✨️❤️ശാലിനിസിദ്ധാർത്ഥം 5❤️✨️ [??????? ????????] 229

“ശേ നീ പ്രൈവസി ലോക്കർ ഡിവൈസും എടുത്ത് ഒട്ടിച്ചോ… ഇനി ഞാനായിട്ട് എന്തിനാ വെറുതെ ഇരിക്കുന്നത്…”

 

മിത്ര എന്നിട്ട് തന്റെ ഫോണെടുത്ത് അതുമായിട്ട് പെയർ ചെയ്തിരുന്ന ആ ഡിവൈസുകളുടെ എഫിഷൻസി ലെവൽ 100% ആക്കി വെച്ചു.

ഇനി ആ റൂമിൽ ആരെന്തു പറഞ്ഞാലും പുറത്തുള്ളവർ അത് കേൾക്കില്ല. പിന്നെ അവിടെ ഫുൾ പ്രൈവസി മൂഡ്‌ ആയിരിക്കും.

 

“ഗുഡ് ഗേൾ… ഇനി ഇങ്ങോട്ട് വാടീ… നമ്മൾക്ക് രണ്ടു പേർക്കും ഒരുമിച്ചു കുളിക്കാം. ജിത്തു മിത്രയെ പൊക്കിയെടുത്തുകൊണ്ട് ബാത്‌റൂമിലേക്ക് കേറി….

 

“എടാ തുണി എടുത്തില്ല…?”

 

“ഓ.. എന്തെര് തുണി… അതിന്റെയൊന്നും ആവശ്യമില്ലല്ലോ. ഫുൾ പ്രൈവസി അല്ലേ..

ഇനി നിന്നെ ഞാൻ കൊന്നാൽ പോലും ആരും അറിയില്ല…?”

 

” ഞാൻ തനിയെ കുളിച്ചോളാം…

എനിക്ക് നിന്റെ സഹായമൊന്നും വേണ്ടാ…?”

 

” എടീ… നിന്നെ ഞാൻ…? എന്റെ കണ്ണിൽ സോപ്പും തേച്ചിട്ട് ഇരുന്നു കിണിക്കുന്നോ. മാന്യമായിട്ട് കുളിക്കാനും സമ്മതിക്കില്ലേ…?”

 

“ഹൌ… ദുഷ്ടൻ…? എനിക്ക് വേദനിക്കുന്നു. നുള്ളല്ലേ ചെറുക്കാ…”

 

ഇങ്ങനെ ആ റൂമിൽ, പുറത്തുനിന്നു ആർക്കും കേൾക്കാൻ സാധിക്കാത്ത വിധത്തിലുള്ള സംസാരങ്ങളും മറ്റും

ഷവറിലെ ജലം പതിക്കുന്നതിനോടൊപ്പം ഉയർന്നു കേട്ടു കൊണ്ടിരുന്നു….

 

***************************************************

 

” ഈ പിള്ളേര് ഇതെവിടെ പോയിരിക്കുവാ. സമയം അഞ്ചര കഴിഞ്ഞല്ലോ. സിദ്ധു… മിത്രേ, താരാ, ജിത്തൂ… ഇറങ്ങിവാ സമയം കുറെയായി…” താഴെ സ്റ്റേയർ കേസിനടുത്തു നിന്നുകൊണ്ട് സത്യഭാമ അവരെ വിളിച്ചു.

 

അവൾ വളരെ നന്നായി കസവ് സാരിയുടുത്ത്, അമ്പലത്തിൽ പോകാൻ തയ്യാറായി നിൽക്കുകയാണ്.

 

“ദാ വരുന്നു അമ്മേ… ” സിദ്ധാർഥ്, സ്റ്റേയർകേസിന്റെ പടികൾ ചാടിയിറങ്ങി കൊണ്ട് വന്നു. പിന്നാലെ അഗ്നിജിത്തും അവിടേക്ക് ഇറങ്ങി വന്നു.

ഒരു ക്രീം കളർ ഷർട്ടും കസവുമുണ്ടുമാണ് അവന്റെ വേഷം. ജിത്തുവാകട്ടെ, മയിൽ‌പീലി പ്രിന്റുള്ള വൈറ്റ് ഷർട്ടും കറുത്ത കരയുള്ള മുണ്ടുമാണ് ധരിച്ചിരുന്നത്.

 

” എന്തിയേ .. മിത്രയും, സിതാരയും…???

 

“അമ്മേ, അവര് സാരിയുടുക്കുന്നതിന്റെ ഭഗീരഥ പ്രയ്ത്നത്തിലാണിപ്പോൾ…” സിദ്ധാർഥ്, ചിരിയടക്കി കൊണ്ട് പറഞ്ഞു.