✨️❤️ശാലിനിസിദ്ധാർത്ഥം 5❤️✨️ [??????? ????????] 229

 

ബെഡ്റൂമിലെ ബാത്‌റൂമിന്റെ വാതിലിനടുത്തുള്ള ചുവരിൽ ഒരു റിവേഴ്‌സിബിൾ വൈറ്റ് ബോർഡ് ഘടിപ്പിച്ചിരിക്കുന്നു. മിത്ര, ബോർഡിലേക്ക് നോക്കി നിന്നതിനു ശേഷം പതിയെ ആ ബോർഡ്‌ ഫ്ളിപ്പ് ചെയ്തു.

 

ആ ബോർഡിൽ എന്തൊക്കെയോ കോഡ് ഭാഷയിൽ എഴുതിയിട്ടുണ്ട്… ആരോടോ പകപോക്കാണെന്ന വണ്ണം ക്രൂരമായ ചില വാക്കുകളും അതിലുണ്ടായിരുന്നു. കൂടാതെ ആ ബോർഡിന്റെ സൈഡിലും മറ്റും കുറെയേറെ സ്റ്റിക്കി നോട്ടുകളും പതിപ്പിച്ചിരിക്കുന്നു. അതെല്ലാം കണ്ട് വല്ലാതെ ഞെട്ടിപ്പോയ മിത്ര :

 

” എടാ ജിത്തു, നീ ഇങ്ങോട്ടു നോക്കിക്കേ..” മിത്ര, ആ ബോർഡൊന് പഴയ നിലയിലാക്കിയതിനു ശേഷം ലാപ്ടോപ്പിൽ ജോലി ചെയ്തു കൊണ്ടിരിക്കുകയായിരുന്ന ജിത്തുവിനെ തോണ്ടിവിളിച്ചു.

 

“എന്താടി…” ജിത്തു അവളെ നോക്കി

 

“സിദ്ധാർഥ് ഈ ബോർഡിൽ എഴുതിയിട്ടെക്കുന്നത് കണ്ടോ നീ…” മിത്ര , അവനോട് ചോദിച്ചു.

 

” ആഹ് കണ്ടു…അതിനെ കുറിച്ച് ഞാൻ അവനോട് ചോദിച്ചപ്പോൾ അവൻ പറഞ്ഞത്, ‘ചില കാര്യങ്ങൾ മറന്നു പോകാതിരിക്കാൻ അവൻ എഴുതി ഇടാറുണ്ട് ‘ എന്നാണ് ”

 

പക്ഷേ ഇതൊരു റിവേഴ്‌സിബിൾ ബോർഡല്ലേ. ഇതാ നോക്കൂ, അവൻ വേറെ എന്തൊക്കെയോ എഴുതിയിട്ടിട്ടുണ്ട്… ” അത്രയും പറഞ്ഞുകൊണ്ട് മിത്ര, ആ ബോർഡ്‌ പിന്നെയും ഫ്ലിപ്പ് ചെയ്തു.

 

അപ്പോൾ ആ ബോർഡിലെ കാര്യങ്ങൾ കണ്ട് ജിത്തുവും വല്ലാത്തൊരു അവസ്ഥയിലായി.

 

” ഏഹ്.. എടീ… ഇത് ഇത് നമ്മുടെ സിദ്ധാർഥ് എഴുതിയത് തന്നെയാണോ…” കസേരയിൽ നിന്നെഴുന്നേറ്റ് അവിടെയെത്തിയ

ബോർഡിലെ വാക്കുകളിലൂടെ കണ്ണോടിച്ചു കൊണ്ട് ജിത്തു ചോദിച്ചു.

 

അതേടാ, ഇത് സിദ്ധു എഴുതിയത് തന്നെയാണ്… പക്ഷേ ഇതിലെന്തോ ഒരു ദുരൂഹത തോനുന്നു… ദാ ഈ എഴുതിയിരിക്കുന്നത് തന്നെ നോക്കൂ.

 

‘ ഞാനവനെ കൊല്ലും…’

 

‘എന്റെ ആമിയെ കൊന്നവരെ ഞാൻ വെറുതെ വിടില്ല…’

 

‘ എത്രയും പെട്ടന്ന് തന്നെ എനിക്ക് എന്റെ സുഹൃത്ത്, അർജുനെ കണ്ടത്തണം…’

 

‘ ആ പാസ്‌കോഡ് എന്താണെന്നു ഒട്ടും തന്നെ ഓർമ വരുന്നില്ല… I Want to Find It. എന്നാൽ മാത്രമേ എനിക്ക് അയാളെയും അയാൾ ചതിയിലും ക്രൂരതയിലും പടുത്തുയർത്തിയ അയാളുടെ ബിസിനസ്‌ ഗ്രൂപ്പിനെയും തകർക്കാനാവൂ.’