✨️❤️ശാലിനിസിദ്ധാർത്ഥം 5❤️✨️ [??????? ????????] 229

ആ സ്വരം കേട്ട് അവിടെയുണ്ടായിരുന്ന എല്ലാവരും തിരിഞ്ഞുനോക്കി.

അപ്പോൾ വീടിനകത്തു നിന്ന് പുറത്തേക്ക് ഓടിവരുന്ന സിതാരയെയാണ്, ജിത്തു കണ്ടത്.

 

‘ ഹേയ് ഇതാരാ ഈ ഓടി വരുന്നത്…’

ജിത്തു ആത്മഗതം പറഞ്ഞു.

 

തന്റെയടുത്തേക്ക് ഓടി വന്ന സിതാരയെ അഗ്നിജിത്ത്, പെട്ടന്ന് ഇരുകൈകളിലും കോരിയെടുത്ത്, വട്ടം കറക്കി. “എന്റെ അമ്മോ..! എന്താ ജിത്തുവേട്ടാ ഇത്…! എന്നെ താഴെയിറക്ക്.. തല കറങ്ങുന്നു. ?”

ജിത്തുവിന്റെ കൈകളിൽ കിടന്നു, അന്തരീക്ഷത്തിൽ കൈയുംകാലുമിട്ടടിച്ചു കൊണ്ട് സിതാര അപേക്ഷിച്ചു.

 

” എടാ…! ഛെ ജിത്തുവേട്ടാ അവൾ പറയുന്നത് കേട്ടില്ലേ…” മിത്ര അവളെ താഴെയിറക്കിപ്പിക്കാൻ ശ്രമിച്ചു.

 

“ഹോ.. വേറെ ഒന്നും കൊണ്ടല്ല കേട്ടോ… താരകുട്ടീ, എന്റെ അനിയത്തികുട്ടിയെ കണ്ടിട്ട് വളരെയധികം നാളുകളായില്ലേ… ഇപ്പോൾ ഇവളെ കണ്ടതിന്റെ സന്തോഷത്തിൽ ചെയ്തു പോയതാ…?.”

സിതാരയെ താഴെയിറക്കി കൊണ്ട് ജിത്തു പറഞ്ഞു.

 

“മ്മ്.. മ്മ് ശെരി ശെരി…! എന്റെ അമ്മേ…! എന്റെ നടു… പൊളിഞ്ഞു. ഇനി ഇങ്ങനെയൊന്നും എന്നോട് കാണിക്കല്ലേ ജിത്തുവേട്ടാ.. പ്ലീസ്..?? വേണേൽ ഏട്ടൻ ഈ കസർത്തു ദാ ഈ പൊട്ടിക്കാളിയോട് കാണിച്ചോ…”

സിതാര മിത്രയെ ഉദ്ദേശിച്ചു കൊണ്ട് അവനോട് അപേക്ഷിച്ചു.

 

“എന്തോ എങ്ങനേ ??? ആരാടി പോത്തേ പൊട്ടികാളി.. ങ്ങേ…! ” മിത്ര അത് കേട്ട് ചൂടായിക്കൊണ്ട് അവളെ തല്ലാനെന്നവണ്ണം അവളുടെ മുന്നിലേക്ക് ചെന്നുനിന്നു.

 

എന്നിട്ട് രണ്ടുപേരും കുറച്ച് നേരം മുഖത്തോട് മുഖം നോക്കിനിന്നു… ജിത്തുവിനും മറ്റുള്ളവർക്കും ആകെ സംശയമായി. ഇനി രണ്ടുപേരും അടിക്കുള്ള പുറപ്പാടാണോ ???.

 

പെട്ടന്നു അവർ രണ്ടുപേരും ഗൗരവഭാവം വെടിഞ്ഞു.. എന്നിട്ട് രണ്ടുപേരും ഒരു കൂട്ട ചിരിയായിരുന്നു അവിടെ. പരസ്പരം കെട്ടിപിടിച്ചു കൊണ്ട്, രണ്ടു പേരും അങ്ങോട്ടുമിങ്ങോട്ടും കവിളിൽ ഓരോ മുത്തം കൊടുത്തു.

 

“അയ്യേ ഇതെന്ത് പിള്ളേര്… ഷെയിം ഷെയിം പപ്പി ഷെയിം..” അത് കണ്ട്, ജിത്തു അവരെ കളിയാക്കി.

 

“എന്താ അനിയത്തിക്കും ചേട്ടത്തിക്കും പരസ്പരം കെട്ടിപിടിച്ച് ഓരോ ഉമ്മ കൊടുത്താല് ??? എന്തേ വല്ല പ്രശ്നവും ഉണ്ടോ മിസ്റ്റർ.അഗ്നിജിത്ത്??? ”

 

“ഏയ്യ്.. ഒരു കുഴപ്പവുമില്ല… യൂ കണ്ടിന്യൂ… ഞാൻ ഒരു കുഴപ്പത്തിനുമില്ലേ ??” അഗ്നിമിത്ര കണ്ണുരുട്ടി പേടിപ്പിച്ചപ്പോൾ, ജിത്തു ആയുധം വെച്ച് കീഴടങ്ങി.

 

അതോടെ അവിടെ ഒരു കൂട്ടചിരിയുയർന്നു.