❤️✨️ശാലിനിസിദ്ധാർത്ഥം12✨️❤️ [??????? ????????] 379

“അതെ നിന്റെ അച്ഛൻ പറഞ്ഞത് പോലെ തന്നെ നീയതിനെ പറ്റിയൊന്നും കൂടുതലാലോചിക്കാതെ ഇങ്ങോട്ട് വന്നേ…”

എന്നിങ്ങനെ തന്റെ പ്രിയപ്പെട്ടവർ തനിക്കുണ്ടായ മാറ്റത്തെ ചൊല്ലി ഓരോന്നും സംസാരിച്ചുകൊണ്ട് പോകുന്നത്, സിദ്ധാർഥ് വാതിൽ പടിയിന്മേൽ നോക്കിനിന്നു.

‘ ഞാനതെകുറിച്ച് അവരോട് പറയാതിരിക്കുന്നത് തന്നെയാണ് നല്ലത്…’

അവനെന്നിട്ട് അകത്തെക്ക് കയറി കതകടച്ചു കുറ്റിയിട്ടു.

*************************************

ഏതാനും ദിവസങ്ങൾക്കു മുൻപ്, ഓപ്പറേഷന് വിധേയനായി, വീൽചെയറിൽ കിൻസ് ഹോസ്പിറ്റലിൽ നിന്ന് വീട്ടിലേക്ക് പോയ സിദ്ധാർഥ്, തിരികെ പൂർണ ആരോഗ്യവാനായി ഹോസ്പിറ്റലിൽ അവന്റെ അച്ഛനോടൊപ്പം നടന്നു വന്നത് കണ്ട് അവനെ പരിശോധിച്ചിരുന്ന രഘുദാസ് ഡോക്ടറും മറ്റു ജൂനിയർ ഡോക്ടർസും അത്ഭുതപ്പെട്ടു പോയി.

“ഇതെന്താണ്… ഡോക്ടർ റാം ചന്ദ്രൻ, ഞാനീ കാണുന്നത്. ??? സിദ്ധാർഥ് ഇതാ പൂർണ ആരോഗ്യവാനായി നിൽക്കുന്നത്

എനിക്കെന്റെ കണ്ണുകളാൽ വിശ്വസിക്കാനാവുന്നില്ല.” സിദ്ധാർഥിനെ ഏതാനും മെഡിക്കൽ ടെസ്റ്റുകൾക്കായി അയച്ച ശേഷം, റാമിനോടൊപ്പം

ക്യാബിനിലിരിക്കെ രഘുദാസ് തന്റെ വിസ്മയം മറച്ചു വെച്ചില്ല.

“അത് എനിക്കുമിതുവരെ വിശ്വാസം വന്നിട്ടില്ല ഡോക്ടറെ.. ഏതോ മെഡിക്കൽ മിറാക്കിൾ അവന്റെ ജീവിതത്തിൽ ഉടനടി സംഭവിച്ചിട്ടുണ്ട്.”

“നോ.. It is Not a Medical Miracle… അഭൗമമായ ഏതോ ഒരു ദൈവീക ശക്തി അവനിൽ പ്രവർത്തിച്ചിട്ടുണ്ട്. എന്നാണ് എനിക്ക് തോന്നുന്നത്. നമ്മുടെ ഹോസ്പിറ്റൽ റെക്കോർഡ്സിൽ ആദ്യമായിട്ടായിരിക്കും ഇങ്ങനെയൊരു സംഭവം. എന്തായാലും മെഡിക്കൽ ടെസ്റ്റ്‌ റിസൾട്ട്‌ വരട്ടെ…” രഘുദാസ് അഭിപ്രായപ്പെട്ടു.

എന്നാൽ സിദ്ധാർഥിന്റെ മെഡിക്കൽ ലഭിച്ചതിനു ശേഷം അത് പരിശോധിച്ച ദാസ് ഡോക്ടർ ഞെട്ടലിന്റെ വക്കിലായിരുന്നു.

“റാം…! താങ്കളിതൊന്നു നോക്കു. ഈ റിസൾട്ടുകളെല്ലാം പഴയതിലും വളരെയധികം മാറ്റമുള്ളതായി തോന്നുന്നു.”