❤️✨️ശാലിനിസിദ്ധാർത്ഥം12✨️❤️ [??????? ????????] 379

****************************************

അങ്ങനെ രണ്ടു പീരിയഡുകൾ വളരെ വേഗത്തിലാണ് കടന്നു പോയത്. ക്ലാസ്സിലെ സ്റ്റുഡന്റസ് എല്ലാവരോടും തന്നെ അൻവർ മാഷ് വളരെയധികം ഫ്രണ്ട്‌ലിയായിരുന്നു… അത് കൊണ്ട് അൻവറിന്റെ ക്ലാസ്സ്‌ ഒട്ടും തന്നെ അവരെ മുഷിപ്പിച്ചില്ല.

“അപ്പോൾ ശെരി കാർത്തികേ… ശാലിനി വിളിച്ചാൽ ഞാൻ അന്വേഷിച്ചുവന്നെങ്കിലും പറയണേ…”

“ശെരി സിദ്ധാർഥ്.. അവൾ വിളിച്ചാൽ ഞാനത് അറിയിക്കാം.. ഗുഡ് ബൈ..”

അൻവർ മാഷിന്റെ ക്ലാസ്സ് കഴിഞ്ഞ് സിദ്ധാർഥ് തന്റെ കൂട്ടുകാരോടൊപ്പം ക്ലാസ്സ് വിട്ട്, കാന്റീനിന്റെ നടക്കവേയാണ്,

” ഹേയ് സിദ്ധാർഥ്… അവിടെയൊന്നു നിന്നേ…” എന്ന് ഉറക്കെ പറഞ്ഞുകൊണ്ട്

സിദ്ധാർഥിനെ പുറകിൽ നിന്നും ഒരു പെൺകുട്ടി വിളിച്ചത് കേട്ട് സിദ്ധുവും, അവന്റെ കൂടെയുണ്ടായിരുന്ന അർജുനും തിരിഞ്ഞു നോക്കിയത്….

തങ്ങളുടെ അടുത്തേക്ക് വളരെ വേഗത്തിൽ ഓടിവരുന്ന ഒരു പെൺകുട്ടിയും, അവളുടെ പിന്നാലെ ഓടിയെത്താൻ ശ്രമിക്കുന്ന ഏതാനും പെൺകുട്ടികളെയുമാണ് അവൻ കണ്ടത്.

“ഇത് നേരെത്തെ എന്നെ കൈയും കാലും കാണിച്ചു ശ്രദ്ധ തിരിക്കാൻ നോക്കിയ പെണ്ണല്ലേ… ”

അർജുൻ : “ആര്… രക്ഷിതയോ…???”

“അപ്പോൾ ഇവൾടെ പേര് രക്ഷിതയെന്നാണല്ലേ…” സിദ്ധാർഥ്, തന്റെ നേർക്ക് ഓടി വരുന്ന ആ പെൺകുട്ടിയെ നോക്കികൊണ്ടിരുന്നു.

“ഹേയ് സിദ്ധാർഥ്, ഹായ് അർജുൻ നിങ്ങൾ തിരക്കിലാണോ…???” ഓടിയെത്തിയ പാടെ രക്ഷിത അവരോട് ചോദിച്ചു.

അർജുൻ :” അതെ ഞങ്ങൾ ക്യാന്റീനിൽ ഭക്ഷണം കഴിക്കാൻ പോകുകയാണ്.. എന്താ… രക്ഷാ എന്തെങ്കിലും കാര്യമുണ്ടോ…!”

“”ആഹ നിങ്ങൾ ക്യാന്റീനിലേക്കാണോ.. ഞങ്ങളും കാന്റീനിലോട്ടാണ്. എനിക്ക് സിദ്ധുവിനോടൊരു റിക്വസ്റ്റുണ്ട്… ഇന്നൊരു ദിവസത്തേക്ക് ഭക്ഷണം കഴിക്കാൻ ഞങ്ങളോടൊപ്പം വരാമോ.. സിദ്ധാർഥിന്….???”

രക്ഷിത, സിദ്ധാർഥിന്റെ കൈകളിൽ കോർത്തു പിടിച്ചുകൊണ്ട്, അവവന്റെ കണ്ണുകളിലേക്ക് വശ്യമായി നോക്കികൊണ്ട് അഭ്യർത്ഥിച്ചു.