❤️✨️ശാലിനിസിദ്ധാർത്ഥം12✨️❤️ [??????? ????????] 379

*************************************

കോളേജ് ക്യാന്റീനിൽ…

അവിടെയുണ്ടായിരുന്ന ഒരു നീളൻ ടേബിളിനു ചുറ്റും, സിദ്ധാർത്തും അർജുനുമൊഴികെ ബാക്കി ഏഴു പയ്യൻസും സന്നിഹിതരായിരുന്നു..

ജയസൂര്യ: “എന്നാലും ഇന്ന് നമ്മുടെ സിദ്ധാർഥ് മൊത്തത്തിലങ്ങ് സ്കോർ ചെയ്യുവായിരുന്നല്ലേ …”

ശിവ : “അതെയതെ… അവൻ മാത്രമേ സ്കോർ ചെയ്തുള്ളു.. കഴിഞ്ഞ മലയാളം ക്ലാസ്സിൽ സിദ്ധാർഥിനെ കാരണം നീയും രണ്ടു പെൺപിള്ളേരുടെ കൂടെയിരുന്നു സ്കോർ ചെയ്തില്ലേടാ.. ജാഡ തെണ്ടി.

ആദം : “ഏഹ്.. നീയെന്താ ഈ പറയുന്നത്…???”

ശിവ :” അതൊക്കെയുണ്ട് മോനുസേ… നീ സിദ്ധാർഥ് വരുമ്പോൾ വിശദമായിട്ട് ചോദിച്ചാൽ മതി.

വിഷ്ണു :” മ്മ് ശെരി ശെരി… അതൊക്കെ അവിടെ നിൽക്കട്ടെ… എന്നാലും ഇനി മറ്റന്നാൾ മുതൽ, ആ ഗുണനായകോ അല്ലെങ്കിൽ അയാളുടെ ആ അസിസ്റ്റന്റോ ഇവിടെ സ്ഥിരമായി ഉണ്ടെങ്കിൽ ശെരിക്കും ആരായിരിക്കും സ്കോർ ചെയ്യുക എന്ന് നിങ്ങൾ ആലോചിച്ച് നോക്കിയോ…???”

ആദം :” എടാ നീയാ സ്വസ്ഥത കെടുത്തുന്ന കാര്യം പറയല്ലേ… അങ്ങേരുടെയും, അയാളുടെ കൂട്ടാളികളുടെയും തല്ല് മൊത്തോം എനിക്കാണ് കിട്ടിയത്. പിന്നെ അന്ന് എല്ലാവരുടെയും മുന്നിൽ വെച്ചയാൾ എന്നെ നാണംകെടുത്തി…

അതിനുള്ള പ്രതികാരം ഞാൻ ഒരിക്കൽ ചെയ്തിരിക്കും… ഉറപ്പ്.

ജയസൂര്യ :” ഉവ്വാ നീ അയാളോട് പ്രതികാരം ചെയ്തത് തന്നെ. എടാ അയാളോട് നേരിട്ട് എതിരിട്ട് നിൽക്കാൻ പോലും നമ്മളെകൊണ്ട് പറ്റില്ല. നീയല്ലേ നേരെത്തെ പറഞ്ഞത്, അയാളുടെ തല്ലെല്ലാം നിനക്കാണ് കിട്ടിയതെന്നു… അപ്പൊപിന്നെ നീയെങ്ങനെയാ പ്രതികാരം ചെയ്യാൻ പോകുന്നത്…

ആദം :”അതൊക്കെ ഞാൻ ചെയ്യുമെടാ… നീ നോക്കിക്കോ…”

സത്യ : “അല്ല അവന്മാരെന്തിയേ, സിദ്ധുവും, അർജുനും… ???”

ആദികേശവ് : “മച്ചൂ നമ്മുടെ ക്ലാസ്സിലെ രക്ഷിതയില്ലേ, ക്ലാസ്സ്‌ കഴിഞ്ഞ് ഇറങ്ങിയതും അവൾക്ക് അവനോടെന്തോ സംസാരിക്കാനുണ്ട് എന്നു പറഞ്ഞതോടെ ഞങ്ങളവരെ അവിടെ വിട്ടിട്ട് ഇങ്ങു പോന്നു…”