❤️✨️ശാലിനിസിദ്ധാർത്ഥം12✨️❤️ [??????? ????????] 379

“ആാാ…” അവൻ അലറികൊണ്ട് കണ്ണുകൾ തുറന്നു. അവന്റെ കണ്ണുകൾ പിംഗലവർണ്ണത്തിൽ തിളങ്ങി…!

അപ്പോഴേക്കും മൂന്നടി ഉയരത്തിൽ നിന്ന് സിദ്ധാർഥ് താഴെ കട്ടിലിലേക്ക് പതിയെ പതിച്ചു. നേരെത്തയുണ്ടായിരുന്ന മരവിപ്പും ദുർബലാവസ്ഥയും മാറി, കൈ കാലുകൾക്ക് ഒരു തരിപ്പും, ബലവും ഉള്ളതായി സിദ്ധാർഥ് മനസ്സിലാക്കി..

അവൻ കട്ടിലിൽ കിടന്നു കൊണ്ട് കൈ കാലുകൾ ചലിപ്പിക്കാൻ ശ്രമിച്ചു.

” എന്റെ ദൈവമേ.. ഹാ എനിക്കെന്റെ കൈകാലുകൾ ചലിപ്പിക്കാൻ സാധിക്കുന്നുണ്ട്.. ” അവന്റെയുള്ളിൽ സന്തോഷം തിരതല്ലി.അവൻ കട്ടിലിൽ നിന്ന് ചാടിയെഴുനേറ്റു. പതിയെയാ ഇരുട്ടിൽ അവൻ എഴുന്നേറ്റു നടക്കാൻ ശ്രമിച്ചു. ‘അതേ എനിക്കെല്ലാം സാധ്യമാകുന്നുണ്ട്…’

“എന്താ സിദ്ധാർഥ്… സന്തോഷമായില്ലേ…” വീണ്ടുമവിടെ മാക്സിന്റെ സ്വരം മുഴങ്ങികേട്ടു.

” മാക്സ്.. നിങ്ങൾ സത്യത്തിൽ ആരാണ്… ??? ഏഹ് എന്റെ സ്വരം, മാറിയിരിക്കുന്നു..” സിദ്ധാർഥ് അത്ഭുതപ്പെട്ടു.

അവന്റെ ചോദ്യത്തിനു മറുപടിയായി മാക്സ് ചിരിക്കുകയാണുണ്ടായത്…

“ഹി ഹി… സിദ്ധാർഥ്, നീയാ കണ്ണാടിയുടെ മുന്നിൽ ചെന്ന് മൊത്തത്തിലൊന്നു നോക്കിക്കെ… നിനക്ക് സംഭവിച്ച മാറ്റമെന്തെന്നു നിനക്ക് അപ്പോൾ മനസ്സിലാകും…

നിനക്ക് തല്ക്കാലം ലഭിക്കേണ്ടതെല്ലാം ഇപ്പോൾ ലഭിച്ചിട്ടുണ്ട്. ഇനിയാണ് നീ നിന്റെ യഥാർത്ഥ ജീവിതം ജീവിച്ചു തുടങ്ങേണ്ടത്. ഇന്ന് നിന്റെ കഴിവുകളെല്ലാം നിനക്ക് പതിയെ പതിയെ തിരികെ ലഭിച്ചു തുടങ്ങുന്നതാണ്.”

” ഒന്നുമില്ലേലും അങ്ങേയുടെ യഥാർത്ഥ പേരെങ്കിലും എന്നോട് പറയൂ…” സിദ്ധാർഥ് കൈകൂപ്പി അപേക്ഷിച്ചു.

” അപ്പോൾ നിനക്ക് എന്റെ പേര് അറിയണം അല്ലേ… ഈ പ്രപഞ്ചത്തിൽ എന്നെ കണ്ടിട്ടുള്ളവരിൽ വളരെ ചുരുക്കം ചിലർക്ക് മാത്രമേ എന്റെ യഥാർത്ഥ നാമം അറിയുകയുള്ളു… എന്നിരുന്നാലും ഞാനത് പറയാം…”