✨️❤️ശാലിനിസിദ്ധാർത്ഥം 5❤️✨️ [??????? ????????] 229

 

 

” ശെരിയമ്മേ…” മിത്ര, എന്നിട്ട് ജിത്തുവിന്റെ അടുത്തേക്ക് ചെന്നു.

 

“എടാ വേഗം കുളിച്ചു റെഡിയാവണമെന്ന് അമ്മ പറഞ്ഞു. അമ്പലത്തിൽ പോകാനുള്ളതല്ലേ. നിനക്ക് എന്തെങ്കിലും ഇമെയിൽ വന്നായിരുന്നോ… നീ ഇമെയിൽ ചെക്ക് ചെയ്യുന്നത് ഞാൻ കണ്ടതാണല്ലോ.”

 

 

“ആഹ് എടീ ഒരു സന്തോഷവാർത്തയുണ്ട്… നമ്മുടെ അരുണേട്ടണില്ലേ, പുള്ളി എനിക്കൊരു ഇമെയിൽ അയച്ചിരുന്നു.”

 

“ആഹാ… എന്താ ഇമെയിലിന്റെ ഉള്ളടക്കം…??? മിത്ര അവനോട് ചോദിച്ചു.

 

“അരുണേട്ടനും നന്ദേടത്തിയ്ക്കും രണ്ടാമതൊരു കുഞ്ഞ് പിറക്കാൻ പോകുന്നുവെന്ന്…! ” അഗ്നിജിത്ത്, അവന്റെ എക്സ്സൈറ്റ്മെന്റ് മറച്ചു വെച്ചില്ല.

 

” ഓ കൊള്ളാമല്ലോ… നല്ലൊരു വാർത്തയല്ലേ ഞാനീ കേൾക്കുന്നത്. നന്ദേടത്തി എപ്പോഴാ പുള്ളിക്കാരനെ ഈ വിവരം അറിയിച്ചത്…???, ശാരദാ ആന്റിയും, നിർമൽ ദീദിയും അറിഞ്ഞോ സംഭവം ??? ” താഴെ പൂന്തോട്ടത്തിൽ പറന്നു നടക്കുന്ന ചിത്രശലഭങ്ങളെ മിത്ര നോക്കിനിന്നു.

 

” ഹ്മ്മ്… എടീ അങ്ങോർ ജസ്റ്റ്‌ ഒരു പാരഗ്രാഫ് മാത്രമാണ് എഴുതി അയച്ചേക്കുന്നത്. ഇനി ബാക്കി കാര്യങ്ങൾ ഒക്കെ അരുണേട്ടനോ അല്ലെങ്കിൽ സുനന്ദേടത്തി തന്നെയോ നമ്മളെ നേരിട്ട് വിളിക്കുമ്പോൾ പറയുമായിരിക്കും. ” ജിത്തുവും പുറത്തേക്ക് നോക്കികൊണ്ട് പറഞ്ഞു.

 

ആഹാ നിങ്ങൾ ഇവിടെ നിൽക്കുകയായിരുന്നോ…! നിങ്ങൾക്ക് മുറിയൊന്നും തുറക്കണ്ടേ പിള്ളേരെ…” പെട്ടന്നു രാം ചന്ദ്രൻ അവിടേക്ക് കേറി വന്നു. കൂടെ ഇരുകൈകളിലുമായി ഓരോ കവർ വീതം തൂക്കിപിടിച്ചു കൊണ്ട് സിതാരയും.

 

” ങ്ഹാ.. പപ്പാ, ഞങ്ങളിവിടെ കുറച്ച് കാര്യങ്ങൾ ചർച്ചചെയ്തു കൊണ്ടിരിക്കുകയായിരുന്നു. ” മിത്ര റാമിനെ കണ്ടു പുഞ്ചിരിച്ചു.

 

“എന്നാ വാ.. നിങ്ങൾക്കുള്ള റൂം തുറന്ന് തരാം.

റാം എന്നിട്ട് അകത്തേക്ക് ചെന്ന് , സിദ്ധാർഥിന്റെയും സിതാരയുടെയും ബെഡ്‌റൂമിനു മദ്ധ്യേയുണ്ടായിരുന്ന മറ്റൊരു ബെഡ്റൂം കൈയിലിരുന്ന താക്കോലുപയോഗിച്ചു തുറന്നു.

 

 

” എടീ താരാ മോളേ നീ ഇവർക്കുള്ള തുണി കൊണ്ടു വന്നോ. എന്തിയേ…??? ” മുറി തുറന്നതിനു ശേഷം റാം, സിതാരയോട് ചോദിച്ചു.

 

“എന്റെ കൈയിലുണ്ട് അച്ഛാ….” സിതാര മറുപടി നൽകി.

 

“എന്നാപ്പിന്നെ അതങ്ങു കൊടുക്ക്…” റാം, അവളോട് പറഞ്ഞു.

 

” നിൽക്ക് പപ്പാ ഞങ്ങളാദ്യം വസ്തുക്കളൊക്കെ എടുത്ത് ഇവിടേക്ക് വെയ്ക്കട്ടെ. “