✨️❤️ശാലിനിസിദ്ധാർത്ഥം 5❤️✨️ [??????? ????????] 229

 

” ഉണ്ട്‌… രണ്ടു വഴികളുണ്ട്.” ജിത്തു ഉടനെ തന്നെ അതിനൊരു ഉത്തരം കണ്ടെത്തിയിരുന്നു.

 

“എന്ത് വഴി ???.” മിത്ര ആകാംഷയോടെ അവന്റെ മുഖത്തേക്ക് നോക്കി.

 

” സിദ്ധാർഥിന്റെ അച്ഛനും, പിന്നെ അവന്റെ ഏട്ടത്തിയും…”

 

“അതെങ്ങനെ…? അവർക്ക് ഇതിനെപറ്റി എന്തെങ്കിലും വിവരം നൽകാൻ സാധിക്കുമോ??? ”

 

” അറിയില്ല.. നമ്മൾക്ക് ശ്രമിച്ചു നോക്കാം. സിദ്ധാർഥിന്റെ മൂന്നുവർഷങ്ങൾക്ക് മുൻപുള്ള ജീവിതത്തെ കുറിച്ചുള്ള വിവരങ്ങൾ അവരിൽ നിന്നു തന്നെ അറിയാനൊരു വഴിയുണ്ട്. ഇങ്ങു വാ.

പറഞ്ഞു തരാം… ” ജിത്തു മന്ത്രിച്ചു.

 

മിത്ര, അവനോട് അൽപ്പം കൂടെ അടുത്തു നിന്നു.. എന്നിട്ട് അഗ്നിജിത്ത് എന്താണ് പറയുന്നതെന്നു കാതോർത്തു നിന്നു.

” …….. ……. …….. ”

 

” അപ്പോൾ ഇതാണോ നിന്റെ ഐഡിയ. സംഭവം കൊള്ളാം… പക്ഷേ അത്രത ഈസിയല്ല കേട്ടോ. ” അഗ്നിമിത്രയ്ക്ക് ജിത്തു പറഞ്ഞ പ്ലാൻ നന്നായി ബോധിച്ചു.

 

“എടീ അതിനല്ലേ, നമ്മുടെ കൈയിലുള്ള ഗാഡ്ജെറ്റ്സ് ഉപയോഗിക്കുന്നത്.. സമയമാവട്ടെ എല്ലാം ശെരിയാക്കാം….

അല്ലാ, നീ എന്തോ പറയാനല്ലേ നേരത്തെ മുറിയിലേക്ക് കേറിവന്നത്… എന്തായിരുന്നു അത് ??? ”

 

“ഓക്കേ… എടാ ഇന്ന് വൈകിട്ട് കുടുംബത്തിലെ എല്ലാവരും ഇവിടെയുള്ള കുടുംബക്ഷേത്രത്തിലെ വിളക്കിന് പോകുന്നുണ്ട്… നമ്മൾക്കും പോകണ്ടേടേടാ…”

 

“ഹായ് അതുകൊള്ളാല്ലോ…! അടിപൊളി. ? നമ്മൾ എത്രനാളായടി നാട്ടിൽ, ഒരു ക്ഷേത്രദർശനത്തിന് പോയിട്ട്…??? ”

 

 

“മിത്ര മോളേ… നീ ജിത്തുവിനോട് അമ്പലത്തിൽ പോകുന്ന കാര്യം പറഞ്ഞോ ???… സമയം നാലരയായി കേട്ടോ… ” പെട്ടനാണ് താഴെത്തെ നിലയിൽ നിന്ന് സത്യഭാമ മിത്രയെ വിളിച്ചു ചോദിച്ചത്.

 

“ഞാൻ ദാ വരുന്നടാ..” മിത്ര എന്നിട്ട് അകത്തെ സ്റ്റൈയർകേസ്സിനടുത്തു ചെന്നിട്ട് താഴേക്ക് നോക്കി ഇങ്ങനെ പറഞ്ഞു : ” ജിത്തുവേട്ടനോട് ഞാൻ കാര്യം പറഞ്ഞിട്ടുണ്ട് , അമ്മേ… ”

 

“ങ്ങാ ശെരി … പിന്നേയ് വേറൊരു കാര്യം, നിങ്ങൾക്കുള്ള മുറി തുറക്കണ്ടേ… അത് പപ്പാ വന്നു തുറന്ന് തരും.

 

പിന്നെ രണ്ടുപേർക്കുമുള്ള വസ്ത്രങ്ങൾ സിതാര ഇപ്പോൾ കൊണ്ടുവരും കേട്ടോ.

രണ്ടുപേരും വേഗം കുളിച്ചു റെഡിയാവാൻ നോക്ക്. ആറുമണിക്ക് തന്നെ ഇറങ്ങാനുള്ളതാ ” ഭാമ അവിടെനിന്നും പോയി.