❤️✨️ശാലിനിസിദ്ധാർത്ഥം12✨️❤️ [??????? ????????] 379

“എന്തുകൊണ്ടെനിക്ക് പൊയ്ക്കൂടാ… ഈ കാര്യത്തിൽ അമ്മയിടപെടരുത്.. എന്റെ കാര്യം ഞാൻ തീരുമാനിക്കും. ഞാൻ തിങ്കളാഴ്ച കോളേജിൽ പോകുക തന്നെ ചെയ്യും.” അവന്റെ കണ്ണുകൾ വല്ലാതെ ജ്വലിക്കുന്നതായി അവർക്ക് തോന്നി.

പെട്ടന്ന് സിദ്ധാർഥിന്റെ സ്വരവും ഭാവവും മാറിയത് കണ്ട് അവന്റെ മാതാപിതാക്കളും, ലിവിങ്

റൂമിലേക്ക് കടന്നു വന്ന സിതാരയും ഒരു പോലെ ഞെട്ടി. ഇത്രയും വർഷങ്ങൾക്കിടെ ഇങ്ങനെയൊരു പെരുമാറ്റം അവന്റെ ഭാഗത്ത് നിന്നുണ്ടായിട്ടില്ല..

അവന്റയാ ഭാവമാറ്റം, അവർ മൂവരെയും മറ്റെന്തെക്കെയോ ഓർമകളിലേക്ക് നയിച്ചു. അത് ഓർത്ത് അവർ മൂവരും ഭയത്തോടെ പരസ്പരം നോക്കി.

” അങ്ങനെയെങ്കിൽ നീ പൊയ്ക്കോ.. നിന്റെ ക്ലാസ്സിൽ പുതുതായിവന്ന ഒരു പയ്യൻ, ഇവിടെ നിഖിലയുടെ വീട്ടിലാണ് താമസിക്കുന്നത്. അവനവളുടെ ബന്ധുവോ മറ്റോ ആണ് പറ്റുമെങ്കിൽ നീ അവന്റെ കൂടെ തിങ്കളാഴ്ച മുതൽ പൊയ്ക്കോ. നിന്റെ കാര്യത്തിൽ ഞാനിനി ഇടപ്പെടില്ല.”

പെട്ടന്നെന്തോ ധൈര്യത്തിൽ സിതാര ചാടിക്കേറി എന്തോ പറഞ്ഞു. അതോടെ ഭാമ അവളെ രൂക്ഷമായിട്ടൊന്നു നോക്കി. എന്നാൽ പേടിക്കാനൊന്നുമില്ലെന്നു അവൾ ആംഗ്യം കാണിച്ചു.

‘ഇനിയത് അർജുൻ ആയിരിക്കുമോ…’

സിതാര പറഞ്ഞത് കേട്ട് സിദ്ധാർഥ് ഒരു നിമിഷം ചിന്തിച്ചു.

“നീയെന്താ സിദ്ധു ആലോചിക്കുന്നത്…???” ഒരൽപ്പം ഭയത്തോടെയാണെങ്കിലും സിതാര അവനോട് ചോദിച്ചു.

സിദ്ധാർഥ് :”അല്ല ചേച്ചി… ആ പയ്യന്റെ പേര് എന്താണെന്നു നിഖില ചേച്ചി പറഞ്ഞായിരുന്നോ…???”

സിതാര :”ഏയ്‌ ഇല്ലല്ലോ… അവളത് എന്നോട് പറഞ്ഞില്ല. നിന്റെ ക്ലാസ്സിലെ പുതിയ അഡ്മിഷൻ ആണെന്നെ പറഞ്ഞുള്ളു.”

” അങ്ങനെയെങ്കിൽ ശെരി. ഞാൻ തിങ്കളാഴ്ച മുതൽ അവന്റെ കൂടെ കോളേജിൽ പോകുകയും തിരിച്ചു വരുകയും ചെയ്തോളാം. ചേച്ചിയുടെ കൂടെ ഞാൻ വരുന്നില്ല.” അത്രയും പറഞ്ഞ് തന്റെ മുകൾ നിലയിലെ റൂമിലേക്ക് സിദ്ധാർഥ് പോകാനൊരുങ്ങി.