❤️✨️ശാലിനിസിദ്ധാർത്ഥം11✨️❤️ [??????? ????????] 332

തമ്പുരാനോടൊപ്പം അഗസ്ത്യഗിരി മനയിലെത്തിയ തന്നെ സ്വീകരിച്ച ഭൈരവൻ നമ്പൂതിരി, തന്നെ ഒറ്റയ്ക്ക് കാണണമെന്ന് പറയുകയും,

അദ്ദേഹത്തിന്റെ അഭ്യർത്ഥന പ്രകാരം താൻ അദ്ദേഹത്തിന്റെ ധ്യാനമുറിയിൽ ചെന്ന് അദ്ദേഹവുമായി സന്ധിക്കുകയുണ്ടായി.

നമ്പൂതിരിപ്പാടിനെ കാണാൻ പോകുന്നതിനു മുൻപ് തമ്പുരാൻ തനിക്ക് ചില നിർദേശങ്ങൾ നൽകി.. അതിലെ പ്രധാന നിർദേശങ്ങളിലൊന്നായിരുന്നു,

നമ്പൂതിരിപ്പാടിനോട് എനിക്ക് സംശയമുള്ള, ന്യായമായ കാര്യങ്ങൾ മാത്രമേ ചോദിക്കാവു എന്നും, അദ്ദേഹം നൽകുന്ന ഉത്തരം കൊണ്ട് തൃപ്തിപ്പെട്ടു കൊള്ളണമെന്നും അദ്ദേഹം പറയുന്ന പ്രവചനങ്ങളെല്ലാം അച്ചട്ടായിരിക്കുമെന്നും,

തനിക്ക് അദ്ദേഹം തരുന്ന മുന്നറിയിപ്പുകളും നിർദ്ദേശങ്ങളുമെല്ലാം എപ്പോഴും മനസ്സിലുണ്ടാകണമെന്നും അത് ആരോടും തന്നെ പുറത്ത് വിടാതെ രഹസ്യമായി സൂക്ഷിക്കണമെന്നും തമ്പുരാൻ പറഞ്ഞു കൊടുത്തതിനു ശേഷമാണ് അവൻ ഭൈരവൻ നമ്പൂതിരിപ്പാടിനെ കാണാനായി പോയത്.

അവിടെ വെച്ച് അർജുന്റെ ഉള്ളിലുള്ള ചോദ്യങ്ങൾക്കെല്ലാം അദ്ദേഹം ഉത്തരം നൽകിയതിന് ശേഷം, സിദ്ധാർഥിന്റെ ജീവിതത്തിൽ ഇനി സംഭവിച്ചേക്കാവുന്ന ചില സംഭവങ്ങളെകുറിച്ചും ആ മഹാസിദ്ധൻ ചില സൂചനകൾ തന്നിരുന്നു…

തികച്ചും ഗൂഢർത്ഥങ്ങൾ നിറഞ്ഞവ… ഒരു സാധാരണ മനുഷ്യന് അത്ര പെട്ടന്ന് മനസ്സിലാക്കാൻ സാധിക്കാത്ത തരത്തിലുള്ളവ.. നമ്പൂതിരിപ്പാടദേഹം പറഞ്ഞതിന്റെ സാരംശമിങ്ങനെയായിരുന്നു…

‘സിദ്ധാർഥ്, ഇതിഹാസ കുരുവംശകഥയിലെ മഹാവ്രതിയായ രാധേയനും, തന്റെ സുഖഭോഗമയമായ രാജകീയ ജീവിതമുപേക്ഷിച്ചു ലോകത്തിന്റെ ദുഃഖങ്ങൾക്ക് അരുതിവരുത്താൻ പുറപ്പെട്ടിറങ്ങിയ മഹാത്മാവായ ഗൗതമസിദ്ധാർഥനും തുല്യരീതിയിൽ ചേർന്ന ഒരു അപൂർവ ജന്മമാണ്.

‘പണ്ട്, കുരുക്ഷേത്രയുദ്ധ കളത്തിൽ അധർമ്മപാതയിൽ നിലകൊണ്ട് അർജുനനോടെതിർത്ത മഹാരഥിയും ധർമ്മാത്മാവുമായ കർണൻ,

തന്റെ വളരെധികം അനർഘമായ നിമിഷത്തിൽ തന്റെ ശത്രുവിനെ വധിക്കുവാനുതകുന്ന

അസ്ത്രശസ്ത്രങ്ങളെ, ബ്രാഹ്മണ ശാപം മൂലം മറന്നുപോകുകയും വീരചരമം പ്രാപിക്കുകയും ചെയ്തെങ്കിൽ,