✨️❤️ശാലിനിസിദ്ധാർത്ഥം 5❤️✨️ [??????? ????????] 229

 

അതിന് ശേഷം അഗ്നിമിത്രയും അഗ്നിജിത്തും അവരവരുടെ പെട്ടിയും മറ്റും സിദ്ധാർഥിന്റെയും, സിതാരയുടെയും റൂമുകളിൽ നിന്ന് ആ ബെഡ്റൂമിലേക്ക് മാറ്റി.

 

” ഇനിയാ കവറിങ്ങു താ…” മിത്ര സിതാരയുടെ കൈയിൽ നിന്നു ആ കവറുകൾ വാങ്ങി.

 

” ഈ മുകൾ നിലയിലെ ഏറ്റവും നല്ല കിടപ്പുമുറിയാണിത്…” റൂംമൊക്കെ എങ്ങനെയുണ്ടെന്നു നോക്കികൊണ്ടിരുന്ന അവരോട് റാം വിശദീകരിച്ചു.

 

മറ്റു കിടപ്പുമുറികളിൽ നിന്നു വ്യത്യസ്തമായി വളരെയേറെ സജീകരണങ്ങളുള്ള ഒരു മുറിയായിരുന്നു അത്.

 

റൂം ഡോറിന്റെ ഓപ്പോസിറ്റ് ചുവരിൽ വെന്റിലേറ്ററിനോട് ചേർനൊരു എയർ കണ്ടിഷനറും, ആ റൂമിൽ തന്നെവാർഡ്രോബിനോട് ചേർന്നുതന്നെയൊരു പാർട്ടീഷൻഡ് ഡ്രെസ്സിങ് റൂമും ഉണ്ടായിരുന്നു.

 

മാത്രമല്ല , ആ റൂമിൽ നിന്ന് പുറത്തെ കാഴ്ചകളിലേക്ക് നയിക്കുനൊരു ബാൽക്കണിയുമുണ്ടായിരുന്നു.

റൂമിലാകെ കണ്ണോടിക്കുന്നതിടയിലാണ്

മിത്ര, ബെഡിന്റെ അടുത്തുള്ള ചുവരിൽ തൂക്കിയിട്ടേക്കുന്ന ഒരു ഗിറ്റാർ കാണുന്നത്.

 

” പപ്പാ, ഈ ഗിറ്റാർ ആരുടെയാ…??? സിദ്ധാർഥിന്റെയാണോ ??? “.

 

” അതേ ചേച്ചി…! ഈ ഗിറ്റാർ അച്ചൂട്ടന്റെയായിരുന്നു. അവനു വളരെ പ്രിയപ്പെട്ട ഒരാൾ അവനു ജന്മദിന സമ്മാനമായി നൽകിയതാണ്. ” അത് പറയുമ്പോൾ സിതാരയുടെ സ്വരത്തിൽ വളരെയധികം ദുഃഖം നിറഞ്ഞിരുന്നു.

 

“ആഹാ… അപ്പോൾ നമ്മുടെ സിദ്ധാർഥ് ആള് ചില്ലറക്കാരനല്ല അല്ലേ… ഇതു പോലെ അവനു വേറെയും കഴിവുകൾ ഉണ്ടോ??? ” ജിത്തു, സിതാരയുടെ ആ ഭാവത്തിലും സ്വരത്തിലുമുണ്ടായ മാറ്റം ഗ്രഹിച്ചുകൊണ്ട് അവളെ കൂളാക്കാനായി പറഞ്ഞു.

 

 

” സിദ്ധാർഥ്, ഗിറ്റാർ വായനയിൽ പണ്ട് വളരെയധികം പ്രൈസുകൾ മേടിച്ചിട്ടിട്ടുള്ള ആളാണ് മോനെ…”റാം, ജിത്തുവിന്റെ ചോദ്യത്തെ ശെരിവെച്ചു.

 

” മാത്രമല്ല അവനൊരു ഹാക്റ്റിവിസ്റ്റ്…”

റാം ചന്ദ്രൻ തുടർന്നെന്തോ പറയാൻ വന്നത്, സിതാരയുടെ രൂക്ഷമായ നോട്ടം മൂലം വിഴുങ്ങികളഞ്ഞു.

 

അതോടെ ജിത്തുവിനും മിത്രയ്ക്കും തങ്ങളുടെ നിഗമനം ശെരിയാണെന്നു തന്നെ മനസ്സിലായി.

 

” അയ്യോ, ഏട്ടൻ സിദ്ധുവിന്റെ മുറിയിൽ നിന്ന് ലാപ്ടോപ് എടുത്തില്ലല്ലോ .. ഏട്ടാ ഞാൻ പോയി ലാപ്ടോപ് എടുത്തിട്ട് വരാം.”

അത്രയും പറഞ്ഞിട്ട് മിത്ര, സിദ്ധാർഥിന്റെ മുറിയിൽനിന്ന് അവരുപയോഗിക്കുന്ന ലാപ്ടോപ് എടുക്കാനായി പോയി.