✨️❤️ശാലിനിസിദ്ധാർത്ഥം 5❤️✨️ [??????? ????????] 229

 

ആ കാറിന്റെ നല്ല രീതിയിലുള്ള ഇരമ്പൽ ശബ്ദം, അവരുടെ വീടിനടുത്തേക്ക് ഒഴുകിവരുന്നത് കേൾക്കാനുമുണ്ട്.

 

“അച്ഛാ അത് അവരാണെന്നു തോന്നുന്നു.

ഗേറ്റ് തുറന്നോളൂ…” സിദ്ധാർഥ് അൽപ്പം ആവേശത്തോടുകൂടി തന്നെ പറഞ്ഞു.

 

“മ്മ് ശെരി…” റാം, ഉടനെതന്നെ സിറ്റൗട്ടിലെ ചുവരിലുണ്ടായിരുന്ന സ്വിച്ച് ബോർഡിലെ ചുവന്ന സ്വിച്ചമർത്തിയതും വീടിന്റെ മെയിൻ ഗേറ്റ് ഇരുവശത്തേക്കും തുറന്നു വന്നു.

 

അപ്പോൾ താൻ ഫാസ്റ്റ് & ഫ്യൂരിയസ് സിനിമകളിൽ കണ്ടിട്ടുള്ളത് പോലെയുള്ള ഒരു റെഡ് കളർ ഡോഡ്ജ്, ഹെഡ്ലൈറ്റും തെളിയിച്ചു കൊണ്ട് തുറന്ന ഗേറ്റ് കടന്ന് വരുന്നതാണ് സിദ്ധാർഥ് കണ്ടത്.

 

കാർ ഗേറ്റും കടന്നു അവരുടെ മുന്നിൽ വന്നു നിന്നു.

“എടീ ഭാമേ, സിതാര മോളേ… ഇതാരാ വന്നിരിക്കുന്നതെന്നു നോക്കിയേ…”

അത്രയും പറഞ്ഞിട്ട് റാമും, സിദ്ധുവും മുറ്റത്തേക്കിറങ്ങി.

 

കാറിന്റെ ഇടത് ഫ്രണ്ട് ഡോർ തുറന്ന് പുറത്തേക്കിറങ്ങിയ സ്ത്രീ രൂപത്തെ കണ്ട് റാമും, സിദ്ധുവും ആദ്യം

തെല്ലൊന്നു അമ്പരന്നു.

ഡോർ അടച്ചിട്ട്, അവൾ അവരുടെ അടുത്തേക്ക് വന്നു.

 

“മിത്രമോളേ… നീ ഈ കോലത്തിലായോ…??? ” റാം, മിത്രയെ അടിമുടി സ്കാൻ ചെയ്തു കൊണ്ട് ചോദിച്ചു.

“ഹായ് പപ്പാ.. സുഖമല്ലേ ??? അവൾ പുഞ്ചിരിച്ചു കൊണ്ട് ചോദിച്ചു.

 

” സുഖമാണ് മോളേ…” മോൾ എപ്പോൾ എത്തി നാട്ടിൽ ??? റാം തിരികെ

കുശലമന്വേഷിച്ചു…

“ഇന്ന് രാവിലെ ആറ് മണിക്ക് ഇവിടെയെത്തി പപ്പാ…”

 

“മൂന്ന് വർഷം കൊണ്ട് നീ ആളാകെ മാറിപ്പോയല്ലോ മോളേ…”

 

“ഹും എങ്ങനെ മാറാതിരിക്കും. ഫോറിനിൽ അല്ലായിരുന്നോ…. മുടിയുടെ ആ കോലം കണ്ടാൽ അറിയാം.” സിദ്ധാർഥ് മുറുമുറുത്തു.

 

അപ്പോഴാണ് മിത്ര, റാമിന്റെ അടുത്ത് നിൽക്കുന്ന മുടി നീട്ടിവളർത്തിയ, കണ്ണട ധരിച്ച ഒരു ചുള്ളൻ ചെക്കനെ കണ്ടത്…

 

“ആഹാ ഇതാരാ…??? ആളെ അങ്ങോട്ട് മനസിലായില്ലല്ലോ…”

അവൾ സിദ്ധുവിനോടായി ചോദിച്ചു.

 

“ഹും വെറുതെ കളിക്കല്ലേ എന്നോട്….

എവിടായിരുന്നു ഇത്രയും നാള്.. അച്ഛനും ചേച്ചിയും പറയാറുണ്ട്‌… എപ്പോഴൊക്കെ ഫോണിൽ വിളിക്കുമ്പോഴും എന്നെ തിരക്കാറുണ്ടെന്ന്…” അവൻ തന്റെ സങ്കടം മറച്ചു വെച്ചില്ല.