❣️LIFE PARTNER❣️ 7 [ᶜ͢ᴿ͢ᴬ͢ᶻ͢ᵞ A J R] 428

“എങ്കി കേട്ടോ നമ്മടെ love story തുടങ്ങിട്ട് നാളേക്ക് ഒരു വർഷം തികയും……!”

“ഓഹ് അങ്ങനെ ഒരു പ്രതേകതയുണ്ടല്ലേ……?? ഇതെന്താ ഞാൻ മറന്നുപ്പോയെ……?? Sorry ടി നമ്മക്ക് ഒരിക്കലും മറക്കാൻ പറ്റാത്ത രീതിയില് നാളത്തെ ദിവസം ആഘോഷിക്കണം….!”

“mm ഇപ്പഴേലും മോൻ ഓർത്തല്ലോ….എന്നാ നല്ല കുട്ടിയായിട്ട് ചെന്ന് കെടന്ന് ഒറങ്ങ്……”

“നാളെ നീ ഇതും ഇട്ടോണ്ട് വരുന്ന രംഗം ഓർക്കുമ്പോ തന്നെ കുളിര് കോരുവാ….!”

“ആണോ…,എന്നാലേ എന്റെ ചെക്കൻ ഇപ്പഴേ കോരി കളയണ്ട. നാളെ നേരിട്ട് കാണാലോ. ഇപ്പൊ മോൻ ചെല്ല്…..”

“എന്നാ ശെരിടി…. ഞാനിറങ്ങുവാ…..”

“സൂക്ഷിച്ച് പോ. വിടെത്തിട്ട് വിളിക്കണോട്ടൊ.”

“അഹ് ഒക്കെ…….”

◆◆◆ ◆◆◆ ◆◆◆ ◆◆◆

“ശിവാ………നീ എന്താടാ മോനെ കരയണേ……??”

“ഏയ് ഒന്നൂല്ല അമ്മേ എന്തോ ഓർത്തപ്പോ അറിയാണ്ട്……കണ്ണ് നിറഞ്ഞതാ…..!”

ഒഴുകി ഇറങ്ങിയ കണ്ണുനീര് തുടച്ച് മാറ്റി ഞാൻ പറഞ്ഞു. എല്ലാരുടേം മുഖത്തും സങ്കടം…..ഇപ്പൊ കരയുമെന്ന അവസ്ഥയിൽ ലക്ഷ്മിയും.

“വാ ഇനിയും താമസിപ്പിക്കണ്ട എറങ്ങാം……”

“വേണ്ട മോനെ നമ്മക്കിനി ഒരു ദിവസം പോവാം….!”

“അമ്മെയെന്താ ഈ പറയണേ…..?? ഇനി വേറൊരു ദിവസത്തേക്കാക്കണ്ട… എനിക്ക് പ്രശ്നോന്നൂല്ല. വാ ഇറങ്ങ്.”

പിന്നെ കൂടുതലൊന്നും സംസാരിക്കാൻ നിന്നില്ല. വീടും പൂട്ടി വെളിയിലേക്കിറങ്ങി……! ലക്ഷ്മിയുടെ കൈയും പിടിച്ച് അമ്മ മുന്നേ നടന്നു. ഞാനും ചേച്ചിയും പിന്നാലെ…..

“ഉണ്ണി നീ ഓക്കെയാണോ…….??”