❤️✨️ശാലിനിസിദ്ധാർത്ഥം11✨️❤️ [??????? ????????] 332

ഹാ ഹാ” ആൽബി ധനുഷിന്റെ വാക്കുകളെ അവഗണിച്ചു സ്വയം വിരൽ ചൂണ്ടികൊണ്ട് അതുംപറഞ്ഞ് ഉറക്കെ ചിരിച്ചു… കുറച്ചു നേരത്തിനു ശേഷം ബോധമറ്റുകിടക്കുന്ന ധനുഷിനെ, ആൽബിയുടെ നിർദേശപ്രകാരം അഷിന്റെ ആൾക്കാർ ചുമെനെടുത്ത് പുറത്തേക്ക് കൊണ്ടു പോകുന്ന രംഗത്തോടെ ആ വീഡിയോ ക്ലിപ്പ് അവസാനിച്ചു.

****************************************

“എടാ ദ്രോഹി…. നീ ഞങ്ങളുടെ ധനുഷേട്ടനെ കൊന്നു… ഇപ്പോൾ എവിടെയാടാ ഞങ്ങളുടെ ധനുഷേട്ടൻ….??? പറയടാ…” ആസി കാണിച്ചുകൊടുത്ത ആ വീഡിയോ ക്ലിപ്പ് അവസാനിച്ചതും, ആദം രോഷവും സങ്കടവും സഹിക്കവയ്യാതെ ആസിയെ തള്ളി മാറ്റിയിട്ട് ഗൺമാൻ സിംഗിന് നേർക്ക് നോക്കി അലറി.

” ഡാ… ഞങ്ങളുടെ സാബിന് നേർക്ക് ശബ്ദമുയർത്തുന്നോടാ നീ… ” ആസിഫ്, ആദം ഗുണനായകിനു നേരെ ചീറുന്നത് കണ്ട് പിന്നിൽ നിന്ന് അവനെ വലിച്ചു താഴെയിട്ടിട്ട് ആദമിന്റെ നെഞ്ചിൽ ചവിട്ടാൻ തുടങ്ങി. അത് തികച്ചും അപ്രതീക്ഷിതമായിരുന്നതിനാൽ ആദമിന് ആസിക്കെതിരെ ഒന്നും ചെയ്യുവാൻ സാധിച്ചില്ല.

“ശ്… ആസിഫേ നിർത്തടാ… അവനെയിങ്ങനെ ചവിട്ടല്ലേ. മാറി നിന്നേ. അവനോട് അവന്റെ ധനുഷേട്ടൻ എവിടെയെന്നു പറയാനുള്ള ഉത്തരവാദിത്തം നമ്മൾക്കില്ലേ.”

ഗുണനായക് കസേരയിൽ നിന്നുമെഴുനേറ്റ് തന്റെ ഇരട്ടകുഴൽ തോക്കുമായി ആദമിന്റെ അടുത്തേക്ക് നടന്നു.

“എഴുനേൽക്കാതെ മുട്ടുകുത്തി നില്ല്…”

തന്റെ കൈയിലിരുന്ന തോക്കുപയോഗിച്ച്, തറയിൽ നിന്നെഴുനേൽക്കാൻ ശ്രമിച്ച ആദമിന്റെ മുട്ടുകാല് നോക്കി മനോഹർ സിംഗ് യാതൊരു ദയവുമില്ലാതെ ആഞ്ഞടിച്ചു…!

“ഹാ…!” ഗുണനായക്, തോക്കിന്റെ പിൻഭാഗം വെച്ചടിച്ചതിനാൽ തന്റെ കാൽമുട്ടുകൾ തകർന്നത് പോലെ ആദമിന് തോന്നി.

അവൻ വേദനയാൽ പുളഞ്ഞുകൊണ്ട് തല കുനിച്ച് എങ്ങനെയോ മണ്ണിൽ മുട്ടുകുത്തി നിന്നു.

“യെസ്…ഗുഡ് ബോയ്… പിള്ളേരായാൽ ഇങ്ങനെ തന്നെ വേണം… ഹാ ഹാ ” അയാളതും പറഞ്ഞ് ആസിഫിനെ നോക്കിയൊന്നു ചിരിച്ചു. അതിന്റെ പകർപ്പെന്നോണം ആസിഫിന്റെ ചുണ്ടിലും ഒരു പുഞ്ചിരിയുണ്ടായി.