❤️✨️ശാലിനിസിദ്ധാർത്ഥം12✨️❤️ [??????? ????????] 379

“ശ്ശെടാ… ഞാനിനി അവളെ എങ്ങനെയാ ഒന്ന് കാണുക…”

“എടാ.. നീ വിഷമിക്കണ്ടാ.. അവൾ ചിലപ്പോൾ അവളുടെ ഏട്ടന്റെ കൂടെയേ വരുകയുള്ളു എന്ന് തോന്നുന്നു… അയാൾക്കാണെങ്കിൽ സാരമായ പരുക്കു പറ്റിയതല്ലേ. അതൊക്കെ ഭേദമായിട്ടേ കോളേജിലേക്ക് വരുകയുള്ളു എന്നാണ് തോന്നുന്നത്… ” ആദം അവന്റെ തോളിൽ തട്ടി ആശ്വസിപ്പിച്ചു.

അപ്പോഴേക്കും അടുത്ത പീരിയഡിനുള്ള ബെല്ലടിച്ചു.

ജയസൂര്യ : “ആഹ് എടാ ഇനിയുള്ള നെക്സ്റ്റ് രണ്ട് പീരിയഡ്, സെക്കൻഡ് ലാംഗ്വേജ് ആണ്. സിദ്ധാർഥ്, നീയേന്താ 2nd ലാംഗ്വേജ്…???

2nd ലാംഗ്വേജ്, നമ്മുടെ ഡിപ്പാർട്മെന്റും, സുവോളജി ഡിപ്പാർട്മെന്റും പിന്നെ ശാലിനിയുടെ ഡിപ്പാർട്മെന്റും കൂടെ ഒരു ക്ലാസ്സിലാണ് അറ്റന്റ് ചെയ്യുന്നത്…”

“എടാ, ഞാൻ മലയാളം ആണ് സബ്ജെക്ട്… എന്റെ കൂടെ ആരൊക്കെയുണ്ട് മലയാളം…???”

അർജുൻ : “ഞാൻ, ആദി, ശിവ, ജയൻ, ഇപ്പൊ നീയും കൂടെ കൂട്ടി നമ്മളഞ്ച് പാണ്ഡവന്മാരുമുണ്ട്.

” ഹിഹി.. ഇവന്റെയൊരു തമാശ. എങ്കിൽ ബാടാ പഞ്ചപാണ്ഡവന്മാരെ.. നമ്മൾക്ക് പോവാം. അപ്പൊ ആദം, ഞങ്ങള് പോട്ടെടാ…” അർജുന്റെ തമാശ കേട്ട് ചിരിച്ച സിദ്ധാർഥ്, ബാഗുമെടുത്ത് ക്ലാസിനു പോകാൻ തയ്യാറായി നിന്നു….

” ശെരിയെടാ നിങ്ങളെന്നാ വിട്ടോ. ഉച്ചയ്ക്ക് ക്യാന്റീനിൽ വെച്ച് കാണാം…” ആദം അവരെ യാത്രയാക്കി.

**************************************

“എടാ നമ്മൾക്കിവിടെ ഇരുന്നാലോ…???”

തന്റെ കൂട്ടുകാരോടൊപ്പം മലയാളം ക്ലാസ്സിലെത്തിയ സിദ്ധാർഥ്, ഒരു വശത്തെ ഫ്രണ്ട് ബെഞ്ചുകൾ ഒഴിഞ്ഞു കിടക്കുന്നത് കണ്ട് ഉടനെ അവിടെ ചെന്നിരുന്നു.

ബാക്കിയുള്ള ബോയ്സ് ആകട്ടെ, മറ്റ് ഡിപ്പാർട്മെന്റിലെ ബോയ്സിന്റെ കൂടെ ബാക്ക് ബെഞ്ചിലിരിക്കാനുള്ള തന്ത്രപ്പാടിലായിരുന്നു.

അപ്പോഴേക്കും മറുവശത്തെ ഗേൾസിനുള്ള ബെഞ്ചുകളിൽ മിക്കതും നിറഞ്ഞിരുന്നു.