❤️ഒരു പഴയ ഓർമ? part 2 82

“അമ്മേ ചോറ്” ഉമ്മറത്ത് നിന്നും ഞാൻ അലറിവിളിച്ചു.

“പോയി കുളിച്ചിട്ടു വാടാ എന്നിട്ട് ചോറുതരാം.” അമ്മയും അലറി പറഞ്ഞു അടുക്കളയിൽ നിന്നും.

“ഇതെന്താ അമ്പലോ വരുമ്പോ വരുമ്പോ കുളിക്യാൻ! ഞാൻ ഇന്നു ഓടികളിച്ചിട്ടൊന്നും ഇല്ല വിയർക്കാൻ”

“ദേ അബി നിന്നോട് ഞാൻ നൂറ് പ്രാവിശ്യം പറഞ്ഞിട്ടുണ്ട് ചെറിയ വായിൽ വല്ല്യവർത്താനം പറയരുതെന്ന്”

“അതിന് എന്റെ ചെറിയ വായ അല്ലാലോ! ഒരു നേന്ത്രപ്പഴം തന്ന ഒറ്റ അടിക്കു തിന്നുകാട്ടിതരാം.”

“നിന്നെ ഞാൻ എന്ന് ശരിയാക്കി തരാടാ”

അടുക്കളയിൽ പത്രങ്ങൾ മറിച്ചിടുന്ന ശബ്ദം കേൾകാം. ഇത് അദ്യമയെല്ലാത്തത് കൊണ്ട് അപ്പോൾത്തന്നെ മനസിലായി തല്ലാൻ ചട്ടുകം തിരയുകയാണെന്നു. പിന്നെ ഒന്നും നോക്കിയില്ല ആയുധം കിട്ടുന്നതിനു മുൻപ് എതിരാളിയെ കീഴ്പെടുത്തുക്കാ എന്ന ഉദ്ദേശത്തോടെ ഓടിപ്പോയി അമ്മയെ കെട്ടിപിടിച്ചു, ആ കഴുത്തിൽ തൂങ്ങി കവിളിൽ ഒരു ഉമ്മയും കൊടുത്തു. അതിൽ ‘അമ്മ ഒന്നു കൂൾ ആയി, ഭാഗ്യം.