❣️LIFE PARTNER❣️ 2 [ᶜ͢ᴿ͢ᴬ͢ᶻ͢ᵞ A J R] 264

“അവർക്കൊക്കെ ഇഷ്ട്ടാവോ ചേട്ടാ എന്നെ?? ഞാനൊരു ചീത്ത പെണ്ണല്ലേ??”

“നിയതിനെ പറ്റിയൊന്നും ചിന്തിക്കണ്ട. പിന്നെയാരാ പറഞ്ഞേ നീ ചീത്ത പെണ്ണാന്ന്?? നീ ഒരു ചീത്തയുമല്ല. ഇത് വരെ നടന്നതൊക്കെ മനസ്സിന്ന് അങ്ങ് മാച്ച് കളഞ്ഞേക്ക്! എന്നിട്ട് നല്ല കുട്ടിയായി എന്റെ വീട്ടിലേക്ക് വാ.”

അവളെ എന്ത് പറഞ്ഞ് വീട്ടിലേക്ക് കേറ്റും എന്ന് എനിക്കും അറിയില്ലായിരുന്നു. പക്ഷെ ആ പാവത്തെ വഴിയിൽ ഉപേക്ഷിക്കാനോ ആ ചെന്നായിക്കൾക്ക് ഇട്ട് കൊടുക്കാനോ ഞാൻ തയ്യാറാല്ലായിരുന്നു.

“അതൊന്നും അങ്ങനെ പെട്ടന്ന് മാച്ച് കളയാൻ പറ്റില്ലെട്ടാ. ഞാ……,,

പറഞ്ഞ് പൂർത്തിയാക്കും മുന്നേ അവൾ എന്റെ ദേഹത്തേക്ക് കുഴഞ്ഞു വീണിരുന്നു.

“ലക്ഷ്മി…..ലക്ഷ്മി…..”

ഒരുപാട് തവണ വിളിച്ചു. അവൾ കണ്ണുതുറന്നില്ല. മാമനെ ആണേ കാണുന്നുമില്ല. എന്റെ മുന്നില് അവളെ എടുക്കുക എന്നല്ലാതെ വേറെ വഴിയില്ലായിരുന്നു. അവളെ എടുക്കാനായി ഒരുങ്ങുമ്പോഴാണ് ഞാനത് ശ്രദ്ധിച്ചത് അവൾടെ ഇടത് കാലിന്ന് ചോരയൊലിക്കുന്നു. ചെയ്യുന്നത് തെറ്റാണെന്ന് അറിയമെങ്ങി കൂടി ഞാനവളുടെ പാവാട പൊക്കിവച്ചു. ചെറിയ മുറിവായിരിക്കും എന്നാ ഞാൻ കരുതിയെ. പക്ഷെ അതൊരു വല്യ കീറലായിരുന്നു. പാവം ഈ മുറിവും കൊണ്ടാ അവൾ ഇത്രയും ദൂരം നടന്നേ. പിന്നൊന്നും ആലോചിക്കാതെ ഞാനവളെ എടുത്തു. കുറച്ച് ദൂരം നടന്നപ്പോ തന്നെ ഗോവിന്ദൻ മാമന്റെ ഓട്ടോ കണ്ടു.

“മാമ…”

എന്നെ കണ്ട് മാമൻ ഓട്ടോ സൈഡാക്കി.

“ശിവ ആരാടാ ഇത്??'”

“അതൊക്കെ പറയാം മാമ, ഇപ്പൊ വണ്ടിയെടുക്ക്!”

അവളെ ഓട്ടോയുടെ പിന്നിൽ കിടത്തി അവളുടെ തല ഞാനെന്റെ മടിയിൽ എടുത്തു വച്ചു.

“മാമ ഒന്ന് വേഗം പോ.”