❤️✨️ശാലിനിസിദ്ധാർത്ഥം12✨️❤️ [??????? ????????] 379

സിദ്ധാർഥ് അവന് നേർക്ക് ഇളിച്ചിട്ട് തിരിഞ്ഞ് അർജുനെ നോക്കി. അവനാകട്ടെ സിദ്ധുവിന്റെ നേർക്ക് Thumbs up കാണിച്ചു. അത് കണ്ട് സന്തുഷ്ടനായ സിദ്ധാർഥ്, തിരിഞ്ഞിരുന്ന് ക്ലാസ്സിൽ ടീച്ചർ പഠിപ്പിക്കുന്നതും ശ്രദ്ധിച്ചുകൊണ്ടിരുന്നു…

*************************************

ഇപ്പോൾ സമയം, പതിനൊന്നു മണിയായിരിക്കുന്നു…

നേരെത്തെയുണ്ടായിരുന്ന 2 പീരീഡിൽ, രണ്ടാം പീരിയഡ് ടൈമിൽ അവരെ പഠിപ്പിച്ചു കൊണ്ടിരുന്ന സാറ്, ഒരു പതിനഞ്ചു മിനിറ്റ് നേരത്തെക്ക് എന്തോ ആവശ്യത്തിന് പുറത്തേക്ക് പോയ തക്കം നോക്കി, ഗേൾസിനോട് ചളിയടിക്കാൻ ക്ലാസ്സിലെ ആസ്ഥാന കോഴിയായ ശിവയോടൊപ്പം വേറെയും രണ്ട് പയ്യൻസുകൾ കമ്പനിക്ക് ചേർന്നു. ജയസൂര്യയും, ആദികേശവും ആയിരുന്നു അത്.

അവന്മാർ മിക്ക ഗേൾസിനോടും ചുമ്മാ ചളിയടിക്കാനായി ചെന്നെങ്കിലും, ആ തരുണിമണികളുടെ ചിത്തം, ഇന്ന് അനേകനാളുകൾക്ക് ശേഷം സിദ്ധാർഥിനെ കുറിച്ച് മാത്രമാണ് ചിന്തിക്കുന്നതെന്നറിഞ്ഞ അവന്മാർ,

ക്ലാസ്സിലേക്ക് അടുത്ത ടീച്ചർ വരുന്നതിനു മുൻപേ ആ വാർത്ത സിദ്ധാർഥിനെ അറിയിച്ചപ്പോൾ അവന് യാതൊരു ഭാവവും ഉണ്ടായിരുന്നില്ല.

അതൊക്കെ കണ്ട് അവരൊക്കെ അത്ഭുതപ്പെട്ടു.

ശിവ : “എടാ നിനക്കെന്തു പറ്റിയടാ, സിദ്ധു…??? ഇതൊക്കെ പറഞ്ഞിട്ടും നിനക്കെന്താ ഒരു ഉന്മേഷമില്ലാത്തത്ത്.

നിനക്കറിയോ, ക്ലാസ്സിലെ ഗേൾസിന്റെ മനസ്സിൽ നീയിപ്പോൾ ഒരു വീരനാണ്. നിന്നെയിന്നു കണ്ടത് മുതൽ അവർക്ക് നീയാണ് സംസാര വിഷയം. ”

ജയസൂര്യ : ” നീയന്നു ഒറ്റയ്ക്കല്ലേ ആൽബിയോടും, അവന്റെ റൗഡികളോടും എതിരിട്ടു നിൽക്കുകയും, ആ പെൺകുട്ടിയെ സംരക്ഷിച്ചു നിർത്തുകയും ചെയ്തത്. അതിനിടയ്ക്ക് നിനക്ക് അപകടം പറ്റിയെന്നുള്ളത് വേറെ കാര്യം. ”

“അല്ല മച്ചാന്മാരെ സിദ്ധാർഥിന്റെ മുഖത്തെന്തോ ഒരു ആശങ്ക ഉള്ളതായി എനിക്ക് തോന്നുന്നു… കണ്ടോ അവന്റെ മുഖത്തൊരു തെളിച്ചകുറവുണ്ട്…”