✨️❤️ശാലിനിസിദ്ധാർത്ഥം 5❤️✨️ [??????? ????????] 229

 

“Yes Sir…! Command Proceed.” അതോടെ ആ കാറിന്റെ ഹെഡ്ലൈറ്റ് കളർ ചുവപ്പിൽ നിന്നു മഞ്ഞയായി മാറി.

 

” Wow… സൂപ്പർ ഐറ്റം. ഇതിന്റെ പേരെന്തുവാ ഈ എ ഐ’യുടെ…???

 

“ആഹാ നിനക്ക് എങ്ങനെ മനസിലായി.. ഇത്‌ ആർട്ടിഫിഷ്യൽ ഇന്റലിജിൻസ് ആണെന്ന്…” ജിത്തു, സിദ്ധാർഥിന്റെ മുഖത്തേക്ക് ആശ്ചര്യത്തോടെ നോക്കി.

 

ഹി ഹി ഞാൻ ഒരു പുലിയാണ്….? ഇതിന്റെ പേര് പറ… ജിത്തുവേട്ടാ.

 

” ഇവളുടെ പേരാണ് അമേലിയാ… അഥവാ ആമി എന്ന് ചുരുക്കിവിളിക്കും….”

 

 

“എന്താ പറഞ്ഞേ.. ഒന്നുകൂടി…” ജിത്തു പറഞ്ഞത് കേട്ട സിദ്ധാർഥിന്റെ പ്രതികരണം അവിശ്വസനീയമായ രീതിയിലേക്ക് മാറി. അവന്റെ സ്വരം കൂടുതൽ പരുഷമായി… അതോടെ അവൻ അവന്റെ ചുറ്റുമുള്ളതെല്ലാം തലചരിച്ചു നോക്കാൻ തുടങ്ങി… ഇതെല്ലാം ജിത്തു ശ്രദ്ധിക്കുന്നുണ്ടായിരുന്നു.

 

‘ ദൈവമേ മിത്ര പറഞ്ഞഅവസ്ഥയിലാണല്ലോ ഇപ്പോൾ സിദ്ധാർഥ്. എന്തായാലും നേരിട്ട് നോക്കാം.’ അതിനിടയിൽ സിദ്ധാർഥിന്റെ മടക്കിയ ഇരു കൈമുഷ്ടികളുടെയും കരുത്ത് കൂടി കൂടി വരുന്നതായി അവൻ കണ്ടു.

 

“ആമി… എന്നാണ് അവളുടെ പേര്.. ”

ജിത്തു എന്തും നേരിടാൻ തയ്യാറായി കൊണ്ട് മറുപടി നൽകി.

 

“എന്താടാ നീ പറഞ്ഞത്… എന്റെ പെണ്ണിന്റെ പേര് പറയാൻ നിനക്ക് അവകാശമില്ല. ഈ ആദിയെ നിനക്ക് ശെരിക്കറിയില്ല… “ ജിത്തുവിന്റെ മറുപടി കേട്ടതും,

അവൻ ജിത്തുവിന് നേരെ പാഞ്ഞു വന്നു. എന്നിട്ട് അഗ്നിജിത്തിന്റെ ഷർട്ടിൽ കുത്തിപിടിച്ചു കൊണ്ട് തീക്ഷണമായ കണ്ണുകളാൽ നോക്കികൊണ്ട് ചോദിച്ചു.

 

” സിദ്ധാർഥ് ….” പെട്ടന്നാണ് അഗ്നിമിത്ര, അവന്റെ പേർ വിളിച്ചു കൊണ്ട് അവിടേക്ക് വന്നത്.

” അച്ചൂട്ടാ, എന്താടാ അവിടെ…” അഗ്നിമിത്രയുടെ കൂടെയുണ്ടായിരുന്ന സിതാര ചോദിച്ചു.

 

” ഹാ.. എന്താ ചേച്ചി..??? ” താരയുടെ സ്വരം കേട്ടതും അവൻ സിദ്ധാർഥിന്റെ ബോധത്തിലേക്ക് തിരിച്ചുവന്നു.

 

” നീയെന്താടാ ജിത്തുവേട്ടന്റെ ഷർട്ടിൽ കാണിച്ചു വെച്ചേക്കുന്നത്…” സിദ്ധാർഥിന്റെ അടുത്തെത്തിയ സിതാര അവന്റെ ചെവിയിൽ നുള്ളിക്കൊണ്ട് ചോദിച്ചു.

 

അപ്പോഴാണ് സിദ്ധാർഥ് അത് ശ്രദ്ധിച്ചത്…

ജിത്തുവിന്റെ ഷർട്ടിന്റെ കോളർ ചുളുങ്ങി നാശമായിരിക്കുന്നു.

 

” അയ്യോ…! സോറി ചേട്ടാ… ഞാൻ എന്താ ഈ ചെയ്തേ…” എന്ന് ക്ഷമാപണം നടത്തികൊണ്ട് സിദ്ധാർഥ് തന്നെ ആ കോളർ ശെരിയാക്കാൻ ശ്രമിച്ചു.