❤️ദേവൻ ❤️part 19 [Ijasahammed] 230

വേഗം എന്റെ കയ്യിൽനിന്നും ബാഗ് വാങ്ങി കൊണ്ട് തോളിൽ ഇട്ട അവളെ ദേവേട്ടൻ കണ്ണ് മിഴിച്ചു
നോക്കിനിൽക്കുന്നത് കണ്ടപ്പോഴേക്കും ഉറക്കെ ചിരിച്ചുപോയിരുന്നു…

വന്നട്ട് തരാ ഇതിനൊക്കെ ന്നുള്ള അർത്ഥത്തിൽ അവളേം മുന്നിലിരുത്തി ദേവേട്ടൻ ബൈക്ക് സ്റ്റാർട്ട്‌ ആക്കി..

കണ്മുന്നിൽ നിന്ന് അവര് മറഞ്ഞപ്പോഴും ചുണ്ടിലൊരു ചിരി മായാതെ കിടന്നിരുന്നു…

അതേ ചിരിയുമായി തിരിഞ്ഞു വീട്ടിനകത്തേയ്ക്ക് തിരിഞ്ഞതും ഉമ്മറത്തെ തുളസിത്തറയിലേക്ക് കണ്ണുകൾ പാഞ്ഞു..

അവക്ക് ഇപ്പൊ ആ പഴയവാട്ടമുണ്ടായിരുന്നില്ല..

ഒരിക്കൽ പൂർണമായും വാടികരിഞ്ഞു കൊണ്ട് നാമമാത്രമായി നിന്നിരുന്ന ആ ചെടി ഇന്ന് നിറയെ പച്ചിലകളാൽ നിറഞ്ഞു മണ്ണിലേക്ക് ആഴത്തിൽ വേരൂന്നികൊണ്ട് നിൽക്കുന്നത് കണ്ടപ്പോൾ എന്ത് കൊണ്ടോ അത് എന്റെ പ്രണയത്തെ ഓർമിപ്പിച്ചു കൊണ്ടേയിരിക്കുകയാണെന്ന് എനിക്ക് തോന്നി…

മുറിയിലെത്തിയതും ആ കാഴ്ചകണ്ട് അരയിൽ കൈവച്ച് കൊണ്ട് നിന്നു…

“ഒരായിരം വട്ടം പറഞ്ഞിട്ട് ണ്ട്, വലിച്ചുവാരി തുണികൾ ഇങ്ങനെ നിലത്തിടരുതെന്ന്.. ”

മുറിയിലെ ആ ചെറിയകുട്ടക്ക് കീഴിലായി അങ്ങിങ്ങായി വലിച്ചിട്ട കുഞ്ഞുടുപ്പുകൾ ഞാൻ പെറുക്കിയെടുത്തു..

“മാറ്റാൻ നേരം ഒന്നൊന്നു പിടിക്കില്യ അവള്ക്ക്.. ”

പെറുക്കിയെടുത്തു ഭദ്രായി കുട്ടക്കകത്ത് വെച്ചുകൊണ്ട് നടുനിവർത്തി തിരിഞ്ഞു നടക്കാൻ ഭാവിച്ചതും നീളൻ അലമാരക്ക് ചുവട്ടിൽ വിതറിയിട്ട ഷർട്ടുകളിലേക്കെന്റെ കണ്ണുകൾ ചെന്നു നിന്നു..

“എങ്ങനാ അനുസരിക്യാ..

ഇതൊക്കെ കണ്ടല്ലേ പഠിക്കണേ… !!”

“ആരോടാടീ നീയ് ഒറ്റക്ക് നിന്ന് പിറുപിറുക്കണേ..??