❤️✨️ശാലിനിസിദ്ധാർത്ഥം12✨️❤️ [??????? ????????] 379

ശിവയും, ജയസൂര്യയും ഓരോ കാര്യങ്ങൾ പറഞ്ഞിട്ടും സിദ്ധാർഥ് ഒന്ന് ചിരിക്കുക പോലും ചെയ്യാതെ എന്തോ സീരിയസായിട്ട്

ആലോചിക്കുനത് കണ്ട് കേശവ് അഭിപ്രായപ്പെട്ടു.

വിഷ്ണു :”ശെരിയാണല്ലോ… എന്താടാ നിനക്ക് പറ്റിയത്…??? എന്തെങ്കിലും പ്രശ്നമുണ്ടോ… പ്രശ്നമുണ്ടെങ്കിൽ ഞങ്ങളോടും പറ… ”

“എടാ, ശാലിനി.. അവൾ തിരികെ വന്നിട്ടുണ്ടാകുമോ…? കഴിഞ്ഞതിനെല്ലാം, ഒരു ഫ്രണ്ടെന്ന നിലയ്ക്ക് എനിക്കവളോട് ക്ഷമ ചോദിക്കണമെന്നുണ്ട്…”

സിദ്ധാർഥിന്റെ മുഖം വല്ലാതെയിരിക്കുന്നതിന്റെ കാരണമെന്തെന്നു അവർക്കിപ്പോൾ മനസ്സിലായി. അപ്പോഴേക്കും പുറത്ത് പോയിരുന്ന അവരുടെ സാറ് ക്ലാസ്സിലേക്ക് തിരിച്ചു വന്നതിനാൽ തല്ക്കാലത്തേക്ക് അവരാ സംഭാഷണം അവിടെ വെച്ചാവസാനിപ്പിച്ചു.

അങ്ങനെ ആ പീരീഡും കഴിഞ്ഞ് വീണ്ടുമൊരു സൈറൺ ബെല്ലടിച്ചതോടെ ഇന്റർവെൽ ടൈം ആയി…

“എടാ ആദം, ഞാൻ ശാലിനി വന്നോയെന്നു നോക്കിയിട്ട് വരേട്ടെടാ..???”

ഇന്റർവെൽ ടൈമിൽ സിദ്ധാർഥ് ശാലിനിയെ കാണാനായി ക്ലാസിനു പുറത്തേക്കിറങ്ങാനോരുങ്ങിയതും ആദം അവനെ തടഞ്ഞു.

“എന്തിനാടാ പിന്നെയും അവളുടെ പുറകേ പോകുന്നത്… അവള് നിന്റെ ഫ്രണ്ട് ആണെന്ന് നീ കരുതുന്നുണ്ടെങ്കിലും അവളിപ്പോൾ നിന്നെയിനി അങ്ങനെ കാണണമെന്നില്ല. അവൾക്ക് ചിലപ്പോൾ നിന്റെ കൺവെട്ടത്ത് വരാൻ താല്പര്യമില്ലായിരിക്കും… പിന്നെ അവളുടെ ഏട്ടൻ അവളെ എന്തേലും പറഞ്ഞ് വിലക്കിയിട്ടുണ്ടാകും…”

“എടാ ആദം, നീയിങ്ങനെ അവനെ നിരുത്സാഹപ്പെടുത്തല്ലേ… ഇവനൊന്നു അന്വേഷിച്ചിട്ട് വരട്ടെ. ഞാനും വേണമെങ്കിൽ ഇവന്റെ കൂടെ പോകാം…”

അത് കേട്ട് അർജുൻ സിദ്ധാർഥിനോടൊപ്പം നിന്നു.

” വേണ്ടടാ അജൂ. ഇവനെ മറ്റുള്ള സ്റുഡന്റ്‌സും, ടീച്ചേഴ്സും പിന്നെ ഇവിടെ കറങ്ങി നടക്കുന്ന ആ ഗുണനായകിന്റെ ആൾക്കാരോ ആ ബോട്ടണി ഡിപ്പാർട്മെന്റിന്റെ ഏരിയയിൽ വെച്ച് കണ്ടാൽ ആകെ പ്രശ്നമാകും…