✨️❤️ശാലിനിസിദ്ധാർത്ഥം 5❤️✨️ [??????? ????????] 229

 

പുറമേ നിന്നു നോക്കിയാൽ, കാറിന്റെ നിറം പൊടുന്നനെ വൈറ്റ് കളറിൽ നിന്നും നല്ല കടുംചുവപ്പ് നിറമായി മാറി… കാറിന്റെ ഹെഡ്ലൈറ്റിന്റെ പ്രകാശം ഇളം നീലയിൽ നിന്ന് ഇളം ചുവപ്പ് നിറമായി മാറി.

 

“ആഹാ… സൂപ്പർ…. ? പൊളി ! ഇങ്ങനെ ചാരികിടക്കാൻ എന്ത് സുഖമാണല്ലേടി… ” ജിത്തു സീറ്റിൽ ചാരികിടന്നു കൊണ്ട് മിത്രയോട് ചോദിച്ചു.

എന്നാൽ അവളിൽ നിന്ന് യാതൊരു പ്രതികരണവുമില്ലായിരുന്നു. കടന്നൽ കുത്തേറ്റത് പോലെ അവൾ, അവനു നേരെ നോക്കാതെ മുഖവും വീർപ്പിച്ചിരിരുന്നു.

 

“എടീ, നിന്നോടാ ചോദിച്ചേ ???… നീ എന്താ ഒന്നും മിണ്ടാത്തത്… ” അവൻ തന്റെ ചോദ്യം വീണ്ടുമാവർത്തിച്ചു.

 

“പോടാ… എന്റെ വാക്കിന് വിലകൽപ്പിക്കാത്ത നിന്നോടെന്തിനാ ഞാൻ സംസാരിക്കുന്നത്… ഹും??. ” അവൾ അപ്പോഴും കലിപ്പിൽ തന്നെയായിരുന്നു.

 

ങ്ങേ..! നിന്റെ വാക്കിന് ഞാൻ വില കൽപ്പിച്ചില്ലെന്നോ…??? ശോ എടീ അത് ഞാൻ അപ്പോഴത്തെ ആ ഒരു മൂഡിൽ പ്രതികരിച്ചതല്ലേ….

 

എന്നാലും നീ അങ്ങനെ പറഞ്ഞപ്പോൾ എനിക്ക് നൊന്തു കേട്ടോ.. അതാ അങ്ങനെ പറഞ്ഞത്… സോറി.. മിത്രാ മാഡം…! അടിയനോട് മാപ്പാക്കണേ ???.

ജിത്തു, അവളോട് പരിഭവിച്ചു.

 

“ഹാ പോട്ടെടാ കുട്ടാ… അതൊന്നും സാരമില്ല. നിന്റെ മനസ്സ് എനിക്ക് അറിയാവുന്നതല്ലേ… ” അവൾ, അവന്റെ പരിഭവം ചിരിച്ചുതള്ളി.

 

“ഹ്മ്മ്… എന്നാ ശെരി അങ്ങനെയാവട്ടെ…” ജിത്തു ഒന്നമർത്തിമൂളി.

 

അപ്പോൾ മിത്ര, എൽ ഇ ഡി ഡിസ്പ്ലേയിലേക്ക് നോക്കി കൊണ്ട് ഇങ്ങനെ പറഞ്ഞു,

“ഹേയ് ആമീ, ഓട്ടോപൈലറ്റ് മോഡ്, പ്രദ്യോതനപുരം ജംഗ്ഷൻ വരെ ആക്റ്റീവായിരുന്നാൽ മതി. ബാക്കിയങ്ങോട്ട് ഞാൻ തന്നെ ഓടിച്ചോളാം കേട്ടോ…”

 

‘ശേ ചേച്ചിയേ അത് അങ്ങനെ മതിയോ ??? ഞാൻ അപ്പോൾ ആശിച്ചതെല്ലാം വെറുതെയായോ, ജിത്തുവണ്ണാ ???…’

 

അത് വരെ ജിത്തുവും മിത്രയും പറഞ്ഞതതെല്ലാം കേട്ടുകൊണ്ടിരുന്ന ആമി, അവരിരുവരോടും പ്രതികരിച്ചു.

 

“അതെന്നതാടി നിന്റെ ആശ???” ജിത്തു ചിരിയടക്കി കൊണ്ട് ചോദിച്ചു.

 

“ഒരു തവണയെങ്കിലും എനിക്ക്, നിങ്ങളെ എത്തിക്കേണ്ട സ്ഥലത്ത് എത്തിക്കാൻ പറ്റിയിട്ടുണ്ടോ… എപ്പോ നോക്കിയാലും എന്നെ കുറച്ച് നേരത്തേക്ക് മാത്രം ഉപയോഗിക്കും എന്നിട്ട് കൃത്യസ്ഥലം എത്താറാകുമ്പോൾ ഡ്രൈവിംഗ് മാനുവൽ മോഡിലേക്ക് മാറ്റുകേം ചെയ്യും. കഷ്ടമുണ്ട് കേട്ടോ… ? ”

 

“അയ്യടി മനമേ… അവളുടെ ഒരു പൂതി. ? ഹ്മ്മ് ഒരു എ ഐയുടെ രോദനം കേട്ടോടാ, ജിത്തു നീ ??? മിത്രയുടെ മുഖത്ത് പുച്ഛം നിറഞ്ഞു.