❤️✨️ശാലിനിസിദ്ധാർത്ഥം12✨️❤️ [??????? ????????] 379

രക്ഷ :” എന്താണെന്നോ… അവനിങ്ങനെ ഒറ്റയ്ക്ക് ഇരിക്കുന്നത് കണ്ടിട്ട് എനിക്ക് സഹിക്കുന്നില്ലടി… നിനക്ക് അവന്റെയടുത്തു പോയിരുന്നു കമ്പനി കൊടുക്കണമെന്നില്ലേ…???

ഞാൻ അങ്ങോട്ടു വരട്ടെ’യെന്ന് അവനോട് ചോദിച്ചപ്പോൾ അവനതിനെന്നെ അനുവദിച്ചില്ല… ”

“നിനക്കവനെ കമ്പനിയടിക്കാൻ വേണോ…?? അതിനൊരു വഴിയുണ്ട്..” രക്ഷയുടെ അടുത്തിരുന്ന മറ്റൊരു പെൺകുട്ടി അവളോട് ചോദിച്ചു.

” വേണം… എനിക്കവനെ വേണം അതിനുള്ള വഴി വേഗം പറ…”

” ശെരി പറയാം…” ആ പെൺകുട്ടി, അവൾ കണ്ടെത്തിയ വഴി രക്ഷയോട് പറഞ്ഞു തുടങ്ങി…

മീനവിയൽ ബോയ്സിന്റെ സൈഡിൽ…

“ഡേയ് ജയാ, നിന്റെ ക്ലാസ്സിലെ സിദ്ധാർഥ് എന്തോന്നാ ഈ കാണിക്കുന്നത്.. അവൻ മാത്രമെന്താ അവിടെ ഒറ്റയ്ക്ക് ഫ്രണ്ടിൽ പോയിരിക്കുന്നത്… അവനിവിടെ വന്നിരുന്നുകൂടെ… ആ പെൺപിള്ളേരൊക്കെ അവനെ വായിനോക്കിയിരിക്കുവാ.”

ശാലിനിയുടെ ക്ലാസ്സിലെ, ഗോകുലെന്ന പയ്യൻ ജയനോട് ചോദിച്ചു.

“എടാ ക്ലാസ്സിൽ അവനെപ്പോഴും അങ്ങനെയാണ്… എപ്പോഴും ഫ്രണ്ട് ബെഞ്ചിലേ ഇരിക്കുകയുള്ളു. പിന്നെ മനസ്സിലെന്തെങ്കിലും വിഷമങ്ങൾ വല്ലതുമുണ്ടെങ്കിൽ അവനെപ്പോഴും ഒറ്റയ്ക്കിരിക്കാറാണ് പതിവ്. എനിക്കവനെ നല്ലത് പോലെ അറിയാം…”

ഗോകുലിന്റെ ചോദ്യത്തിനു അർജുൻ മറുപടി നൽകി.

ഗോകുൽ : “അങ്ങനെയെങ്കിൽ അവൻ ശാലിനിയുടെ കാര്യമോർത്തായിരിക്കും വിഷമിക്കുന്നത്… അവൻ അവളെ ഫ്രണ്ട് ആയിട്ടല്ലേ കണക്കാക്കുന്നത്.

പിന്നെ കഴിഞ്ഞ ആഴ്ചയിൽ നടന്ന സംഭവങ്ങൾ എന്തൊക്കെയെന്നു നമ്മൾക്കറിയാവുന്നതാണല്ലോ… പിന്നെയിപ്പോഴിതാ ഗുണനായകും കൂടെ നമ്മടെ ഫ്രീഡം നശിപ്പിക്കാനായിട്ട് കടന്നു വന്നില്ലേ… അയാളുടെയൊരു കരിനിയമം… ” അത് പറയുമ്പോൾ ഗോകുലിന്റെ മുഖം രോക്ഷം കൊണ്ട് ചുവന്നിരുന്നു.

ഹാ പോട്ടെടാ. അതൊന്നും നീയിപ്പോൾ ആലോചിക്കണ്ടാ… അതൊക്കെ ആലോചിച്ചാൽ തന്നെ നമ്മുടെ ഉള്ള സ്വസ്ഥത കൂടെ നശിക്കും. അയാളുടെയീ നരകത്തിൽ നിന്ന് നമ്മൾക്ക് രക്ഷപ്പെടാൻ എന്തെങ്കിലും വഴി കാണുമെടാ…” ഗോകുലിനെ വേറൊരു പയ്യൻ സമാധാനിപ്പിച്ചു.