️ശാലിനിസിദ്ധാർത്ഥം12️ [??????? ????????] 856

എടാ നീയെന്താ സിദ്ധാർഥ്, ഈ കാണിക്കുന്നത് ! ആൾക്കാരൊക്കെ ശ്രദ്ധിക്കുന്നുണ്ട്. നീയിങ്ങോട്ടൊന്നു വന്നേ…” അതോടെ അർജുൻ അതിലടപ്പെട്ട് സിദ്ധാർഥിനെ അവിടെ നിന്നും വിളിച്ചുകൊണ്ടു പോയി.

അവരുടെയാ പോക്ക് നോക്കി നിന്ന രക്ഷിത മനസ്സിൽ കരുതി.

“എടീ നമ്മളിന്നി എന്താണ് ചെയ്യുക.. അവൻ നമ്മൾ വിചാരിച്ചയാളല്ലല്ലോ…”

” നീ എത്ര വിചാരിച്ചിട്ടും അവൻ നിന്റെയടുത്തേക്ക് വരുന്നതേയില്ലല്ലോ…”

സിദ്ധാർഥ് അർജുനോടൊപ്പം കാന്റീനിലേക്ക് പോയെന്നു ഉറപ്പ് വരുത്തിയിട്ട് രക്ഷിതയുടെ അടുത്തേക്ക് വന്ന അവളുടെ കൂട്ടുകാരികൾ അവളെ ഓരോ കാര്യങ്ങൾ പറഞ്ഞു അലോസരപ്പെടുത്തിയതോടെ രക്ഷിതയുടെ മട്ടു മാറി.

“മിണ്ടെരുത്.. രണ്ടുപേരും… നിങ്ങളൊക്കെ കൂടി എന്നോടിങ്ങനെ പറഞ്ഞിട്ടല്ലേ.. ഞാനിങ്ങനെയൊക്കെ ചെയ്തത്… എന്നിട്ട് അവസാനമവന്റെ ആട്ടും തുപ്പും മാത്രമല്ലേ എനിക്ക് കിട്ടിയത്…”

അത് പറയുമ്പോൾ അവളുടെ കണ്ണുകൾ നിറഞ്ഞിരുന്നു.

“എടീ പോട്ടെ സാരമില്ല… നീയെന്തിനാണ് അവനെ തന്നെ വേണമെന്ന് നിർബന്ധം പിടിക്കുന്നത്. സിദ്ധാർഥിനെ വിട്ടു കളഞ്ഞിട്ട് വേറെ ആരെയെങ്കിലും നിനക്ക് നോക്കിക്കൂടെ…” ഒരു പെൺകുട്ടി അവളെ സമാധാനിപ്പിക്കാൻ ശ്രമിച്ചു.

അതിനു മറുപടിയായി, രക്ഷിതയിൽ നിന്ന് കവിള് പൊളിയുന്ന അടിയാണ് അവൾക്ക് കിട്ടിയത്…! (അവള്ടെ എന്തോ ഭാഗ്യത്തിനു അന്നേരം അവിടെയാരുമുണ്ടായിരുന്നില്ല)

” എന്താടി നീ പറഞ്ഞേ…! ഞാനവനെ വിട്ടു കളയണമെന്നോ… ഞാനവന് കല്പിക്കുന്ന വിലയെന്തെന്നു നിനക്കൊന്നുമറിയില്ലടി…

അവനാരാണെന്നും നിങ്ങൾക്കറിയില്ല.

ക്രോധവും, വിദ്വേഷവും കാരണം രക്ഷിതയുടെ കണ്ണുകൾ ചുവന്നുകഴിഞ്ഞിരുന്നു. അത് കണ്ട് അവളുടെ കൂട്ടുകാരികൾ രണ്ടുപേരും ഭയന്ന് വിറച്ചു.

‘നിന്നെ ഞാൻ വിടില്ല സിദ്ധാർഥ്… എന്ത് വില കൊടുത്തിട്ടായാലും എനിക്കവനെ വേണം.. എത്ര കോടികൾ എണ്ണി കൊടുത്തിട്ടായാലും എനിക്കവന്റെ തലച്ചോറുപയോഗിക്കണം…’ രക്ഷ കുറച്ച് നേരം മനസ്സിൽ എന്തൊക്കയോ തീരുമാനിച്ചുറപ്പിച്ചതിനു ശേഷം അവരെയും കൂട്ടി കാന്റീനിലേക്ക് പോകാൻ തീരുമാനിച്ചു…