❤️✨️ശാലിനിസിദ്ധാർത്ഥം12✨️❤️ [??????? ????????] 379

അപ്പോഴേക്കും സിദ്ധാർഥ്, അർജുനോടൊപ്പം അവിടെ കാന്റീനകത്തേക്ക് കേറിവന്നു… സിദ്ധാർഥ് അവിടേക്ക് വന്നപ്പോൾ എല്ലാവരും പിൻഡ്രോപ്പ് സൈലെൻസായി.

‘ഹായ് കുട്ടികളെ…’ അവരിരുവരെയും കണ്ടപ്പോൾ കൗണ്ടറിലുണ്ടായിരുന്ന കാന്റീൻ ഉടമസ്ഥൻ, ഗോപലേട്ടൻ അവരെ വിഷ് ചെയ്തെങ്കിലും സിദ്ധാർഥ് അത് നടിക്കാതെ, കറുത്ത മുഖവുമായി തന്റെ കൂട്ടുകാരുടെ അടുത്തേക്ക് നടന്നു…

“ഇതെന്താ…??? തന്റെ കൂട്ടുകാരന് എന്ത് പറ്റി…??? ആരോടോ വഴക്കിട്ട പോലെ അവന്റെ മുഖമൊക്കെ വല്ലാതെയിരിക്കുന്നുണ്ടല്ലോ…” അയാൾ അർജുനോട് സൗഹൃദഭാവത്തിൽ ചോദിച്ചു.

” അതൊക്കയൊരു ചിന്ന വിഷയമാണ് ഗോപലേട്ടാ… പുറത്ത് പറയാൻ പറ്റില്ല. ആട്ടെ സെവനപ്പിന്റെ ചെറിയ ബോട്ടിലുണ്ടോ…???” അർജുൻ കൗണ്ടറിന്റെ ഒരു മൂലയ്ക്കിരിക്കുന്ന കോൾഡ് സ്റ്റോറേജിൽ നോക്കികൊണ്ട് ചോദിച്ചു.

” അയ്യോ അതില്ല… ഗോലി സോഡായുണ്ട് അത് മതിയോ …”

“”അഹ്‌ അതെങ്കിൽ അത്. ഒരെണ്ണമിങ്ങു എടുത്തേ… ഞാനവനെയൊന്നു തണുപ്പിക്കട്ടെ.”

അർജുൻ, ഗോപാലൻ നൽകിയ സോഡാ കുപ്പിയുമായി തന്റെ കൂട്ടുകാരുടെ അടുത്തേക്ക് നടന്നു.

ആദം : “അഹ്‌ നീയിത് എവിടായിരുനടാ… ഈ സിദ്ധാർഥിന് ഇതെന്ത് പറ്റി… വന്നനേരം മുതലേ ഇവനിങ്ങനെ തലയും കുനിച്ച് ഇരിക്കുകയാണ്.. ചോദിച്ചിട്ടാണേൽ ഒന്നുമില്ലെന്നും പറഞ്ഞ് ഒഴിഞ്ഞു മാറുകയാണ്..”

” ആണോ… ഡേയ് സിദ്ധു, നീയിതൊന്നു കുടിച്ചേ… നിന്റെയുള്ളിലെ ആ ചൂടങ്ങു മാറട്ടെ…” അർജുൻ, തന്റെ കൈയിലിരുന്ന

കുപ്പി അവന്റെ നേർക്ക് നീട്ടിയപ്പോൾ അവനത് വേണ്ടെന്നു പറഞ്ഞെങ്കിലും അജു നിർബന്ധിച്ചപ്പോൾ അവനത് വാങ്ങിയിട്ട് ഒറ്റയിരിപ്പിനു അത് മുഴുവനും കുടിച്ചു തീർത്തു.

ശിവ :” എടാ എന്താ ഇവനും ആ രക്ഷിതയും കൂടെ സംസാരിച്ചത്…??? പറ..”

അർജുൻ :”പറയാം… നില്ല്.. ഫുഡ്‌ ഓർഡർ ചെയ്യേണ്ടേ…”

അർജുനെന്നിട്ട് അവിടെയുണ്ടായിരുന്ന സപ്ലൈയർ പയ്യനെ വിളിച്ച് ഫുഡ്‌ ഓർഡർ ചെയ്യാനൊരുങ്ങി..