❤️✨️ശാലിനിസിദ്ധാർത്ഥം12✨️❤️ [??????? ????????] 379

അന്നത്തെ ആ ഒരൊറ്റ സംഭവം കാരണം സിദ്ധാർഥ് എല്ലാവർക്കും പരിചിതനായി കഴിഞ്ഞിരിക്കുവാ. അതോണ്ട് ഇവൻ കോളേജിലെ എവിടെ ചെന്നാലും പെട്ടന്ന് തിരിച്ചറിയപ്പെടാനുള്ള ചാൻസുണ്ട്…”

” ഞാനിനി എന്ത് ചെയ്യുമെടാ അർജുനാ.. എന്തേലും വഴി ആലോചിക്കടാ…! പ്ലീസ്‌. ”

സിദ്ധാർഥ് ദയനീയമായി അർജുനെ നോക്കി.

” ശ്ശെടാ ഇനി ബെല്ലടിക്കാൻ 5 മിനിറ്റെയുള്ളു… അഹ്‌ ഒരു ഐഡിയയുണ്ട്… എടാ ആദി റോക്കറ്റേ, നീ പോയി ബോട്ടണി ഫസ്റ്റ് ഇയറിലെ ‘ശാലിനി ദേവികൃഷ്ണ’ വന്നോ എന്ന് വേഗം അന്വേഷിച്ചോണ്ട് വരാമോ…” എന്നാൽ ആദികേശവ്, ക്ലാസ്സിലെ ഗേൾസിനോട് ഒരുളുപ്പുമില്ലാതെ സൊള്ളി ക്കൊണ്ടിരിക്കുന്നത് കണ്ട് അർജുന് ദേഷ്യം വന്നു.

അർജുൻ :” ഡാ തെണ്ടി… നിന്നോടാ പറഞ്ഞേ.. ” അർജുൻ ആദിയുടെ നേരെ നോക്കി അലറി.

“…യ്യോ നീയെന്താ മച്ചൂ പറഞ്ഞേ…??? ഞാന് കേട്ടില്ല…” കേശവ് പേടിച്ചു അർജുനെ നോക്കിയപ്പോൾ, അർജുൻ തന്നെ നോക്കി കണ്ണുരുട്ടുന്നതാണ് അവൻ കണ്ടത്.

“കുന്തം… നിന്റെ തല…! എടാ നീ പോയി, ബോട്ടണി ഫസ്റ്റ് ഇയറിലെ ശാലിനി വന്നോ എന്ന് അന്വേഷിച്ചോണ്ട് വാടാ…”

അത് കേട്ട് ഗേൾസെല്ലാം അവനെയും, സിദ്ധാർഥിനെയും രൂക്ഷമായിട്ടൊന്നു നോക്കി.

“ശെരി…അജുവേ.” അർജുന്റെ ആജ്ഞ കേട്ടതും ആദി, ഗേൾസിന്റെ ഭാഗത്തേക്ക് വിഷമത്തോടെയൊരു നോട്ടമയച്ചിട്ട് ചീറ്റപ്പുലിയെ പോലെ മുന്നും പിന്നും നോക്കാതെ പുറത്തേക്കൊരു കുതിപ്പായിരുന്നു…!

“ഏഹ്… ഇന്തെന്തുവാ റോക്കറ്റോ…??? എന്തൊരു സ്പീഡാ ഇവന്.???”

ആദിയുടെ അസാമാന്യമായ വേഗത കണ്ട് കണ്ണു തള്ളിപോയ സിദ്ധാർഥ്, തന്നോടൊപ്പം വാതിൽക്കൽ നിൽക്കുകയായിരുന്ന ആദമിനോടായി ചോദിച്ചു.

” അതേടാ റോക്കറ്റ് തന്നെയാ. നൂറ് മീറ്റർ ഓട്ടത്തിൽ 3 തവണ സ്റ്റേറ്റ് ചാമ്പ്യനായ മുതലയാ, ആ പോയത്…. അതോണ്ട് അവനൊരു ഇരട്ടപേരുമുണ്ട്… പോക്കറ്റ് റോക്കറ്റ്… “