്തിയും കുറുമയും ഓർഡർ ചെയ്യാം.. അപ്പൊ ബാലുവണ്ണാ, 8 പ്ലേറ്റ് ഊണും, ഒരു പ്ലേറ്റ് ചപ്പാത്തി വിത്ത്‌ കുറുമയും പോരട്ടെ…”

അർജുന്റെ ഓർഡർ സ്വീകരിച്ച് ബാലു അവിടെനിന്നും ഭക്ഷണമെടുക്കാനായി പോയി.

അർജുൻ :” എടാ നിന്റെ വിഷമമൊക്കെ മാറിയല്ലോ അല്ലേ.. അപ്പൊ നേരെത്തെ നടന്ന കാര്യം ഞാൻ പറയണോ അതോ നീ പറയുമോ.. ”

“നീ പറഞ്ഞോ… എനിക്കത് പറയാൻ താല്പര്യമില്ല…” സിദ്ധാർഥ് ഒരു ഒഴുക്കൻ മട്ടിൽ പറഞ്ഞു. അപ്പോഴേക്കും അവർക്കുള്ള ഭക്ഷണം എത്തിയിരുന്നു…

“എടാ ഇനി പറ.. എന്താ സിദ്ധുവും രക്ഷയും തമ്മിൽ സംസാരിച്ചത്…” വിഷ്ണു ആകാംഷയോടെ ചോദിച്ചു.

അർജുൻ :” അതോ… സിദ്ധാർഥ് ഇന്നൊരു ദിവസത്തേക്ക്, നമ്മളെ വിട്ട് അവളുമാരുടെ കൂടെ കാന്റീനിലിരുന്നു ഉച്ചയ്ക്ക് ഭക്ഷണം കഴിക്കാൻ വരണമത്രേ… “അർജുൻ

ജയസൂര്യ :” ആഹ ഓഹോ എന്നിട്ട്…???”

“എന്നിട്ടെന്താ… പിന്നെ ഞാൻ പോലും വിചാരിക്കാത്ത കാര്യമാണ് അവിടെ നടന്നത്…” അർജുൻ ഒന്ന് നിർത്തിയിട്ട് ഒരു നിമിഷത്തേക്ക് സിദ്ധാർഥിനെയൊന്നു നോക്കി. അവൻ വല്ലാത്തൊരു നിസംഗഭാവത്തിൽ ഒന്നും അറിയാത്ത മട്ടിൽ ഭക്ഷണം കഴിച്ചു കൊണ്ടിരിക്കുകയായിരുന്നു.

അർജുൻ അത് കണ്ട് പുഞ്ചിരിച്ച ശേഷം അവിടെ പിന്നെ നടന്ന കാര്യമങ്ങു പറഞ്ഞുകൊടുത്തു. അത് കേട്ട് ആ ഏഴുപേരുടെയും മുഖത്ത് വിവിധ ഭാവങ്ങളായിരുന്നു മിന്നിമറഞ്ഞത്…

:”എടാ എന്നാലും നീയെന്തിനാ അവളോട് അങ്ങനെ പെരുമാറിയത്… അതൊരു പെങ്കൊച്ചല്ലേ…???”

:”എന്നാലും അവളോട് നിനക്കല്പവും കൂടെ മാന്യമായി പെരുമാറാമായിരുന്നു…”

ഭക്ഷണം കഴിച്ചു കൊണ്ടിരിക്കുന്നതിനിടയിൽ സിദ്ധാർഥിനോട്‌ അവർ പല അഭിപ്രായങ്ങളും പറഞ്ഞത് കേട്ട് സിദ്ധാർഥ് അവരെ നോക്കി പുച്ഛിച്ചു ഉറക്കെ ചിരിക്കുക മാത്രം ചെയ്തു.

അവർ സിദ്ധാർഥിനെ അത്ഭുതത്തോടെ നോക്കി.