❤️✨️ശാലിനിസിദ്ധാർത്ഥം12✨️❤️ [??????? ????????] 379

അർജുൻ : “അല്ലടാ, നിങ്ങള് ആരുടേങ്കിലും കൈയിൽ ശാലിനിയുടെ ഫോട്ടോ ഉണ്ടോ ഞാൻ ആളെ കണ്ടിട്ടില്ല…!”

ഗോകുൽ : “ഇല്ലടാ… അവളുടെ പിക് ഞങ്ങൾ ആരുടെ കൈയിലും ഇല്ല… നിങ്ങൾ ഗുണനായകിന്റെ കേസ് സിദ്ധാർഥിനോട്‌ പറയുന്നില്ലേ…???”

ജയസൂര്യ :” ങ്ങാ പറയണം…”

അങ്ങനെ ക്ലാസ്സിലവിടെയുമിവിടെയുമായി സിദ്ധാർഥിനെ സംബന്ധിച്ചും അല്ലാതെയുമായി വിദ്യാർത്ഥികൾ സംസാരിച്ചു കൊണ്ടിരിക്കെയാണ് അവിടേക്ക് അവരുടെ മലയാളം അദ്ധ്യാപകൻ കടന്നു വരുന്നത്…

കാണാൻ ചെറുപ്പവും, സുമുഖനുമായിരുന്ന ആ അദ്ധ്യാപകൻ, സ്റുഡന്റ്സിന്റെ പതിവ്  ഉപചാരങ്ങൾക്ക് ശേഷം സ്വയം പരിചയപ്പെടുത്തി.

” ഹായ് കുട്ടികളെ.. ഞാനാണ് നിങ്ങളുടെ പുതിയ മലയാളം അദ്ധ്യാപകൻ… പേര് അൻവർ സാദത്ത്.. അൻവർ മാഷ്.”

“സാറേ, ഒരു സംശയം ചോദിച്ചോട്ടെ, സാറിന്റെ ഇതേ പേരിലൊരാളുണ്ടല്ലോ.. പണ്ട് സമാധാനത്തിനു നോബൽ പ്രൈസൊക്കെ കിട്ടിയ.. അയാളുടെ പുനർജ്ജന്മം ആണോ സാറ്…???”

സിദ്ധാർഥ് ചാടിയെഴുനേറ്റു കൊണ്ട് അൻവറിനോട്‌ ചോദിച്ചു.

” എന്താ.. ഹ ഹ…മോന്റെ ആ തമാശയെനിക്ക് ഇഷ്ടപ്പെട്ടു. ഞാൻ അദ്ദേഹത്തിന്റെ പുനർജ്ജന്മമൊന്നുമല്ലെങ്കിലും ഈ ലോകത്തിൽ സമാധാനവും സന്തോഷവും നിത്യവും പുലരണമെന്ന് ആഗ്രഹിക്കുന്നയാളാണ് ഞാൻ… ആട്ടെ എന്താ മോന്റെ പേര്…???” അൻവർ ചോദിച്ചു.

” സിദ്ധാർഥ്…”

“ഓക്കേ സിദ്ധാർഥന്താ ഒറ്റയ്ക്കിയിരിക്കുന്നത്.. ആരും തന്നോട് കൂട്ടില്ലേ… എന്താ പിള്ളേരെ നിങ്ങൾ ഇവന് ഒരു കമ്പനി കൊടുക്കാത്തത്…???”

അൻവർ അങ്ങനെ ചോദിച്ചെങ്കിലും, ബോയ്സോ, ഗേൾസോ ആരും തന്നെ പ്രതികരിച്ചില്ല…

അൻവർ :”ഓക്കേ.. അപ്പോൾ നിങ്ങൾക്കാർക്കും കമ്പനി കൊടുക്കാൻ താല്പര്യമില്ലല്ലേ… ശെരി അങ്ങനെയെങ്കിൽ ഞാൻ വിളിക്കുന്നവർ ഇവന്റെയടുത്ത് വന്നിരിക്കണം കേട്ടോ…” എന്നിട്ടദേഹം ഗേൾസിന്റെയും, ബാക്കി ബോയ്സിന്റെയും ഭാഗത്തേക്ക് ആരെയോ തിരയുന്നത് പോലെ നോക്കികൊണ്ടിരുന്നു.