❤️✨️ശാലിനിസിദ്ധാർത്ഥം11✨️❤️ [??????? ????????] 332

ഗുണനായക് തിരിച്ചു വന്നിട്ടുണ്ട്… അയാൾ അവിടേക്ക് തിരിച്ചു വന്നതോടെ അതിപ്പോൾ നമ്മുടെ പഴയ കോളേജല്ല.. നരകമാണ് നരകം…”

“എന്ത്… അപ്പോൾ കഴിഞ്ഞ തിങ്കളാഴ്ച അയാൾ വന്നിരുന്നോ… എന്നിട്ടെന്താണ് സംഭവിച്ചത്…” സിതാര വിക്കി വിക്കി ചോദിച്ചു..

നിഖില :”അയാളിപ്പോൾ കോളേജിലെ നിയമങ്ങൾ എല്ലാം കാറ്റിൽ പറത്തികൊണ്ട് അയാളുടെ പുതിയൊരു നിയമസംഹിത നടപ്പിലാക്കിയിരിക്കുകയാണ്. സമൂഹത്തിൽ കോളേജിനുള്ള നല്ല പേര് നശിപ്പിക്കുകയും, വിദ്യാർത്ഥികളെ കൊല്ലാകൊല ചെയ്യുകയുമാണ് അയാളുടെ ലക്ഷ്യം…”

“നീ കാര്യങ്ങളെന്താണെന്നു വെച്ചാൽ തെളിച്ചു പറ.. നിഖിലേ..” സിതാരയുടെയുള്ളിൽ ഭയം പതഞ്ഞുപൊന്തി തുടങ്ങിയിരുന്നു.

നിഖില തുടർന്ന് പറഞ്ഞ കാര്യങ്ങൾ കേട്ട് സിതാരയ്ക്ക് ഭയവും നടുക്കവുമുണ്ടായി…

*****************************************

സിദ്ധാർഥിനെ കണ്ട് സംസാരിച്ച് സിന്ധുവും, നിഖിലയും പോയതിനു ശേഷം സിദ്ധാർഥിന് ഭാമ ഒന്നരയോടെ ഉച്ചഭക്ഷണം നൽകുകയും ചെയ്തു.

“ഭാമേ, സിദ്ധുവിന് ഭക്ഷണം കൊടുത്തു കഴിഞ്ഞെങ്കിൽ കുറച്ച് കഴിഞ്ഞ് മരുന്നും കൊടുത്തിട്ട് അവനെ കട്ടിലിൽ കിടത്തിക്കോളൂ… കുറച്ച് നേരം അവനുറങ്ങട്ടെ…

വൈകിട്ട് നാലരയ്ക്ക് സിദ്ധാർഥിന്റെ ശസ്ത്രക്രിയയുടെ മുറിവ് ഡ്രസ്സ്‌ ചെയ്യിക്കാൻ പോകേണ്ടതുണ്ട്… ഞാൻ കുറച്ച് കഴിഞ്ഞ് വരാം.” അപ്പോഴാണ് ഡൈനിംഗ് റൂമിലേക്ക് കടന്നു വന്ന റാം അവളോട് നിർദ്ദേശിച്ചത്.

“മ്മ് ശെരി…” സത്യഭാമ, റാമിന്റെ മുഖത്ത് നോക്കാതെയൊരു ഒഴുക്കൻ മട്ടിൽ മറുപടി നൽകിയിട്ട് സിദ്ധാർഥിന്റെ വായും മുഖവും കഴുകികൊടുത്തിട്ട് അവനെയും കൊണ്ട് താഴെയുള്ള ബെഡ്റൂമിലേക്ക് നീങ്ങി.

“അമ്മ്മേ… മ്മയെന്താ ച്ഛനോടും ചെച്ചിയൊടും ഒന്ന്നും മിണ്ണ്ടാത്തത്…???” റൂമിലിരിക്കവേ സിദ്ധാർഥ് സത്യഭാമയോടായി ചോദിച്ചു.

“ഒന്നുമില്ല കുട്ടാ… എന്റെ മോൻ അതേപറ്റിയൊന്നും ചിന്തിക്കണ്ടാ…സമാധാനമായിരിക്കു… ദാ നീയി മരുന്ന് കഴിച്ചേ..”