❤️ദേവൻ ❤️part 19 [Ijasahammed] 230

ഒന്നും പറയാനാവാതെ നിറഞ്ഞ കണ്ണുകളോടെ ഞാൻ ആ കുഞ്ഞു കണ്ണുകളിലേക്കു നോക്കി കൊണ്ട് നിന്നു…

ആ കണ്ണുകളും നിറഞ്ഞു വന്നത് കണ്ട് ഞാനവളെ ചേർത്ത് പിടിച്ചു..

അവളെയും കൊണ്ട് മുറിക്ക് പുറത്തിറങ്ങുമ്പോൾ മനസ്സിലത്രയും സന്തോഷം നിറഞ്ഞുപെയ്യാൻ തുടങ്ങിയിരുന്നു….

മുറ്റത്തു ബൈക്കിന്റെ ശബ്ദം ഉയർന്നുകേട്ടതും ഉമ്മറത്തേക്ക് അവളെയും കൂട്ടിനടന്നു..

ദേവേട്ടനെപ്പഴാ പുറത്ത്പോയതെന്ന് ചിന്തിച്ചുകൊണ്ട് ഉമ്മറത്തെത്തിയതും ഈ നേരം വരെ കുളിക്കേം കൂടെ ചെയ്യാതെ അകത്തേക്ക് കയറി വന്ന ദേവേട്ടനോട് അല്പം മുഖം കറുപ്പിച്ചു കൊണ്ട് ഞാൻ ചോദിച്ചു..

“ന്താദ് ദേവേട്ടാ.. പോണംന്ന് പറഞ്ഞിട്ട് ഈ നേരം വരെ കുളിച്ചിട്ടു പോലൂല്ലാ..?? ”

“അത്യാവശ്യായി ഒന്ന് കടേൽ പോണ്ടിവന്നു അതാ..

ഒരഞ്ചു മിനിറ്റ്.. ഞാൻ ദാ വന്നു.. !!”

കയറിവന്നതും വേഗം അകത്തേക്ക് കടന്നുകൊണ്ട് ദേവേട്ടൻ പോയതും നോക്കി അരയിൽ കൈ വച്ചുകൊണ്ട് ഞാൻ നന്ദയെ നോക്കി…

“ശാരദമ്മ കാത്തിരിക്ക്യാവും.. പാവം..

ഈ ദേവനെപ്പഴും ഇങ്ങനാ.. !!”

താടിക്ക് കൈകൊടുത്ത് കൊണ്ട് ഉമ്മറപ്പടിയിൽ മുഖം കൂർപ്പിച്ചു ചെന്നിരുന്ന അവളെ എടുത്ത് മടിയിൽ വെച്ചു കൊണ്ട് ആ കുഞ്ഞു തോളിൽ തലവെച്ച് ദേവേട്ടനെ കാത്തിരുന്നു..

ഏറെ സമയത്തിന് ശേഷവും വരവൊന്നും കാണാഞ്ഞത് കണ്ട് അവളെ മടിയിൽ നിന്നും മാറ്റിഇരുത്തി അകത്തേക്ക് നടക്കുമ്പോൾ ദേഷ്യം അരിച്ചുകയറിയിരുന്നു…

അടച്ചിട്ട തെക്കേമുറിയിൽ ആഞ്ഞുകൊട്ടി..