❤️✨️ശാലിനിസിദ്ധാർത്ഥം 7✨️❤️ [??????? ????????] 245

“ചേച്ചി റൂമിൽ കേറിയിട്ട് 10 മിനിറ്റായിട്ടുണ്ട്.. ഇതുവരെ പുറത്തേക്ക് വന്നിട്ടില്ല…”

” ആണോ… എന്നാ നീ ചേട്ടനോടൊപ്പം താഴേക്ക് പൊയ്ക്കോ.. സിതാരയെ ഞാൻ വിളിച്ചുകൊണ്ട് വരാം…” അഗ്നിമിത്ര അവരെ താഴേക്ക് പറഞ്ഞുവിട്ടു.

**************************************

“മോനെ ജിത്തു, സിദ്ധാർഥിനെ നോക്കിക്കോളണേ…”

“സിദ്ധാർഥ്, ബൈക്കിൽ സൂക്ഷിച്ച് ഇരിക്കണേടാ… പിന്നെ കോളേജിൽ ചെന്നാൽ നല്ല കുട്ടിയായിട്ട് ഇരിക്കണം. തല്ലിലൊന്നും ചെന്ന് പെടരുത്.”

ഭാമ, കോളേജിലേക്ക് ഇറങ്ങുകയായിരുന്ന അവരോട് പറഞ്ഞു.

“ശെരിയമ്മേ…! പോയിട്ട് വരാം.” സിദ്ധാർഥ് സത്യഭാമയുടെ കാൽ തൊട്ടുവന്ദിച്ചിട്ട്‌ അഗ്നിജിത്തിന്റെ ബൈക്കിൽ കേറിയിരുന്നു. ജിത്തു ബൈക്ക് സ്റ്റാർട്ട്‌ ചെയ്ത് കോളേജിലേക്ക് പുറപ്പെട്ടു.

സിതാരയാണെങ്കിൽ ഇറങ്ങാൻ പോകുന്നതേയുള്ളു. അവൾക്ക് സ്വന്തമായി സ്കൂട്ടറുള്ളത് കൊണ്ട് അവളങ് തനിയെ വന്നുകൊള്ളും.

” ജിത്തുവേട്ടാ…!”

“എന്താടാ…???”

” ഈ ബൈക്ക്, റോയൽ എൻഫീൽഡ് ഇന്റർസെപ്റ്റർ അല്ലേ…??? ” കോളേജിലേക്ക് പോകുന്ന വഴി സിദ്ധാർഥ് ജിത്തുവിനോട് ചോദിച്ചു.

“അതെ.. ഇന്റർസെപ്റ്റർ 750… മൂന്നുലക്ഷമാ ഇതിന്റെ ഓൺറോഡ് വില. എന്താ ചോദിച്ചേ ???”

“ഓ വെറുതെ… ഈ ബ്ലാക്ക് കളറിൽ ബൈക്ക് അടിപൊളിയായിട്ടുണ്ട്… എനിക്കും ഇതു പോലെ ബൈക്ക് ഓടിക്കണമെന്ന് ആഗ്രഹമുണ്ട് പക്ഷേ ലൈസൻസില്ല. “

“അതെന്താ നീ ലൈസൻസ് എടുക്കാത്തത്… ആരും സമ്മതിച്ചില്ലേ…?” അത് കേട്ട് അഗ്നിജിത്തിനും വിഷമമായി…

“സമ്മതിക്കാത്തതല്ല… എടുക്കാനുള്ള സാഹചര്യം കിട്ടിയില്ല…” ബൈക്കിന്റെ വേഗതയ്ക്കനുസരിച്ച് കാറ്റത്ത് സിദ്ധാർഥിന്റെ നീളൻ മുടി പാറിക്കൊണ്ടിരുന്നു.

“ഹേയ് അതൊന്നും വിഷമിക്കണ്ട… ബൈക്കൊക്കെ നിനക്കും എടുക്കാൻ പറ്റും. വേണമെങ്കിൽ ഞാൻ ടു വീലർ എങ്ങനെ ഓടിക്കണമെന്ന് പഠിപ്പിച്ചു തരാം…”

“ശെരിക്കും പഠിപ്പിച്ചു തരോ…???” സിദ്ധാർഥിനു അത് കേട്ടപ്പോൾ വല്ലാത്ത സന്തോഷം തോന്നി.

“മ്മ്.. തീർച്ചയായും പഠിപ്പിച്ചു തരാം..” ജിത്തു അവനെ സമാധാനിപ്പിച്ചു.

അങ്ങനെ ഒരു പത്ത് മിനിട്ട്, കഴിഞ്ഞപ്പോൾ അവർ കോളേജിലേക്കെത്തി.

” എടാ നീ ഇവിടെ ഇറങ്ങിക്കോ… ബൈക്ക് കോളേജിനകത്തോട്ട് കൊണ്ടുപോയാൽ പിന്നെ പുറത്തിറക്കാൻ പാടാണ്…” ജിത്തു, മെയിൻ ഗേറ്റിനു മുൻപിൽ ബൈക്ക് നിർത്തിയിട്ട് അവനോട് നിർദ്ദേശിച്ചു.