❤️✨️ശാലിനിസിദ്ധാർത്ഥം12✨️❤️ [??????? ????????] 379

” My Name is Sidharth.. Sidharth Sathyaram.

What’s Yours… എന്നതാ ടീച്ചറിന്റെ പേര്. ”

വല്ലാത്തൊരു ആത്മവിശ്വാസത്തോടെ സിദ്ധാർഥ് സ്വയം പരിചയപ്പെടുത്തിയിട്ട്

ടീച്ചറിന്റെ പേര് ചോദിച്ചു.

സിദ്ധാർഥിന്റെ ആ ഡയലോഗ് കേട്ട് ടീച്ചറുൾപ്പടെ ബാക്കി പിള്ളേരുടെ കിളിയും പോയപ്പോൾ, അത് കേട്ട അർജുനാകട്ടെ ചെറുതായി പുഞ്ചിരിക്കുക മാത്രമാണ് ചെയ്തത്…!

“അനസൂയ… അനസൂയാ ശശിധരൻ. അനുവെന്നു വിളിക്കും… ”

“ഓക്കേ ശെരി പരിചയപ്പെട്ടതിൽ സന്തോഷം. അപ്പൊ ഞാൻ ഇരുന്നോട്ടെ ടീച്ചറേ…???” സിദ്ധാർഥ് കൂളായിട്ട് ടീച്ചറോട് കൂസലില്ലാതെ ഓരോന്ന് ചോദിക്കുകയാണ്.

“നില്ല് മോൻ ഇരിക്കാൻ വരട്ടെ… ഇത്രയും ദിവസം വീട്ടിലിരുന്നിട്ട് പഠിച്ചോ എന്ന് അറിയണ്ടേ എനിക്ക്.

കോളേജിൽ വെറുതെ തല്ലുണ്ടാക്കി നടന്നാൽ പോരല്ലോ.. പഠിക്കുകയും കൂടെ വേണ്ടേ… ഒരു ഡിഫെനിഷൻ ചോദിക്കട്ടെ…”

സിദ്ധാർഥിനെ അവർ ഇപ്പോൾ ഇരിക്കാൻ അനുവദിക്കും എന്ന് വിചാരിച്ചിരുന്ന വിദ്യാർത്ഥികൾ എല്ലാവരും ഞെട്ടി. പെട്ടന്ന് ആദം, ടീച്ചറിനോട് എന്തോ പറയാനായിട്ട് എഴുന്നേൽക്കാൻ പോയതും ജയസൂര്യ, അവന്റെ കൈയേൽ പിടിച്ച് ഇരുത്തിയിട്ട് അടങ്ങി ഇരിക്കാൻ ആംഗ്യം കാണിച്ചു.

“ടീച്ചർ ചോദിക്ക് ടീച്ചറേ… ഞാൻ ഉത്തരം പറയാൻ പറ്റുവൊന്ന് നോക്കട്ടെ.” സിദ്ധാർഥ് കൂളായിയിട്ട് ആദമിനെയും, അർജുനെയും മറ്റെല്ലാവരെയും നോക്കി.

അവരാകട്ടെ ടീച്ചർ എന്താണ് ചോദിക്കാൻ പോകുന്നതെന്ന ആശങ്കയോടെയിരുന്നു.

അനസൂയ : “ഓക്കേ… Define Allelic interactions and Explain Briefly About complete, incomplete dominance and codominance…!” സിദ്ധാർഥ് അതിന് മറുപടി പറയില്ലെന്നാണ് അവർ കരുതിയത്.

“ഇയ്യോ.. Allelic Interaction.. എടാ ഇവരത് പഠിപ്പിച്ചു തുടങ്ങിയതല്ലേയുള്ളൂ. എല്ലാത്തിന്റേം ഇൻട്രോഡക്ഷൻ ആക്കി വെച്ചിട്ടേയുള്ളു. സിദ്ധു അത് പറയില്ലെന്നാ തോന്നണേ…”