❤️✨️ശാലിനിസിദ്ധാർത്ഥം12✨️❤️ [??????? ????????] 379

ജയസൂര്യ : “പറയാനാണെങ്കിൽ കുറേയുണ്ടടാ പറയാൻ. നിനക്ക് അന്ന് അപകടം സംഭവിച്ച ദിവസം മുതൽ തുടങ്ങിയതാ ഇവിടെത്തെ പ്രശ്നങ്ങളെല്ലാം…”

“അതിനെല്ലാം ആ ഒറ്റയൊരുത്തനാണ് കാരണക്കാരൻ… ആ ഗൺമാൻ സിംഗ്… പിന്നെ അവന്റെ അസിസ്റ്റന്റും.. ആസിഫ് റാവത്തെന്ന ആ പന്ന പു&*%.. മോനും കൂടെയാണ് ഇപ്പോഴിവിടത്തെ സർവകാര്യങ്ങളും നിയന്ത്രിക്കുന്നത്.” ആദമിന്റെ കണ്ണുകളിൽ പക ജ്വലിച്ചു.

“അതാര്…???”

“അതൊക്കെ വിശദമായിട്ട് ഇന്റർവെൽ ടൈമിൽ ഞങ്ങൾ നിനക്ക് പറഞ്ഞ് തരാം സിദ്ധാർഥ്… ഇപ്പോൾ ദാ നമ്മുടെ ട്യൂട്ടർ വരുന്നുണ്ട്…” ഐസക് അവനെ സമാധാനിപ്പിച്ചു.

അപ്പോഴേക്കും അവരുടെ ടീച്ചർ അവിടേക്ക് കേറിവന്നു. അവരെ സിദ്ധാർഥ് ഇതുവരെ കണ്ടിട്ടില്ലായിരുന്നു.

“ഗുഡ് മോർണിംഗ് ടീച്ചർ…” ടീച്ചറിനെ കണ്ടതും അവരെല്ലാവരും ഗുഡ് മോർണിംഗ് പറഞ്ഞിട്ട് ഇരുന്നു.

“ആഹ് ഗുഡ് മോർണിംഗ്.. കുട്ടികളെ.. ക്ലാസ്സിലെ എല്ലാവരും എത്തിയിട്ടില്ലേ…???”

വന്നപാടെ അവിടെയുള്ളവരെ മൊത്തത്തിലൊന്നു സ്കാൻ ചെയ്ത് കൊണ്ട് അവർ ചോദിച്ചു.

“ഇല്ല. ബോയ്സ് മൂന്നു പേർ മിസ്സിംഗ്‌ ആണ് ടീച്ചറേ…” ഗേൾസിന്റെ ഭാഗത്ത് നിന്നും സുപ്രീതയെന്ന പെൺകുട്ടി കൈയുയർത്തികൊണ്ട് പറഞ്ഞു.

“ഓ അവന്മാർ ഇതുവരെയും വന്നില്ലേ… അവരെനിക്ക് മിക്കവാറും ഒമ്പതിന്റെ പണി മേടിച്ചു തരുമല്ലോ ഈശ്വരാ..!” ടീച്ചർ ത്രിശങ്കൂസിനെയാണ് ഉദ്ദേശിച്ചതെന്നു സിദ്ധാർഥിന് മനസ്സിലായി.

സിദ്ധാർഥ് : “എടാ അവന്മാരെന്തിയേ… ശിവയും, വിഷ്ണുവും, സത്യയും…???”

ജയസൂര്യ :”ഇപ്പൊ വരും… അവരിപ്പോഴും ലേറ്റ് ആയിട്ടാ വരുന്നത്.”

” മ്മ് മൂന്നിനും മൂന്ന് സ്വഭാവം ആണ്… ആ ശിവയെ കാരണമാണ് അവന്മാരിങ്ങനെ ലേറ്റ് ആവുന്നത്.” അജു അഭിപ്രായപ്പെട്ടു.

“Shall we come in ടീച്ചർർർ….???” അപ്പോഴേക്കും ഒരു മൂവർ സംഘത്തിന്റെ ശബ്ദഘോഷം വാതിക്കൽ മുഴങ്ങി…!

വാതിക്കൽ ത്രിശങ്കൂസുകൾ വരി വരിയായിട്ട് നിൽക്കുന്നതാണ് സിദ്ധാർഥ് കണ്ടത്.