❣️???? ℙ?ℝ?ℕ?ℝ❣️ [ᶜ͢ᴿ͢ᴬ͢ᶻ͢ᵞ A J R] 304

“ചേട്ടാ എന്നെ തനിച്ചാക്കിട്ട് പോവല്ലേ നിക്ക് പേടിയാ!”

ഞാൻ പോവുന്നത് കണ്ട അവൾ പതിയെ എണീക്കാൻ ശ്രമിച്ചു കൊണ്ട് പറഞ്ഞു. അത് കേട്ടില്ലെന്ന് നടിച്ച് ഞാൻ നടന്നു.

“ചേട്ടാ പോവല്ലേ ചേട്ടാ…..”

നിരങ്ങി നിരങ്ങി അവളെന്നോടൊപ്പം വരുന്നത് കണ്ടപ്പോ ഹൃദയം അറുത്തു മാറ്റുന്ന വേദനയായിരുന്നു എനിക്ക്. ഇവളരാണെന്നോ എന്താണെന്നോ എനിക്കറിയില്ല. പക്ഷെ അവളെന്നെ വിളിച്ചത് ചേട്ടാന്നാ. ഞാൻവൾക്കരികിലേക്ക് പോയി. അവളെ പിടിച്ചെഴുന്നേല്പിച്ചു.

“ന്നെ വിട്ടിട്ട് പോവല്ലേ ചേട്ടാ. ചേട്ടൻ ആരാന്ന് എനിക്കറിയില്ല. പക്ഷെ എനിക്കിപ്പോ ചേട്ടൻ ദൈവത്തിന് സമമാ. എന്നെ കൂടെ കൂട്ടോ?? ഒരു വേലക്കരിയായി കഴിഞ്ഞോളാം. ഒന്നിനും ഒരു ശല്യാവില്ലാ. പോവാൻ വേറെ ഇടമില്ലാഞ്ഞിട്ടാ. കൈവിടല്ലേ ചേട്ടാ ന്നെ!”

അപേക്ഷ സ്വരത്തിൽ അവളത് പറഞ്ഞപ്പോ ചങ്ങിനകത്തൊരു നീറ്റൽ.

“നിന്റെ പേരെന്താ??”

“ശ്രീലക്ഷ്മി.”

“വാ…”

“സ്സ്…..”

“എങ്ങോട്ടാ ചേട്ടാ??”

“എന്റെ വിട്ടിലേക്കാ.”

അത് കേട്ടപ്പോ അവൾടെ മുഖത്ത് പേടി വന്നതായി എനിക്ക് തോന്നി.

“പേടിക്കണ്ട അമ്മയും ചേച്ചിയുമുണ്ട്.”

എന്തോ അത് കേട്ടതും അവൾടെ മുഖത്ത് ആശ്വാസം വീണു.