❤️✨️ശാലിനിസിദ്ധാർത്ഥം12✨️❤️ [??????? ????????] 379

‘ എന്ത് നയനാനന്ദകരമായ കാഴ്ചയാണ് താനി കാണുന്നത്.. തന്റെ ജീവിതത്തിലിന്നെ വരെ താൻ ഇങ്ങനെയൊരു ദൃശ്യം കണ്ടിട്ടില്ല.’

സിദ്ധാർഥ് ആ മനോഹരമായ കാഴ്ച കൺ കുളിർക്കെ കണ്ട് അന്തരീക്ഷത്തിലിങ്ങനെ

കിടന്നു.. അപ്പോഴാണ് തന്റെ നെറ്റിയിൽ ആരോ മൃദുലമായി സ്പർശിച്ചത് പോലെ അവന് തോന്നിയത്..

അനേകം ദിവസങ്ങൾക്കു മുൻപ് തന്റെ ബെഡ്റൂമിൽ തനിക്ക് അനുഭവപ്പെട്ട അതേ ഫീലിംഗ്.. കുറച്ചധികം നേരം മുൻപ് തന്നെ കഷ്ടപ്പെടുത്തിയിരുന്ന തന്റെയുള്ളിലെ സർവവേദനകളെല്ലാം ഒരു നിമിഷം എവിടേക്കോ ഓടിമറഞ്ഞത് പോലെ…

സിദ്ധാർഥ്, കണ്ണുകളടച്ച് വീണ്ടുമൊരു ദിവ്യാനുഭൂതിയിൽ ലയിച്ചു കിടന്നു.

അപ്പോഴാണ് ഒരു അത്ഭുതം അവിടെയുണ്ടായത്..

സിദ്ധാർഥിന്റെ ചുറ്റും കറങ്ങികൊണ്ടിരുന്ന ആ രൂപങ്ങളെല്ലാം ഒന്നുചേർന്ന് ഒരു സ്വർണ പ്രകാശഗോളമായി മാറി…! പൊടുന്നനെ ആ പ്രകാശഗോളം സിദ്ധാർഥിന്റെ തലയ്ക്കു മുകളിൽ വന്നു നിന്നു. അതിൽ നിന്ന് എന്തെന്നില്ലാത്ത ഒരിളം ചൂട് അവന് യാഥാർഥ്യമെന്നത് പോലെ അനുഭവപ്പെടുന്നുണ്ടായിരുന്നു.

കൈകൾ ചലിപ്പിക്കുവാൻ സാധിക്കുമായിരുന്നെങ്കിൽ തന്റെ കണ്ണുകൾക്ക് നേരെ നിക്കുന്ന ആ ഗോളത്തെ അവൻ തൊട്ടേനെ…

“ഇനിയാണ് നീ ഉയിർത്തെഴുന്നേൽക്കുവാൻ പോകുന്നത്… യാതൊരു ദുഷ്ടശക്തിക്കും നിന്നെയിനി തീണ്ടാനാവില്ല. ഞാനിതാ എന്റെയൊരു അംശം നിന്നിലേക്ക് പകരുന്നു. നിന്റെ ഏലിസിയോൺ ക്രിസ്റ്റൽ നിനക്ക് കൈവരുന്നത് വരെ നിന്റെ കൂടെ ഞാനുമുണ്ടാകും…” മാക്സ് അത്രയും പറഞ്ഞുകൊണ്ട് ഏതോ വിചിത്രമായ ഭാഷയിൽ എന്തോ ഉരുവിട്ടു.

അതോടെ സിദ്ധാർഥിന്റെ തലയ്ക്കു മുകളിൽ നിന്നിരുന്ന ഗോളം പതിയെ അവനിലേക്ക് അലിഞ്ഞു ചേരാനാരംഭിച്ചു

തുടങ്ങിയതോടെ തന്റെയുള്ളിലെ എന്തൊക്കെയോ മങ്ങിയ ഓർമ്മകൾ ഇടയ്ക്കിടെ മിന്നി മറയുന്നതായി അവന് തോന്നി. താൻ മുൻപേതോ നിമിഷത്തിൽ അനുഭവിച്ച ശക്തിയും വീര്യവും തന്റെ ഉള്ളിലേക്ക് തിരിച്ചു വന്നു നിറയുന്നതായി അവന് അനുഭവപ്പെട്ടു.