✨️❤️ശാലിനിസിദ്ധാർത്ഥം 5❤️✨️ [??????? ????????] 229

 

“വേണ്ട ഒന്നും പറയണ്ടാ… നീ വേഗം കറികളൊക്ക ഉണ്ടാക്കാൻ നോക്ക്. ഇപ്പൊതന്നെ സമയം ഒരു മണിയായി.

രണ്ടരയ്ക്ക് മുൻപേതന്നെ എല്ലാം റെഡിയാക്കണം. ” മിത്രയവനെ കൂടുതലൊന്നും പറയാനനുവദിച്ചില്ല.

 

ജിത്തുവാകട്ടെ , കൂടുതലൊന്നും പറയാൻ നിൽക്കാതെ തന്റെ ജോലി തുടർന്നു…

 

*************************************************************************************

 

ഉച്ചയൂണും കഴിഞ്ഞ് വീട്ടിലെ സ്ത്രീജനങ്ങളൊഴികെ ബാക്കിയുള്ളവർ വിശ്രമത്തിലും മറ്റുകാര്യങ്ങളിലും മുഴുകിയിരുന്ന നേരത്ത്,

സ്ത്രീകളെല്ലാവരും, അടുക്കളയിൽ ക്ലീനിംഗ് പരിപാടിയിലായിരുന്നു…

 

” ഭാനുവമ്മേ, എന്റെ പാചകം എങ്ങനെയുണ്ടായിരുന്നു കൊള്ളാമോ… ??? ”

 

” ഹ്മ്മ് കുഴപ്പമില്ല… നന്നായിട്ടുണ്ട്. എന്നാലും നിനക്കീ സാമ്പാറും, അവിയലും ഒക്കെ എങ്ങനെ ഉണ്ടാക്കാൻ പറ്റിയടി ??? അതും വളരെ കുറഞ്ഞ സമയത്തിനുള്ളിൽ…!”

 

” ഹാ ഹാ അതാണ് എന്റെ കഴിവ്… ഭാനുവമ്മയ്ക്കറിയുമോ, പണ്ട് ഞാൻ കൊച്ചിയിലായിരുന്നപ്പോൾ അമ്മ പഠിപ്പിച്ചതാണ് കറികളൊക്കെ പെട്ടന്നു ഉണ്ടാക്കാനുള്ള ടെക്‌നിക്‌…”

 

” ആഹാ എനിക്കുമൊന്നു പറഞ്ഞു താ ചേച്ചി, ആ ടെക്‌നിക്‌… ” സിതാര മിത്രയോട് കെഞ്ചി.

 

“ഓ എന്നാതിന്നാ… അടുക്കളയിൽ കേറി ഒരു ജോലിയും ചെയ്യാത്ത നിനക്കാണോ ഇവൾ കുക്കിംഗ്‌ ടെക്‌നിക്‌ പറഞ്ഞു തരാൻ പോകുന്നത്…” ഭാമ താരയെ നോക്കി കണ്ണുരുട്ടി.

 

“ഓ എന്നാപ്പിന്നെ വേണ്ട…. അമ്മേ, ഇന്ന് ഒരു പ്രേതെകതയുള്ള ദിവസമല്ലേ… ഇന്ന് വൈകിട്ട് അമ്പലത്തിൽ പോകണമല്ലോ. പെട്ടന്നെന്തോ ഓർത്തിട്ടെന്നപോലെ സിതാര, ഭാമയോട് ചോദിച്ചു.

 

“അതെന്തിനാടി, അമ്പലത്തിൽ പോകുന്നത്… എന്താ ഇന്നത്തെ പ്രേതെകത ??? ” ഭാമ ചോദിച്ചു.

 

“അപ്പൊ അമ്മ മറന്നോ…??? ഇന്നല്ലേ അമ്പലത്തിൽ നമ്മുടെ വിളക്ക്… അച്ചൂട്ടന്റെ പേരിലുള്ള വിളക്ക് ഇന്നല്ലേ…! ”

 

” ഓ ശെരിയാണല്ലോ… എന്റെ ഭഗവതീ. ഞാനത് മറന്നു…” ഭാമ പെട്ടന്നാണത് ഓർത്തത്.

 

“എന്താ കാര്യം…??? ” അഗ്നിമിത്ര, കാര്യമന്ന്വേഷിച്ചു.

 

“ആഹ് അതോ… മോളേ, ഇന്ന് വൈകിട്ട് നമ്മൾക്കെല്ലാവർക്കും കൂടെ നമ്മുടെ കുടുംബക്ഷേത്രത്തിൽ പോകണം… ഇന്ന് സിദ്ധുവിന്റെ വിളക്കാണ്.