❤️✨️ശാലിനിസിദ്ധാർത്ഥം 7✨️❤️ [??????? ????????] 245

“സിദ്ധു മോനെ നിനക്കെന്തേലും പറ്റിയോടാ…” പെട്ടന്നു അവിടേക്ക് ഓടി വന്ന സിതാര അവനെ കെട്ടിപിടിച്ചു കൊണ്ട് ചോദിച്ചു.

“ഇല്ല ചേച്ചി.. എനിക്കൊന്നുമില്ല ചേച്ചിയിങ്ങനെ കരയാതിരിക്ക്…” സിദ്ധാർഥ് അവളെ ആശ്വസിപ്പിച്ചു.

എന്താ ഇവിടെ… എന്തു പറ്റി താര…???”

വൈസ് പ്രിൻസിപ്പളിനെ മടക്കിയയച്ചതിന് ശേഷമവിടേക്ക് വന്ന ധനുഷ്, സിതാരയോട് കാര്യമന്വേഷിച്ചു..

അവൾ കാര്യം പറയുകയും ചെയ്തു.

“എന്തായാലും സാരമില്ല താരാ… ജോൺസൻ സാറ് പറഞ്ഞത് പോലെ സിദ്ധാർഥ് ഇനി ഒന്നുരണ്ട് ദിവസത്തേക്ക് വരാതിരിക്കുന്നതാണ് നല്ലത്.

” ചേട്ടാ അപ്പോൾ എന്റെ ക്ലാസും അറ്റെൻഡൻസും മിസ്സാവില്ലേ…” സിദ്ധാർഥ് തന്റെ ആശങ്ക ഉന്നയിച്ചു.

“അതോർത്തു നീ വിഷമിക്കണ്ടാ ക്ലാസും അറ്റന്റസുമൊക്കെ ഓൺലൈനായിട്ടുമുണ്ട്. നിനക്കത് ഓൺലൈനായിട്ടും പങ്കെടുക്കാവുന്നതാണ്. നീ രണ്ടു ദിവസം പനിയാണെന്ന് പറഞ്ഞ് വീട്ടിലിരുന്നോ. ഇനി എല്ലാവരും പൊയ്ക്കോളൂ. വെറുതെ നിന്നു സമയം കളയണ്ടാ…

ധനുഷ്, എല്ലാവരെയും പറഞ്ഞു വിട്ടു… സിതാരയും ശ്യാമും പരസ്പരം ദൈന്യതയോടെ നോക്കിയിട്ട് തങ്ങളുടെ സഹോദരങ്ങളെയും കൂട്ടി അവരവരുടെ വാഹനങ്ങളിൽ വീട്ടിലേക്ക് പുറപ്പെട്ടു.

******************************************

“ഏട്ടാ ആ ആൽബി ആരാ…??? ചേട്ടനോട് അയാൾക്കെന്താ ഇത്രയധികം ശത്രുത തോന്നാൻ കാരണം…” ശ്യാമിന്റെ ബൈക്കിന്റെ പുറകിലിരുന്നു തിരികെ വീട്ടിലേക്ക് മടങ്ങവേ ശാലിനി ചോദിച്ചു.

“അതെന്തിനാ നീയറിയുന്നത്.. വേണ്ടാത്ത കാര്യങ്ങളൊന്നും അറിയാൻ ശ്രമിക്കാതിരിക്കുന്നതാ നിനക്ക് നല്ലത് ദേവൂ…”

“എന്നാലും ഏട്ടൻ എന്നോടത് പറയില്ലേ…” ശാലിനി വാശിപിടിച്ചു.

“ഇല്ല..”

“അതെന്താ…”

“പറയില്ലെന്ന് പറഞ്ഞാൽ പറയില്ല… പണ്ട് നിനക്കുണ്ടായ ദുരന്നുഭവത്തിന്റെ എത്രയോ മടങ്ങായിരിക്കും നീ അവരോട് എതിരിട്ടാൽ ഇപ്പോൾ ഉണ്ടാകാൻ പോകുന്നത്.. അത് കൊണ്ട് ശാലിനി, നീ മിണ്ടാതിരിക്കുന്നതാണ് നിനക്ക് നല്ലത്. ശ്യാം അവളോട് ദേഷ്യപ്പെട്ടതോടെ അവളൊന്നു അടങ്ങി.

‘നീ തല്ക്കാലം ഒന്നും അറിയണ്ട മോളെ… അവൻ… ആൽബി, രാഷ്ട്രീയക്കാരനായ തന്റെ മൂത്ത ഏട്ടന്റെയും, പോലീസിലുള്ള, അതിന് താഴെയുള്ള ഏട്ടന്റെയും പവറും സ്വാധീനവുമുപയോഗിച്ചു അവൻ വലിയ തരത്തിലുള്ള ദുഷ്ടത്തരങ്ങളും, അക്രമങ്ങളും മറ്റുമുണ്ടാക്കി കൊണ്ടിരുന്നു..