✨️❤️ശാലിനിസിദ്ധാർത്ഥം 5❤️✨️ [??????? ????????] 229

 

“അങ്ങനെയൊന്നും എന്നെ കളിയാക്കണ്ട… എന്റെ സ്രഷ്ടാവാണ് ഈ ഇരിക്കുന്നത്. ഇങ്ങേര് പറയും ഞാൻ എന്ത് വേണമെന്ന്… പറയൂ സർ ഞാൻ എന്ത് ചെയ്യണം….” ആമി , ജിത്തുവിനോട് ചോദിച്ചു.

 

“എന്തായായാലും മിത്ര പറയുന്നത് നീയങ്ങു കേൾക്കുക…അത്ര തന്നെ. കാരണം, ഇവിടെ ജംഗ്ഷനിൽ എത്തിയാൽ പിന്നെ എങ്ങോട്ടാ പോകേണ്ടതെന്ന് നിനക്ക് അറിയാമോ ???

ജിത്തു ചോദിച്ചു.

 

“ഹേയ് ഇല്ല…” ആമി മറുപടി നൽകി.

 

 

അപ്പോൾ എന്താ വേണ്ടത്, ജംഗ്ഷനിൽ എത്തുമ്പോൾ നീ ഡ്രൈവിംഗ് മോഡ് മാനുവൽ മോഡിലേക്ക് മാറ്റുക.. മിത്ര കാറ് ഓടിക്കട്ടെ… നീ റൂട്ടൊക്കെ പഠിച്ചാൽ, നെക്സ്റ്റ് ടൈം നീ തന്നെയായിരിക്കും ഡ്രൈവ് ചെയ്യുന്നത്… കേട്ടോ. ” ജിത്തു ആമിയെ സമാധാനിപ്പിച്ചു.

 

“ഓക്കേ തേങ്ക്സ്… ജിത്തുവണ്ണാ…? ശേ അല്ല സർ.? ” അത്രയും പറഞ്ഞു കൊണ്ട് അമേലിയ അഥവാ ആമിയെന്ന അവരുടെ പേർസണൽ എ ഐ, അവളുടെ ജോലി തുടർന്നു.

 

അവരുടെ ഡോഡ്ജ് കാർ, മെയിൻ സെൻട്രൽ റോഡിലൂടെ ചീറിപ്പാഞ്ഞു പോയി.

 

” എന്നാലും ഇവൾ ഇത്ര കിടിലം ആവുമെന്ന് ഞാൻ കരുതിയില്ല കേട്ടോ ജിത്തൂ…. ” മിത്ര, കോ ഡ്രൈവർ സീറ്റിൽ

റിലാക്സ് ചെയ്തു കൊണ്ട് ജിത്തുവിനോട് പറഞ്ഞു.

 

ഹാ ഹാ അതാണ് എന്റെയും എന്റെ പിള്ളേരുടെയും കഴിവ്… നീ മാർവെൽ കോമിക്സിലെ അയൺ മാന്റെ എ ഐ; ജാർവിസ്, ഫ്രൈഡേ എന്നൊക്ക കേട്ടിട്ടുണ്ടോ….???

 

ആഹ് ഉണ്ട്‌ ഉണ്ട്‌… ‘ആർമർ വാർ’ സിനിമയിലെ നായകനായ ടോം ക്രൂസിന്റെ അയൺ മാനെ അസ്സിസ്റ്റ്‌ ചെയ്യുന്നത് ജാർവിസും ഫ്രൈഡേയുമല്ലേ ?… അറിയാം…

അതും കണ്ടോണ്ടാണ് അമേലിയയെ, നീയും നിന്റെ കൂട്ടരും നിർമിച്ചതെന്നും അറിയാം. ”

 

“പിന്നെ ഇത്രയൊക്കെ അറിയാമെങ്കിൽ നീയെന്തിനാടി പൊട്ടി, ഇതൊക്കെ ചോദിക്കുന്നേ…” അവൻ അവളുടെ തലയ്ക്കൊരു കൊട്ട് കൊടുത്തു.

“ഈൗ…. ? ചുമ്മാ ഒരു രസം ”

അവൾ ഇളിച്ചു കാണിച്ചു.

 

“മാഡം, ജംഗ്ഷൻ എത്തി… മാനുവൽ മോഡിലേക്ക് ഷിഫ്റ്റ്‌ ചെയ്യട്ടെ ???

ആമി അത് ചോദിച്ചപ്പോഴാണ് തങ്ങൾ ജംഗ്ഷനിലെ ട്രാഫിക് സിഗ്നലിൽ വെയ്റ്റിംഗിലാണെന്ന കാര്യം ശ്രദ്ധിച്ചത്….

 

പ്രദ്യോതനപുരം ജംഗ്ഷനൊരു നാൽകവലയാണ്…. നാലുസൈഡിലേക്കും പോകുന്ന റോഡിന്റെ ഇരുവശങ്ങളിലും ധാരാളം കടകളും, സ്വകാര്യ സ്ഥാപനങ്ങളും മറ്റുമെല്ലാം നിരനിരയായി നിലകൊള്ളുന്നുണ്ടായിരുന്നു… ഒരു റോഡ്, നാഷണൽ ഹൈവേയിലേക്കും, മറ്റൊരു റോഡ്, ലോക്കൽ റോഡിലെക്കും പിന്നെ ബാക്കിയുള്ളത് എം സി റോഡുമായിരുന്നു. വളർന്നു വരുന്ന ഒരു ചെറുപട്ടണമാണ് ഇന്നത്തെ പ്രദ്യോതനപുരം.