❤️✨️ശാലിനിസിദ്ധാർത്ഥം12✨️❤️ [??????? ????????] 379

സിദ്ധാർഥിനുണ്ടായ അപകടത്തെ തുടർന്ന്

കുറച്ച് നാളുകൾ അച്ഛനോട് പിണങ്ങി നിന്നിരുന്ന അമ്മ, ഇപ്പോഴിതാ അദ്ദേഹത്തോടുള്ള പിണക്കമെല്ലാം വിട്ടുകളഞ്ഞ് കൂട്ടായതിന്റെ ആശ്വാസം, അവളുടെ കണ്ണുകളിലുണ്ടായിരുന്നു.

അർജുൻ ഇവിടെ ഉള്ളത് കൊണ്ട് ഇനിയെന്തായാലും താൻ സിദ്ധാർഥിന്റെ

കാര്യത്തിൽ ഇടപ്പെടേണ്ടതില്ല എന്നും സിതാര തീരുമാനിച്ചിരുന്നു. പക്ഷേ…!

ഇപ്പോൾ കോളേജിൽ നടന്നു കൊണ്ടിരിക്കുന്ന സംഭവവികാസങ്ങളെ കുറിച്ച് അവനോടെങ്ങനെ പറയും എന്ന വേവലാതി അവൾക്കുണ്ടായിരുന്നു.

എന്തായാലും തിങ്കളാഴ്ച മുതൽ കോളേജിൽ പോയി തുടങ്ങുകയും , എന്ത് വന്നാലും എല്ലാം സഹിച്ചു നിൽക്കുകയും ചെയ്യണമെന്ന് സിതാര തീരുമാനിച്ചു. കാരണം താനിപ്പോൾ മൂന്നാം വർഷ സ്റ്റുഡന്റ് ആണ്. അതുകൊണ്ട് ക്ലാസുകൾ നഷ്ടപ്പെടുത്തിയാൽ അതിന്റെ ദോഷം തനിക്ക് തന്നെയാണ്.

വൈകിട്ട് അവൻ ‘ഉണർന്നെഴുനേറ്റു’ വന്നതിന് ശേഷം അവൾക്കാകാര്യം അവനോട് പറയാൻ സാധിച്ചിരുന്നില്ല.

അവന്റെ തേജസ്സാർന്ന മുഖത്തേക്ക് നോക്കുമ്പോൾ, ഒരു മന്ത്ര ശക്തിയിലെന്നോണം താൻ അവനോട് പറയാൻ വന്ന പ്രധാന കാര്യങ്ങൾ മറക്കുന്ന പ്രതീതിയാണ്.

അപ്പോഴാണ് സിതാരയ്ക്ക് ഒരാശയം തോന്നിയത്. അവൾ വേഗം തന്നെ മുകളിലെ റൂമിൽ പോയി തന്റെ ഫോണെടുത്ത് നിഖിലയുടെ നമ്പർ ഡയൽ ചെയ്തു…

~~~~~~~~~~~~~~~~~~~~~~~~~~~~

തിങ്കളാഴ്ച രാവിലെ…

“ചേച്ചി… ചേച്ചിയെന്താ നേരെത്തെ റെഡിയായി കോളേജിലേക്ക് പോകുന്നത്.

കോളേജിൽ പോകാൻ തയ്യാറായി, ബ്രേക്ഫാസ്റ് കഴിക്കാൻ താഴെക്കിറങ്ങി വന്ന സിദ്ധാർഥ്, തന്റെ ഏട്ടത്തി കോളേജിൽ പോകാനായി സ്കൂട്ടറിന്റെ താക്കോലുമായിട്ട് പുറത്തേക്ക് പോകാൻ നിൽക്കുന്നതാണ് കണ്ടത്.

“എടാ എനിക്ക് കോളേജിൽ പോയിട്ടൊരു ആവശ്യമുണ്ട്. അതുകൊണ്ട് ഞാൻ നേരെത്തെയിറങ്ങുകയാണ്.”

” അപ്പൊപ്പിന്നെ ഞാൻ ഒമ്പത് മണിയാകുമ്പോൾ കോളേജിൽ പോകാനിറങ്ങിയാൽ മതിയല്ലോ. നിഖില ചേച്ചിയും അപ്പോഴല്ലേ ഇറങ്ങുകയുള്ളു…???” സിദ്ധാർഥ് ചോദിച്ചു.