❤️✨️ശാലിനിസിദ്ധാർത്ഥം12✨️❤️ [??????? ????????] 379

” ഇത്.. ഇത് ശെരിയാണ് ദാസ് ഡോക്ടറെ.. മറ്റ് രണ്ട് റിസൾട്ടുകളെയും അപേക്ഷിച്ച് ഗണ്യമായ വ്യത്യാസം കാണുന്നുണ്ട് അപ്പോൾ അതിനർത്ഥം…” റാം രഘുദാസിനെയൊന്നു നോക്കി.

” അവൻ വർഷങ്ങൾക്ക് മുൻപുള്ള അവസ്ഥയിലേക്ക് തിരികെയെത്തി കഴിഞ്ഞു. ”

“അങ്ങനെയെങ്കിൽ അവന് പഴയ ഓർമകളെല്ലാം തിരികെ കിട്ടിയിരിക്കുമോ…???” റാമത് കേട്ട് പരിഭ്രമിച്ചു.

“അത് ഉറപ്പ് പറയാനാവില്ല റാം. പക്ഷേ താങ്കളെന്തിനാണ് ഭയപ്പെടുന്നത്…”

“കാരണം ഓർമ്മകൾ നഷ്ടപ്പെട്ട സിദ്ധാർഥിനെകാളും വളരെയധികം അപകടകാരിയാണ് ഓർമകളെല്ലാമുള്ള പഴയ സിദ്ധാർഥ് …” റാം പ്രതിവചിച്ചു.

അത് കേട്ട് രഘുദാസ്, ഒന്നും മനസ്സിലാകാതെ റാംചന്ദ്രനെ സംശയത്തോടെ നോക്കുക മാത്രം ചെയ്തു…

**************************************

സഹസ്രമംഗലം… രാത്രി സമയം. വീട്ടിലെ ലിവിങ് റൂം.

“അച്ഛാ, ഞാൻ വരുന്ന തിങ്കളാഴ്ച മുതൽ കോളേജിൽ പോയി തുടങ്ങട്ടെ…” സിദ്ധാർഥ് അവന്റെ അച്ഛനോടായി ചോദിച്ചു.

” മോനേ അച്ചൂ അത് വേണോടാ…??? ഇത്ര പെട്ടന്ന് തന്നെ കോളേജിൽ പോകണോ കുറച്ച് നാളുകൾ കൂടി കഴിഞ്ഞ് പോയി തുടങ്ങിയാൽ പോരെ…”

“എനിക്കത് പറ്റില്ല അച്ഛാ… ഞാൻ തിങ്കളാഴ്ച മുതൽ പോയി തുടങ്ങുകയാണ്. ഞാനിന്നു വൈകിട്ട് ക്ലാസ്സിലെ ഫ്രണ്ട്സിനെയൊക്കെ വിളിച്ചിരിരുന്നു.

ഞാൻ വരുന്നുവെന്നു അറിഞ്ഞപ്പോൾ അവർക്ക് എന്ത് മാത്രം സന്തോഷമായെന്നോ. കൂടാതെ സ്പോർട്സ് ക്വാട്ടയിൽ രണ്ടു പയ്യന്മാർ അവിടെ പുതുതായി ചേർന്നുവെന്നും അവന്മാർ പറഞ്ഞിരുന്നു.

“രണ്ടു പേരുംകൂടെ, എന്താ ഇവിടെയൊരു ചർച്ച …???” ഭാമയാണ്…

“അമ്മേ ഞാൻ തിങ്കളാഴ്ച മുതൽ കോളേജിൽ പോകുകയാണ്… എനിക്കിനിയും വീട്ടിലിങ്ങനെ ഇരിക്കാനാവില്ല.” സിദ്ധാർഥ് അവന്റെ പല്ലവി ആവർത്തിച്ചു.

” അതൊന്നും വേണ്ടാ.. നീ ഇപ്പോഴൊന്നും കോളേജിൽ പോകണ്ടാ…” ഭാമ അവനോട് വിയോജിച്ചു.