❤️✨️ശാലിനിസിദ്ധാർത്ഥം12✨️❤️ [??????? ????????] 379

“ജയസൂര്യാ, നീ മതി. ജയനിങ്ങു വാ…” സിദ്ധാർഥ് തിരിഞ്ഞ് ജയനെ വിളിച്ചു.

“ങേ…ഞാനോ…! ജയസൂര്യ വിശ്വാസം വരാതെ അവനെ നോക്കി.

“മ്മ്.. നീ തന്നെ..” സിദ്ധാർഥ് അവനെ കൈകാട്ടി വിളിച്ചു.

അത് കേൾക്കേണ്ട തമാസം, ജയൻ, ഒരു കള്ളച്ചിരിയുമായി തന്റെ ബാഗുമെടുത്ത് സിദ്ധാർഥിന്റെ അടുത്തേക്ക് പായുകയായിരുന്നു. ജയസൂര്യയും കൂടെ വന്നതോടെ അവർ നാലുപേരും ഇടവിട്ട് ആ ബെഞ്ചിലിരുന്നു. ആ കാഴ്ച, മറ്റുള്ളവരിൽ നിരാശയും അസൂയയും ഉണ്ടാക്കിയെങ്കിൽ, ആ കാഴ്ച കണ്ട് പെൺകുട്ടികളിലൊരാളുടെ മനസ്സ് രോഷം കൊണ്ട് പുകയുകയായിരുന്നു.

അവൾക്ക്, അൻവർ മാഷിനോടും, സിദ്ധാർഥിനോടും, അവന്റെയടുക്കൽ വന്നിരുന്ന പെൺകുട്ടികളോടുമെല്ലാം അതിയായ ദേഷ്യം തോന്നി. തന്റെയുള്ളിലെ ആ ദേഷ്യമവൾ തന്റെ കൈയിലെ പേന നശിപ്പിച്ചുകൊണ്ട് പ്രകടിപ്പിച്ചു.

ഹായ്… ഞാൻ സിദ്ധാർഥ്. എന്താ നിങ്ങളുടെ പേര്.. സിദ്ധാർഥ് തന്റെയടുത്ത് ഇരിക്കുകയായിരുന്ന പെൺകുട്ടികളോടു ചോദിച്ചു.

“എന്റെ പേര് കാർത്തിക.. ഇവളുടെ പേര് ആവണി..”

“ഹായ് ഞാൻ ജയസൂര്യ…” ജയൻ കാർത്തികയ്ക്കും, ആവണിക്കും കൈകൊടുത്തു. അങ്ങനെ അവർ 4 പേരും പരസ്പരം പരിചയപ്പെട്ടു.

അപ്പോഴേക്കും അൻവർ, ക്ലാസ്സ്‌ അറ്റന്റൻസ് എടുക്കാൻ തുടങ്ങിയിരുന്നു…

അൻവർ മാഷ്, കാർത്തികയുടെ ക്ലാസ്സിലെ അറ്റന്റൻസാണ് ആദ്യം എടുത്തത്…

“….റോൾ നമ്പർ ത്രീ.. ശാലിനി ദേവികൃഷ്ണ…” അൻവർ നമ്പർ വിളിച്ചു.

“ത്രീ ആബ്സെന്റ് ഫോർ. സോറി സർ ശാലിനി ഇന്നു വന്നിട്ടില്ല.” അവന്റെയടുത്തിരുന്ന കാർത്തിക, എഴുനേറ്റു നിന്നു അബ്സെന്റ് പറഞ്ഞിട്ട് തന്റെ പ്രേസേന്റും പറഞ്ഞിട്ട് ഇരുന്നു.

സിദ്ധാർഥ് അവളെ അത്ഭുതത്തോടെ നോക്കി.

സിദ്ധാർഥ് : “എടോ തനിക്ക് ശാലിനിയെ അറിയാമല്ലേ. തന്റെ ക്ലാസ്സിലാണല്ലേ…”

കാർത്തിക : ” അതെ അറിയാം.. സിദ്ധാർഥ് എന്താ അങ്ങനെ ചോദിച്ചത്…???”