✨️❤️ശാലിനിസിദ്ധാർത്ഥം 5❤️✨️ [??????? ????????] 229

 

നീ ഇങ്ങോട്ടൊന്നു വന്നേ. ഞാൻ ഇന്ന് വൈകിട്ട് സംഭവിച്ചത് എന്താണെന്നു കാണിച്ചു തരാം. അതിന് മുൻപ് ഇവിടെ ബാക്കിയുള്ളവർ പൂന്തോട്ടത്തിൽ ആണോ എന്ന് നോക്കിയേ.. ” ജിത്തു അവളെയും കൊണ്ട് മുറിയിലേക്ക് വന്നു.

 

മിത്ര ഉടനെ തന്നെ ടെറസിൽ ചെന്നിട്ട് പൂന്തോട്ടത്തിന്റെ ഭാഗത്തേക്ക്‌ നോക്കി.

അവിടെയതാ സിദ്ധുവും, താരയും അവരുടെ അച്ഛനമ്മമാരോടൊപ്പം പൂന്തോട്ടത്തിലെ രണ്ടു കൽ ബെഞ്ചുകളിൽ പരസ്പരം അഭിമുഖമായിട്ടിരുന്നു കൊണ്ട് സിദ്ധാർഥിന്റെ അഡ്മിഷനെ കുറിച്ച് സംസാരിക്കുകയാണ്.

 

മിത്ര ഉടനെ തന്നെ ജിത്തുവിന്റെ അടുത്തേക്ക് ചെന്നു. അവൻ അപ്പോഴേക്കും ലാപ്ടോപ്പ് ഓൺ ചെയ്ത്, അവന്റെ വാച്ച് ലാപ്ടോപ്പുമായി കണക്റ്റ് ചെയ്തിരുന്നു.

“എന്താ അവര് പുറത്താണോ…??? ” അഗ്നിജിത്ത് അവളോട് ചോദിച്ചു.

 

” മ്മ്….അതെ. അവര് പൂന്തോട്ടത്തിലെ ബെഞ്ചിലിരുന്നു അഡ്മിഷനെ കുറിച്ച് സംസാരിക്കുകയാണ്… ”

 

“നല്ലത്.. അപ്പോൾ അവര് ഇപ്പോഴൊന്നും തിരികെ വരില്ല…” ജിത്തു, അതും പറഞ്ഞു കൊണ്ട് ജിത്തു വാച്ച് റെക്കോർഡ് ചെയ്തിരുന്ന ആ വീഡിയോ പ്ലേ ചെയ്തു….

 

സിദ്ധാർഥ് ജിത്തുവിനോട് കാറിനെ കുറിച്ചുള്ള സംശയങ്ങൾ ചോദിക്കുന്നതും, ജിത്തു അതിനു മറുപടി പറയുന്നതുമെല്ലാം അവൾ സൂഷ്മതയോടെ നോക്കികൊണ്ടിരുന്നു.

 

എന്നാൽ വിഡിയോയിൽ ജിത്തു ആമി എന്ന് പറഞ്ഞ നിമിഷം മുതൽ സിദ്ധാർഥിനുണ്ടായ മാറ്റങ്ങൾ അൽപ്പം ഭയത്തോടെയാണ്, അവൾ നോക്കി കണ്ടത്…

 

വീഡിയോ അവസാനിച്ചപ്പോൾ; മിത്ര ദീർഘനിശ്വാസം വിട്ടുകൊണ്ട് പറഞ്ഞു : അതല്ലേ ഞാൻ പറഞ്ഞത്… സിദ്ധാർഥ് ആ കോളേജിൽ പഠിക്കുന്നത് ശെരിയാവില്ല.

 

അങ്ങനെയല്ല.. ഞാൻ അവനെ ആ കോളേജിൽ വിടണം എന്നുതന്നെ പറയാൻ കാരണമുണ്ട്…. നീ, സിദ്ധു അങ്ങനെ പ്രതികരിക്കാൻ കാരണമായത് എന്താണെന്നു ശ്രദ്ധിച്ചോ…

 

“ങ്ങാ.. ഞാൻ ശ്രദ്ധിച്ചിരുന്നു.. നീ ആമി എന്ന് പറഞ്ഞപ്പോഴല്ലേ, അവൻ അങ്ങനെ പ്രതികരിച്ചത്.. ”

 

അതെ… നീ അവനെ റൂമിൽ വെച്ച് കണ്ടപ്പോൾ വേറെ ചില കാര്യങ്ങൾ കൂടെ അവനു സംഭവിച്ചിരുന്നു…

 

“എന്ത്…” ??? മിത്ര, ചിന്താകുലമായ മനസ്സോടെ അവനോട് ചോദിച്ചു.

 

“രണ്ടു കാര്യങ്ങൾ…

ഒന്ന്.. അവന്റെ അബോധമനസിലെ ഓർമകളെ ട്രിഗ്ഗർ ചെയ്യുന്ന വാക്കുകളും

 

രണ്ട്.. അവൻ ഉറങ്ങുമ്പോൾ പോലും അവന്റെ മറ്റേ പേഴ്സണാലിറ്റി, അതിമാനുഷ് ഉണർന്നിരിക്കുന്നു. തന്മൂലം അവനു ചുറ്റും സംഭവിക്കുന്നത് എല്ലാം അവൻ അറിയുന്നു. ”

 

അപ്പോൾ അതാണോ ഇവിടെ സംഭവിച്ചിരിക്കുന്നത്.