❤️ഒരു പഴയ ഓർമ💔 part 2 81

“ചെറുപ്പത്തിൽ നമ്മൾ രണ്ടും മണ്ണുവാരി കളിച്ചപ്പോൾ അന്നു തമ്മിൽ പറഞ്ഞതും മറന്നുപോയോ“

മെഹ്ബൂബ് സാബിന്റെ ഈ സംഗീതവും കേട്ടാണ് രാവിലെ ഉറക്കം ഉണരുന്നത് ഞാൻ. കിടക്കയിൽ നിന്ന് എഴുന്നേൽകാതെ മുഴുവനും കേട്ടു. ആ പാട്ടുകേൾക്കുമ്പോൾ എനിക്ക് അവനി ആയിരുന്നു മനസ് നിറയെ. “പുഞ്ചിരിക്കും പൂങ്കാവിളിൽ ഉമ്മവെച്ചിലെ” എന്ന വരി കേട്ടപ്പോൾ എനിക്കെന്തോ നാണമോ ചമ്മല്ലോ അങ്ങനെ ഒക്കെ എന്തോ ഫീലിംഗ് ആണ് വന്നത്. എന്റെ കാട്ടികൂട്ടൽ കാണാൻ റൂമിൽ ആരും ഉണ്ടാവാത്തത് എന്റെ ഭാഗ്യം. എന്തായാലും പാട്ടുകഴിഞ്ഞപ്പോൾ ഞാൻ നല്ല ഉഷാറിൽ ആയി. ചാടി എഴുന്നേറ്റു ഞാൻ കാര്യപരിപാടികൾ എല്ലാം തീർത്തു. വല്ലാത്തൊരു ഉത്സാഹം എല്ലാത്തിനും. എന്റെ ഈ പരാക്രമങ്ങൾ ഒക്കെ കണ്ട് അനുകുട്ടി താടിക്ക് കൈയും കൊടുത്തിരിക്കുന്നുണ്ട്. സാധരണ എന്നെ കുത്തിപോക്കാൻ അമ്മ ഒരു യുദ്ധം തന്നെ നടത്താറുണ്ട്. അത് മിസ്സ് ആയതിന്റെ ഒരു ആസ്‌ചര്യം ആവും എന്ന് ഞാൻ കണക്കുകൂട്ടി. ഓടിപ്പോയി ഒരു ഉമ്മയും കൊടുത്തു നേരെ ഫുഡ് കഴിക്കാൻ ഇരുന്നു. ഫുഡ് അടി കഴിഞ്ഞു ബാഗ് ഉം എടുത്ത് നേരെ കൊട്ടയുടെ വീട്ടിലേക് വിട്ടു.