❤️✨️ശാലിനിസിദ്ധാർത്ഥം12✨️❤️ [??????? ????????] 379

“അപ്പൊ സിദ്ധു ബ്രോ, ഇങ്ങള് പുതിയ യേശുക്രിസ്തുവാണോ…???”

അപ്പോഴാണ് സിദ്ധാർഥ്, തങ്ങളുടെ കൂട്ടത്തിൽ വന്ന പുതിയ പയ്യനെ ശ്രദ്ധിച്ചത്. അർജുനോടൊപ്പം സ്പോർട്സ് ക്വാട്ടയിൽ വന്ന പയ്യനാണനതെന്നു സിദ്ധാർഥിന് മനസ്സിലായി.

തന്നെകാളും അൽപ്പം പൊക്കം കുറഞ്ഞ് കണ്ടാൽ തമിഴ് നടൻ ധനുഷിനെ പോലിരിക്കുന്ന ആ പയ്യൻ, സിദ്ധാർഥിനെ നോക്കി വെളുക്കനെ ചിരിക്കുകയാണ്.

‘ഹാ ഹാ ഇവനാള് കൊള്ളാമല്ലോ…’ എന്ന് സിദ്ധാർഥ് പുഞ്ചിരിച്ചു അവന് കൈകൊടുത്തു.

“ഹായ് ബ്രോ…! ഞാൻ സിദ്ധാർഥ്… സിദ്ധാർഥ് സത്യറാം. ബ്രോയുടെ പേരെന്താ???

” ആദി.. ആദികേശവ് രാജ് ” അവന് സിദ്ധാർഥിന്റെ കൈ പിടിച്ചു കുലുക്കി.

“ഹായ്… ആദി, നൈസ് ടു മീറ്റ് യൂ.”

അപ്പോഴേക്കും അവിടെ ഫസ്റ്റ് ക്ലാസ്സിനുള്ള ബെൽ മുഴങ്ങി. അതൊരു ആർമി സൈറൺ ബെൽ ആയിരുന്നു…!

അത് കേട്ടതും ഓരോ ക്ലാസ്സിലെയും അവിടെ ഇവിടെയായി നിന്നിരുന്ന വിദ്യാർഥികൾ, ഭയന്ന് ഓടികിതച്ച് അവരവരുടെ ക്ലാസ്സുകളിലേക്ക് ഓടികയറി.

“ഹോ… ഇതെന്തോന്നാടാ… ആർമി സൈറൺ മുഴക്കുന്നത്…” കാതടപ്പിക്കുന്ന ആ ശബ്ദം കേട്ട് ചെവിപൊത്തികൊണ്ട്

സിദ്ധാർഥ് അലറി.

സിംഹഗർജനം പോലെയുള്ള അവന്റെ സ്വരം കേട്ട് ക്ലാസ്സിലെ വിദ്യാർത്ഥികളെല്ലാവരും ഞെടുങ്ങിപോയി.

“ആ ഭ്രാന്തന്റെ, പുതിയ ഭരണപരിഷ്ക്കാരം

ആണ് സിദ്ധാർഥ് നീയി കേൾക്കുന്നത്. വാ ഇരിക്ക്…” ആദം അവരോടൊപ്പം ബെഞ്ചുകളിൽ പോയിരുന്നു.

“ഭ്രാന്തനോ…! പരിഷ്കാരമോ…???” നിങ്ങൾ എന്തൊക്കെയാടാ ഈ പറയുന്നത്. എന്താ ആ ജോൺസൻ സാറ് പോയി വേറെ പുതിയ പ്രിൻസിപ്പാൾ വന്നോ ഇവിടെ. ഏതവനാ അത്…??? അപ്പൊ ഞാൻ ക്യാമ്പസിൽ വെച്ച് കണ്ടത് അയാളുടെ പണികൾ ആയിരുന്നോ…”

സിദ്ധാർഥിന് അത് കേട്ടപ്പോൾ വല്ലാത്തൊരു അമർഷമാണ് തോന്നിയത്.