❤️✨️ശാലിനിസിദ്ധാർത്ഥം12✨️❤️ [??????? ????????] 379

‘ഞങ്ങളിതിൽ ഇടപെടില്ല…’ എന്ന മട്ടിൽ വേറെയെങ്ങോ നോക്കി കൊണ്ടിരുന്നു.

അത് കണ്ട് സിദ്ധാർഥിന്റെ മുഖം വാടി.

ഹേയ്, യൂ…! സ്റ്റാൻഡ് അപ്പ്…” ടീച്ചർ ഉടനടി സിദ്ധാർഥിനെ പൊക്കിയതോടെ അവൻ എഴുനേറ്റു.

“നിന്നെ ഇവിടെങ്ങും കണ്ടിട്ടില്ലല്ലോ..! പുതിയ അഡ്മിഷനാണോ… അവർ അവനോട് കുത്തി കുത്തി ചോദിച്ചു.

” ഏയ്‌ അല്ല ഞാൻ ഒരാഴ്ച ലീവിൽ ആയിരുന്നു ടീച്ചറേ…”

“ഒരാഴ്ച ലീവോ… അതെന്തിനാ…???”

“കഴിഞ്ഞ തിങ്കളാഴ്ച എനിക്കൊരു അപകടം സംഭവിച്ച് ഹോസ്പിറ്റലിൽ ആയിരുന്നു… അങ്ങനാ ലീവ് വന്നത്.”

” അപകടമോ… താൻ എന്തൊക്കെയാടോ ഈ പറയുന്നത്…??? ടീച്ചറിന് ഒന്നും തന്നെ മനസ്സിലായില്ല. അവർ മറ്റു പയ്യന്മാരുടെ മുഖത്തേക്ക് നോക്കി.

അത് കണ്ട് ആദം പതിയെ എഴുനേറ്റു നിന്ന്

പറയാൻ തുടങ്ങി…

“അനു ടീച്ചറേ… ടീച്ചർ ഇവനെ ആദ്യായിട്ടാ പഠിപ്പിക്കാൻ വരുന്നത്. അത് കൊണ്ടാ ഇവനെ അറിയാത്തത്. കഴിഞ്ഞ തിങ്കളാഴ്ച രാവിലെ ഇവിടെ ക്യാമ്പസിൽ ഉണ്ടായ പ്രധാന ഇഷ്യൂസ് എന്തൊക്കെയാണെന്നു ടീച്ചർ അറിഞ്ഞിരിക്കുമല്ലോ…. അതിലെ ഒരു പ്രധാന കഥാപാത്രം ഇവനാണ്. ഇവനെയാണ് ഞാൻ ഹോസ്പിറ്റലിൽ കൊണ്ടു പോയത്…!”

അവൻ അത്രയും പറഞ്ഞിട്ട് ഇരുന്നു.

‘അയ്യോ… ഇവനാണോ അവൻ…’ ടീച്ചർ ആദം പറഞ്ഞത് കേട്ട് ഞെട്ടി, സിദ്ധാർഥിനെ വിശ്വാസം വരാതെ നോക്കി. അവരുടെ മനസ്സിലൂടെ കഴിഞ്ഞ തിങ്കളാഴ്ച രാവിലെ നടന്ന സംഭവങ്ങൾ ഓരോന്നായി മനസ്സിലേക്കോടിയെത്തി.

അന്ന് താനും മറ്റു ടീച്ചേഴ്സിന്റെയും സ്റുഡന്റ്സിന്റെയും കൂടെ കാണികളിലൊരാളായി നിന്ന് ആ അക്രമത്തിനെതിരെ പ്രതികരിക്കാനാവാതെ നിന്നുവല്ലോ എന്നോർത്ത് അവർ ലജ്ജിച്ചു.

” എന്താ നിന്റെ പേര്…???” അവർ, ഉള്ളിൽ ഭയമുണ്ടെങ്കിലും അത് പുറത്ത് കാട്ടാതെ, തെല്ലൊരു ഗൗരവത്തോടുകൂടി സിദ്ധാർഥിന്റെ മുഖത്തേക്ക് നോക്കികൊണ്ട് ചോദിച്ചു.