✨️❤️ശാലിനിസിദ്ധാർത്ഥം 5❤️✨️ [??????? ????????] 229

 

മിത്ര, സിദ്ധുവിന്റെ മുറിയിൽ നിന്ന് ലാപ്ടോപുമെടുത്ത് തിരികെ പോകാനൊരുങ്ങവേയാണ് ; സിദ്ധാർഥ് തന്റെ ഉച്ചയുറക്കം കഴിഞ്ഞ് എഴുന്നേറ്റത്.

 

” ആഹാ മോൻ എഴുന്നേറ്റോ… ചേച്ചി ലാപ്ടോപ് എടുക്കാൻ വന്നതാ… പിന്നെ ഇന്ന് വൈകിട്ട് അമ്പലത്തിൽ പോകണ്ടേ നമ്മൾക്ക്…??? “. സിദ്ധാർഥ് ഉണർന്നത് കണ്ട് അഗ്നിമിത്ര, അവനെ സമീപിച്ചു.

 

എന്നാൽ സിദ്ധാർഥിൽ നിന്ന് യാതൊരു പ്രതികരണവും അവൾക്ക് ലഭിച്ചില്ല.

 

ബെഡിൽ നിന്ന് കണ്ണും തിരുമ്മികൊണ്ട് എഴുന്നേറ്റ അവനു , അഗ്നിമിത്രയെ കണ്ടതോടെ, എന്തോ തലവേദന അനുഭവപ്പെടുന്നതായി തോന്നി. അടുത്ത ക്ഷണം, സിദ്ധു ബാധയേറ്റവനെ പോലെ താഴോട്ട് തലചരിച്ച് അവളെ വല്ലാത്തൊരു തീക്ഷണമായ നോട്ടത്തോടെ നോക്കി നിന്നു.

 

“സിദ്ധു… സിദ്ധാർഥ്…! എന്താ നിനക്ക് പറ്റിയേ …??? ”

 

തന്റെ കൈയിലിരുന്ന ലാപ്ടോപ്പ്,

മാറോടടുക്കി പിടിച്ചിട്ട് മറുകൈ കൊണ്ട് സിദ്ധാർഥിനെ ചുമലിൽ പിടിച്ചു കുലുക്കി വിളിക്കാൻ ശ്രമിച്ചു.

 

പക്ഷേ മിത്ര, അവന്റെ ചുമലിൽ തൊട്ടതും….

 

” മാറിനില്ലടി…! നീയാരാ എന്നെ തൊടാൻ…. നീയെന്റെ റൈറ്റിംഗ് ബോർഡിൽ തൊടും അല്ലേടീ….”

 

മിത്രയുടെ നേർക്ക് ആക്രോശിച്ചു കൊണ്ട് നടന്നുവന്ന അവൻ മിത്രയെ തന്റെ വെറും കൈകൾ കൊണ്ട് പിടിച്ചുതള്ളി….!

 

പുറകിലേക്ക് വേച്ചുപോയ മിത്ര, വീഴാതെ നിന്നു എന്നിട്ട് അവന്റെ മുഖത്തേക്ക് വളരെയധികം ഭയത്തോട് കൂടി നോക്കി…

സിദ്ധുവിന്റെ ശ്രീത്വമുള്ള മുഖത്തിന്‌ പകരമവൾ അവിടെ കണ്ടത് സാക്ഷാൽ ചെകുത്താന്റെ മുഖം തന്നെയായിരുന്നു.

 

 

” സി.. സിദ്ധു.. മോനെ ” അവൾ വിറച്ചു വിറച്ച് അവനെ വിളിച്ചു..

 

” ആരെയാടി നീ വിളിക്കുന്നത്… ഞാൻ സിദ്ധാർഥ് അല്ല ” സിദ്ധാർഥ് ദേഷ്യം പൂണ്ട് അലറി.

അവളൊന്നു ഞെട്ടി. അവൾ ധൈര്യം വീണ്ടെടുത്തു കൊണ്ട് ചോദിച്ചു :

 

” അപ്പോൾ നീ ആരാണ്..? ”

 

” ഞാൻ… അതിമാനുഷ്… അതിമാനുഷ് ദേവദത്ത് .” അവൻ തന്റെയാ ഐഡന്റിറ്റി വെളിപ്പെടുത്തി.

 

” സിദ്ധു.. മോനേ, നീ എഴുന്നേറ്റോടാ…”

പെട്ടന്ന് സിതാരയുടെ വിളി അവൻ കേട്ടു.