✨️❤️ശാലിനിസിദ്ധാർത്ഥം 5❤️✨️ [??????? ????????] 229

 

” അല്ല… എടീ പൊട്ടികാളി ചേച്ചി, നിനക്ക് ഞങ്ങളെ മാത്രം കണ്ടാൽ മതിയോ…! ഈ വീടിന്റെ നിലാവിളക്കിനെ, ദേവിയെ കാണണ്ടേ ??? ” സിതാര, അഗ്നിമിത്രയുടെ മൂക്കിൽ പിച്ചിക്കൊണ്ട് ചോദിച്ചു.

 

“…..യ്യോ പറയുന്നത് പോലെ പിള്ളേരുടെ അമ്മ എന്തിയെ…! മോനേ അച്ചൂട്ടാ, നീ പോയി അമ്മയെ വിളിച്ചോണ്ട് വാ… ഇത് ആരൊക്കെയാ വന്നിരിക്കുന്നതെന്നു കണ്ട് അവൾ ഞെട്ടട്ടെ…”

 

റാം, സിദ്ധാർഥിനെ അകത്തേക്ക് പറഞ്ഞു വിട്ടു.

 

അകത്തേക്ക് പോയ സിദ്ധു , രണ്ടു മിനിറ്റിനുള്ളിൽ ശരം പോലെ തിരികെ വരുന്നതാണ് അവർ കണ്ടത്…

 

“അച്ഛാ.. അമ്മ… ചട്ടുകോം കൊണ്ട് ഇങ്ങോട്ട് വരുന്നുണ്ട്…” സിഥാർഥ് കിതച്ചു കൊണ്ട് പറഞ്ഞു.

 

“ങേഹ് എന്താ… നീ പറഞ്ഞത്…!” റാമിന്റെ വാക്കുകൾ ഇടറിയിരുന്നു.

 

“അതേയച്ഛാ… ഞാൻ ജിത്തുവേട്ടനും, മിത്രേച്ചിയും വന്ന കാര്യം അമ്മയോട് പറഞ്ഞതേയുള്ളു… അമ്മ അപ്പോഴേ,

 

”ങ്ഹാ വന്നോ പിള്ളേര്… വല്ല അടിപിടിക്ക് എങ്ങാനും പോയെങ്കിൽ നോക്കിക്കോ…രണ്ടിനേം ചട്ടുകം പഴുപ്പിച്ച് പൊള്ളിക്കു”മെന്ന്… അതിന് ചട്ടുകോം തപ്പി ഇറങ്ങിയിട്ടുണ്ട് അമ്മ…”

 

“അയ്യോ അപ്പോൾ ഇങ്ങോട്ട് വരുന്നത് ഈ വീടിന്റെ ദേവിയല്ല… സാക്ഷാൽ ഭദ്രകാളിയാണ്.

എടീ ചേച്ചി, ജിത്തുവേട്ടാ… സത്യം പറ…! നിങ്ങൾ ഇന്ന് വല്ല അടിക്ക് എങ്ങാനും പോയോ ???… സിതാര തെല്ല് ഭയപ്പാടോടെ ചോദിച്ചു.

 

“ഏയ്‌ ഞങ്ങൾ .. അങ്ങനെ തല്ലിനൊന്നും പോയിട്ടില്ലടി… അല്ലേ ഏട്ടാ ??? ”

 

“ഹാ.. അ.. അതെ.. സത്യമാണ് ”

 

“എന്തായാലും നിങ്ങള് അകത്തോട്ടു വാ മക്കളേ… വെറുതെ വെയിലത്തു നിൽക്കണ്ട… ” റാം, സത്യഭാമ അവിടെയങ്ങാനും ഉണ്ടോന്നു തിക്കും പൊക്കും നോക്കി.. അവൾ അവിടെയില്ലെന്നു ഉറപ്പു വരുത്തിയിട്ട് അവരെ അകത്തേക്ക് ക്ഷണിച്ചു.

 

അവരെല്ലാവരും സിറ്റൗട്ടിലേക്ക് കയറാനൊരുങ്ങിയതും….

 

“നിൽക്കവിടെ… രണ്ടുപേരും ഇനിയൊരടി മുന്നോട്ട് വെച്ചു പോകരുത്…” അപ്പോഴാണവർ വാതിൽപടിയിൽ, ഭാമയുടെ ദേഷ്യത്തോടെയുള്ള നിൽപ്പ് കണ്ടത്. സിദ്ധാർഥ് നേരത്തെ സൂചിപ്പിച്ചത് പോലെ, ഒരു നീളൻ ഇരുമ്പു ചട്ടുകവും

അവരുടെ ഇടതു കൈയിൽ ഉണ്ടായിരുന്നു.

 

ഭാമയുടെ ആ നിൽപ്പ്, ജിത്തുവിനും, മിത്രയ്ക്കും തെല്ല് അമ്പരപ്പുണ്ടാക്കി.

 

“മോനേ ജിത്തൂ, ജീവൻ വേണോങ്കിൽ വേഗം എവിടേലും പോയി ഒളിച്ചോ…” റാം ജിത്തുവിനെ തോണ്ടികൊണ്ട്, അവനോട് പതിഞ്ഞ സ്വരത്തിൽ പറഞ്ഞു…