❣️LIFE PARTNER❣️ 7 [ᶜ͢ᴿ͢ᴬ͢ᶻ͢ᵞ A J R] 428

“പുന്നാര മോനെ…. ഇന്നത്തോടെ നിന്റവസാനമാണ്. എവിടെടാ അവള്…??”

“അവളോ ഏതാവള്….?? ഓഹ് ലക്ഷ്മി….! അവളെന്റെ വീട്ടിൽ സുരക്ഷിതയാ….”

“മൂന്ന് ദിവസം കൊണ്ട് നീ വല്യ ഹീറോ കളിച്ചു. ഇനി നിനക്ക് രക്ഷയില്ല. അന്നേ പറഞ്ഞതാ വിട്ടിട്ട് പോയേക്കാൻ…..! കേട്ടില്ല. നീ ആയിട്ടവളെ വിളിച്ചിട്ട് വന്നാ നിന്റെ കുടുംബത്തെ എങ്കിലും വെറുതെ വിടാം. അതല്ലങ്ങി നിന്റെ മുന്നിലിട്ട് തന്നെ നിന്റെ കുടുംബത്തെ കത്തിച്ച് കളയും…”

“അത്രക്ക് ചൊണയുണ്ടെ നീ വന്ന് കത്തിക്കേടാ ത&^%$#…..”

ദേഷ്യം അത് വന്ന് കഴിഞ്ഞാൽ ശമിപ്പിക്കാൻ പാടാ. ആയുധങ്ങളോ ആൾക്കാരോ എന്റെ പക്കലില്ല. ഞാനൊറ്റക്കാ, ഉള്ളിലുടലെടുത്ത വെറി അവരെ നശിപ്പിക്കാൻ ശേഷിയുള്ളതായിരുന്നു……! ശ്വാസം ഒന്ന് വലിച്ച് വിട്ട ശേഷം ഞാനവർക്കടുത്തേക്ക് പാഞ്ഞു….വായുവിൽ ഉയർന്ന് പൊങ്ങി കാല് കൊണ്ട് ഒരുത്തനേം കൈമുഷ്ടി കൊണ്ട് മറ്റവനേം ഒരേപോലെ അടിച്ചിട്ടു. എന്താ നടന്നതെന്ന് അവർക്ക് മനസ്സിലാവും മുൻപ് തന്നെ അതിലൊരുത്തന്റെ ഷർട്ടിന് കുത്തിപ്പിടിച്ച് ഞാൻ വലിച്ചെണിപ്പിച്ചു ആദ്യത്തെ പഞ്ചു് അവന്റെ മൂക്കിന് തന്നെ കൊടുത്തു. അടുത്തത് കൊടുക്കുന്നതിന് മുന്നേ തന്നെ അവൻ എന്റെ പിടിയിൽ നിന്നും കുതറി മാറിയിരുന്നു. അപ്പോഴേക്കും താഴെ കിടന്നവനും എണീച്ചു. അവൻ വണ്ടിക്കുള്ളിൽ നിന്നും നീളം ചെന്ന ഒരു കമ്പി എടുത്തിട്ടെന്റെ നേരെ അലറി വിളിച്ചു വന്നു. എന്റെ തലക്ക് നേരെ അവനത് വീശി. പക്ഷെ ഞാൻ ഒഴിഞ്ഞു മാറി. അടി തെറ്റി അവനൊന്ന് വച്ചുപ്പോയപ്പോ ഞാനവന്റെ മുതുകിൽ ചവിട്ടിയിട്ടു. കൈയിലിരുന്ന കമ്പിയും തെറിച്ചവൻ താഴെ വീണു.

“കൊല്ലട ഈ നായിന്റ മോനെ….”

താഴെ കിടന്നവൻ എണിക്കുന്നതിനൊപ്പം അലറി. പക്ഷെ അവൻ എണിച്ചൊന്ന് നിക്കുന്നതിന് മുന്നേ ഞാനവനെ പിന്നും നെഞ്ചത്ത് ചവിട്ടിയിട്ടു. ആ സമയത്തിനുള്ളിൽ ബാക്കിൽ നിന്നും മറ്റവൻ എന്റെ കൈ രണ്ടും പിന്നിലേക്ക് ലോക്ക് ഇട്ട് വച്ചു.