✨️❤️ശാലിനിസിദ്ധാർത്ഥം 5❤️✨️ [??????? ????????] 229

 

” ശേ എന്താ സിദ്ധു… ഇത്‌. അതൊന്നും സാരമില്ല. ” തന്റെ ഞെട്ടൽ വിട്ടുമാറാതെയിരുന്ന ജിത്തു അവനെ സമാധാനിപ്പിച്ചു. എന്നിട്ട് തന്റെ ഷർട്ടിന്റെ കോളർ നന്നാക്കി വെച്ചു.

 

അപ്പോഴാണ്, വീടിന്റെ ഗേറ്റ് തുറന്നുകൊണ്ട് റാംചന്ദ്രൻ കൈയിലൊരു പൊതിയുമായി അവിടേക്ക് കേറി വന്നത്.

 

” ഏതാ മുല്ലപ്പൂ മാലയാണോ പപ്പാ ഇത്‌ ? ”

മിത്ര, റാമിന്റെ കൈയിലിരുന്ന പൊതി കണ്ട് സംശയത്തോടെ ചോദിച്ചു.

 

” അതെ മോളെ… നിങ്ങൾക്ക് വേണ്ടത് എടുത്തിട്ട് ബാക്കി താ… ഭാമയ്ക്കും വേണമല്ലോ ” റാം, അത് മിത്രയുടെ കൈയിൽ കൊടുത്തു.

 

മിത്രയാകട്ടെ, അവൾക്കും സിതാരയ്ക്കും വേണ്ടത് എടുത്തിട്ട് ബാക്കി റാമിന് തിരികെ കൊടുത്തു.

റാം അതുമായി വീട്ടിനകത്തേക്ക് പോയി.

 

“ഏട്ടാ, ഇങ്ങോട്ടൊന്നു വന്നേ… ഈ മാലയൊന്നു മുടിയിൽ ചൂടി തരുമോ. ”

സിതാരയ്ക്ക് വേണ്ട മാല കൊടുത്തിട്ട് അഗ്നിമിത്ര, അഗ്നിജിത്തിനെയും വിളിച്ചു കൊണ്ട് പൂന്തോട്ടത്തിനടുത്തേക്ക് പോയി.

 

 

” എടാ എന്താ സംഭവിച്ചേ എനിക്കുണ്ടായ അനുഭവം തന്നെയാണോ നിനക്ക് ഉണ്ടായത്…” മുടിയിൽ മാല ചൂടിയതിനു ശേഷം ജിത്തുവിനോട് അവൾ ചോദിച്ചു.

 

“അതെ.. നീ പറഞ്ഞത് പോലെ തന്നെ സംഭവിച്ചു. പക്ഷേ ഇത്തവണ അവന്റെ സ്വരത്തിലും ഭാവത്തിലും അൽപ്പം കൂടുതൽ മൂർച്ചയുണ്ടായത് പോലെ തോന്നി. എല്ലാം ഞാനെന്റെ വാച്ചിൽ റെക്കോർഡ് ചെയ്ത് വെച്ചിട്ടുണ്ട്. ”

 

ജിത്തു, അവന്റെ ഇടതു കൈത്തണ്ടയിലെ സിറ്റിസൺ ബ്രാൻഡ് വാച്ച് അവൾക്ക് കാട്ടികൊടുത്തു.

 

” ഹ്മ്മ്.. അപ്പോൾ അവൻ എന്തെങ്കിലും കേട്ടപ്പോഴായിരിക്കും കൂടുതൽ പ്രതികരിച്ചത്…” മിത്രയ്ക്ക് എന്തൊക്കെയോ പിടികിട്ടി.

 

” അതെ എന്തായാലും ഇന്ന് രാത്രി നോക്കാം…” അഗ്നിജിത്ത് ഒന്നുനിർത്തിയിട്ട് അഗ്നിമിത്രയെ അടിമുടി നോക്കി. അഗ്നിമിത്രയും ജിത്തുവിനെപോലെ അതെ കളർ പാറ്റേനിലുള്ള സാരിയാണ് ഉടുത്തിരുന്നത്.

 

കണ്ണുകളിൽ കൺമഷിയെഴുതിയിട്ടുണ്ട്.

അവൾ കാതിലും കഴുത്തിലും ധരിച്ചിരിക്കുന്ന, കഴിഞ്ഞ ജന്മദിനത്തിന് അവൻ അവൾക്കു വാങ്ങിനൽകിയ പ്ലാറ്റിനത്തിന്റെ ആഭരണങ്ങൾ, അവളുടെ സൗന്ദര്യത്തിന് മാറ്റുകൂട്ടി.

 

 

അഗ്നിജിത്ത് അവളുടെ കണ്ണുകളിലേക്ക് നോക്കി കൊണ്ട് മൊഴിഞ്ഞു :

പിന്നേയ്… നീ ഇപ്പോഴാണ് സുന്ദരിയായത് കേട്ടോ…?”

അത് കേട്ട് അവളുടെ മുഖം നാണത്താൽ മൂടി. ☺️